ஆயிரத்தில் இருவர் @ விமர்சனம்

சங்கர் பிரவீன் பிலிம்ஸ் தயாரிப்பில் வினய், சாமுத்ரிகா, ஸ்வஸ்திகா, கேஷா கம்பட்டி. மயில்சாமி, இளவரசு, அருள்தாஸ், ராம்ஸ் நடிப்பில்,

 சரண் இயக்கி இருக்கும் படம் ஆயிரத்தில் இருவர் . எத்தனை பேர் தேறுவார்கள் ? பார்ப்போம் .

ஜென்மப் பகை படிந்த பங்காளிகள் இருவர். ஒருவனுக்கு பிள்ளை இல்லை. இன்னொருவனுக்கோ,

இரட்டை ஆண் பிள்ளைகள் பிறக்கின்றன . பிறந்த குழநதைகள் வளரும் போதே அடித்துக் கொள்கின்றன.

இந்த நிலையில் ஒரு சிறுவன் , ஒரு சிறுமியைப் பார்த்து அவள் பின்னாலேயே போய் விட , சந்தர்ப்ப சூழலில்,

 பிள்ளை இல்லாத பங்காளி அந்த சிறுவனை கொன்று விட்டது போல தோன்றுகிறது .

பிள்ளையை ‘இழந்த’ அப்பன் ஆத்திரத்தில் பிள்ளை இல்லாத பங்காளியை கொன்று விடுகிறான் . பகை பெரிதாகிறது .

அப்புறம் தன் மகனை வெளியூரில் அப்பன் பார்க்கிறான் . இந்த மகன் உயிரோடு இருப்பது தெரிந்தால் அவனைக் கொன்று விடுவார்கள் என்ற பயத்தில்,

 வெளியூரிலேயே வளர்க்கிறான் . அவனும் வளர்கிறான் (வினய் ). ஹவாலா மோசடி செய்கிறான் . கம்பியூட்டர் ஹேக்கராகவும அப்படியே ஹூக்கராகவும் இருக்கும ஒரு பெண் அவன் மீது மையலாக இருக்கிறாள்

இன்னொரு மகன் ஊரிலேயே பங்காளியின் பகையை எதிர்கொண்டு வாழ்கிறான் (இரட்டை வேடம் வினய் ) . அவனுக்கு ஒரு பெண்ணுக்கும் காதல் . (சாமுத்ரிகா)

தாய் மாமனின் நகைக்கடை ஒன்றில் அவள் வேலை செய்கிறாள். மாமனுக்கு அவளை கல்யாணம் செய்து கொள்ள ஆசை .

இந்த நிலையில் எம் பி ஒருவரின் பினாமி (பிரதீப் ராவத் ) பல்லாயிரம் கோடி பணத்தை எம் பி சார்பில் சுவிஸ் பேங்கில் போட்டு,

 அதன் பாஸ்வேர்டின் ஒரு பகுதியை பெற்ற மகளின் மார்புப் பகுதியிலும் , மறு பகுதியை முதுகின் கீஈஈஈஈழ்ப் பகுதியிலும் டாட்டூ போட்டு வைக்கிறான் .

எம் பி யின் ஆசை நாயகி ஒருத்தி (காஜல் பசுபதி) அந்த பணத்தை ஆட்டையைப் போடக் காத்து இருக்கிறாள் .

சொந்த ஊரில் வளரும் மகன் முழு சொத்தையும் தன் பேரில் எழுதித் தரக் கேட்கிறான் . ஆனால் காணமல் போன –

கொல்லப்பட்டதாகக் கருதப்படும் தன் மகன் திரும்ப வருவான் . அவனுக்கும் பங்கு தரவேண்டும் என்று தாய் விரும்புகிறாள் .

இந்த விஷயம் வெளியூரில் இருக்கும் ஹவாலா மகனுக்கு தெரிகிறது.

எம்பி இறந்து போக , ஆசை நாயகியும் பினாமியும் பணத்தை தமதாக்க முயல்கின்றனர் . அந்த நேரத்தில் பினாமியின் மகள் ஹவாலா நாயகன் வசம் வருகிறாள் .

பிள்ளை இல்லாமல் செத்துப் போன பங்காளியின் மனைவியின் தம்பி இன்ஸ்பெக்டராக வந்து ஊரில் உள்ள மகனுக்கு குடைச்சல் கொடுக்கிறான் .

சில்லுண்டி ரவுடிக் கூட்டம் ஒன்று தன் தந்தையை கொன்றவன் என்று தவறாக நம்பி உள்ளூர் மகனை பழிