அன்பானவன் அசராதவன் அடங்காதவன் @ விமர்சனம்

anba 5
மதுரை தாதா  ஒருவனால் வளர்க்கப்படும் அனாதை மைக்கேல்,   வளர்ந்து பெரியவன் ஆனதும் (சிம்பு) தாதாவின்  முக்கிய பலமாக ‘மதுரை மைக்கேல்’ என்ற பெயரோடு வலம் வருகிறான் .

எப்போது  கரண்ட் சுவிட்சை  போட்டாலும் ஷாக் அடிக்கப்படும் ஒரு பிராமணரின் ( ஒய் ஜி மகேந்திரன் ) மகளான  செல்வியை ( ஸ்ரேயா ) , 

சாமி பல்லக்கை தூக்கிக்  கொண்டு வரும் மைக்கேல் தடவ , அவளுக்கு மைக்கேல் மீது காதல் வருகிறது . ஆச்சா?

காதல் வந்த பிறகு “ரவுடித்தனம் கொலை பண்றது  எல்லாம் வேணாம் . வா…. துபாய் போய் பொழைச்சுக்கலாம் ” என்கிறாள் செல்வி .

anba 2

விஷயம் அறிந்த தாதா “கடைசியாக எனக்காக ஒரு கொலை செய்து விட்டுப் போயிடு ” என்கிறார் .

அப்புறம்தான் நீங்களே சொல்வீங்களே .. எஸ் ! கொலை செய்த மைக்கேல் மாட்டிக் கொள்கிறான் . ஜெயிலுக்குப் போகிறான்.

ஜெயிலில் இருந்து தப்பிக்கும் மைக்கேல் ‘செல்வியாவது நல்ல வாழ்க்கை வாழட்டும் என்று காதலைத் துறக்கிறான் . துபாய் போகிறான் . பெரிய தாதா ஆகிறான்.

அஸ்வின் என்று பெயர் மாற்றிக் கொள்கிறான் . வயசும் ஆகி விடுகிறது அவனை துபாய் போலீஸ் அதிகாரி தேடுகிறார்

ஆனால்  அஸ்வின்  தமிழ் நாட்டுக்கு வந்து…. இதுக்கு மேல கதையை யாராலும் யூகிக்க முடியாது .  பின்னே? இவ்வளவு கேவலமான கதை எல்லாருக்கும் தோன்றுமா என்ன?

anba 4

தமிழ் நாட்டுக்கு வந்து ஒரு இளம்பெண்ணை (தமன்னா) காதலிக்கிறான் . அவளும் இவனை காதலிக்கிற  மாதிரியே நடந்து கொள்கிறாள் . டூயட் எல்லாம் பாடுகிறார்கள் .

திடீர் என ஒரு நாள் அவள் தன்  காதலன் என்று தன்னை விட இரண்டு வயசு குறைவான ஒருவனை (இன்னொரு சிம்பு) அறிமுகப் படுத்துகிறாள் .

கடுப்பான தாத்தா மனம் நொந்து பீச்சுக்கு வந்து நிற்கிறார் . அங்கே சொண்டிச் சோறு திங்கிற  ஒருவன் (ஜி வி பிரகாஷ்) நிற்கிறான் . இருவரும் மனம் விட்டுப் பேசுகிறார்கள் .

தாத்தாவான தன்னை காதலிக்காமல் , வேறு ஒருவனை காதலிக்கும் பெண்ணை பழிவாங்க தாத்தாவும் சொண்டிச் சோறு ஆளும் முடிவு பண்ணி சபதம் எடுக்கிறார்கள் .

anba 1

இரண்டாம் பாகத்தில் தொடரும் என்று போட்டு மண்டை காய வைத்து அனுப்புகிறார்கள் .

எந்த கருமத்தைச்  சொல்ல? எந்த கண்றாவியை சொல்லாமல் விட? ஆரம்பம் முதலே அக்கப்போர்தான் .

சின்னச் சின்ன கேரக்டர்களில் நடிப்பவர்கள் முதற்கொண்டு எல்லாருமே செயற்கையாக நடிக்கிறார்கள்

நடிகர்திலகம் சிவாஜி கணேசன் கடைசி காலத்தில் தாடியோடு இருந்தாரே? அந்த கெட்டப்பை தாதா கேரக்டருக்கு கொடுத்து இருக்கிறார்கள் . சிவாஜி மேல் என்ன கோபம் சிம்பு அன் கோ வுக்கு ?

சிவாஜிக்கு இது ஒரு கேவலம்  என்றால் அந்த தாதா முகத்தில் நடிப்பே வரவில்லை . அது சிவாஜிக்கு  இழைக்கப்படும் இன்னொரு அவமானம் .

வெளிநாட்டில் உள்ள பெண் போலீஸ் அதிகாரி என்றால் நம்ம ஊரு அதிகாரி என்றாலும்  கிளிவேஜ் கிழிஞ்சு தொங்கற மாதிரிதான் ட்ரெஸ் போடணுமா ?

anba 3
இதில் ”நான் தமிழச்சிடா” என்ற வசனம் வேற . கர்மம் கர்மம் !

ஷாக் வாய்ப்பு மனிதர் என்பது ஒரு உண்மையான கதாபாத்திரம்தான் .

ஆனால்  ஒவ்வொரு முறை ஷாக் அடிக்கும் போதும் ஒய் ஜி மகேந்திரன் வாயில் யாரவது வாயை வைத்து உறிஞ்சுவதாக காட்சி  வைத்து இருப்பது … உவ்வே !

நாடக உலகில் மாபெரும் சாதனைகள் செய்யும் ஒய் ஜி மகேந்திரன் போன்றவர்கள் இது போன்ற கேவலமான கேரக்டர்களில் நடிக்க வேண்டுமா ? வீட்ல என்ன சோத்துக்கா  பஞ்சம் ?

இரட்டை அர்த்த வசனம் கூட இல்லை . நேரடியாக கேவலமான கீழ்த்தரமான வசனங்கள் !

anba 6

இந்தப் படத்தை எழுதி இயக்கியவரின் அம்மா அக்கா தங்கைகள் இந்தப் படத்தை எப்படி பார்ப்பார்கள் என்பது ஒரு பக்கம் இருக்கட்டும் .

குழம்பு வைப்பது எப்படி என்ற காட்சி வைத்து அதில் புளி  என்ற வார்த்தை வந்தால்  கூட ,

”புளி என்ற சத்தம் புலி  என்ற வார்த்தை மாதிரி இருக்கு . அது விடுதலைப் புலிகளை ஆதரிக்கும் வசனம்” என்று சொல்லி, அதை நீக்கி டெல்லிக்கு சொம்படிக்கும் சென்சார் போர்டு செங்கமட்டிகள் ,

இது போன்ற கேவலமான வசனத்தை எல்லாம் அனுமதிப்பதைப்  பார்க்கும்போது , நல்லா பிஞ்சு போன நமது பழைய பீச்சங்கால் செர்ர்ர்ர்ர்ர்ர்ர்ருப்பை எடுத்து ….

நம்மையே அடித்துக் கொள்ளணும் போல இருக்கு .

anba 7

வயசான சிம்புவுக்கு ஒரு கெட்டப்பும் மேக்கப்பும் போட்டு இருக்காங்க….

கிராமத்து மாரியம்மன் கோவில் திருவிழாவில் மைதா மாவை கரைத்து முகத்தில் போடும் எளிய கலைஞர்களின் வயசான மேக்கப் கூட இன்னும் நல்லா இருக்கும் .

மார்பகம் வரும் பகுதிக்கு நேராக eye contact என்ற வசனம் எழுதப்பட்ட பனியனை தமன்னாவுக்கு போடத் தெரிந்தவர்களுக்கு ,

படம் பார்க்க வரும் ரசிகனோடும் கம்பீரத்தோடும் கண்ணியத்தோடும் எப்படி சினிமா மூலம் ரசனை காண்டாக்ட் செய்து கொள்வது என்பது புரியாதது கொடுமை .

சண்டைக் காட்சிகள்  அருமை . ஆரம்பிக்க காட்சிகளில் மதுரை வழக்குத் தமிழ் பேசும் சில நிஜமான மனிதர்கள் கவர்கிறார்கள் .

anba 8

” நாங்க மட்டன் , சிக்கன் எல்லாம் சாப்பிட மாட்டோம் ?”

“ஏம்மா … நீங்க சைவமா ?”

”ம்ஹும் . நாங்க  PETA “

போடீங்க…வீ  ஃ பார் ஜல்லிக்கட்டு ” என்ற காட்சி மட்டும் அசத்தல் என்றால் ,

அதில் நடிக்கும் நடிகையைக்  கூட,

ஜல்லிக்கட்டு போராட்ட சமயத்தில் தமிழ்ப் பெண்களை இழிவு படுத்திப் பேசிய ராதா தியாகராஜன் மாதிரியே போட்டு நடிக்க வைத்திருக்கும் அந்த கெத்துக்கு  மட்டும், 

இயக்குனர் ஆதிக் ரவிச்சந்திரன் , சிம்பு இருவருக்கும் பாராட்டுக்கள் .
anba 9
ஆனாலும் கூட ,

 அன்பானவன் , அசாராதவன், அடங்காதவன் …. அபத்தமானவன், அல்பமானவன் அசிங்கமானவன் !

About Su Senthilkumaran

பெயர் : சு.செந்தில் குமரன்

புனைப் பெயர் : ராஜ திருமகன்

கல்வித் தகுதி : B.E. Mechanical

பிரசுரமான முதல் படைப்பு : கவிதை —

பெங்களூரில் நடந்த ‘பெரிய’ மாநாட்டில்
தேங்காய் எண்ணையில் சமைத்த உணவே
தேவை என்றாராம் ஜெயவர்த்தனே!
நல்ல வேளை…..
தமிழன் ரத்தம் கேட்கவில்லையே
(ஜூனியர் விகடன் )

பத்திரிக்கைப் பணி : விகடன் மாணவ நிருபர் திட்டம்

மிகச் சிறந்த நிருபர் (outstanding reporter) விருது

விகடன் குழும இதழ்களின் சிறப்பு நிருபர் (பல ஆண்டுகள்)

விளம்பர முகவர் —ஏற்றுமதி உலகம் இதழ் (ஒரு ஆண்டு)

கட்டுரைப் பகுதி பொறுப்பாசிரியர் –மாலை முரசு குழும இதழ்கள் (பல ஆண்டு)

சினிமா பகுதி ஆசிரியர் (தின மதி நாளிதழ்)

நிருபர் (குமுதம்) உதவி ஆசிரியர் (குமுதம் ரிப்போர்ட்டர்)

பொறுப்பாசிரியர் (குமுதம் ஹெல்த்)

சினிமா பகுதி ஆசிரியர் (தின இதழ் நாளிதழ் )

தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி )

நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி )

நடுவர் (ஜெயா டிவி டாக்குமெண்டரி விருது )

திரைப் படைப்பாளியாக : உதவி மற்றும் இணை இயக்குனர் –ஆர்.வி. உதயகுமார் (பல படங்கள்)

நடிகர் — முழு நீள கதாபாத்திரம் — அஜந்தா (தமிழ் , தெலுங்கு )

— நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக)

— கஸ்தூரி , இளவரசி தொலைக்காட்சித் தொடர்கள்

பாடலாசிரியர் — அஜந்தா (இளையராஜா), அடாவடி (தேவா),

முத்துக் குமரனின் காதல் (நவநீத் ) வெண்மேகம் (ஜாபர் )

அடுத்த கட்டம் : திரைப்பட இயக்கம் /நடிப்பு / எழுத்து

தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *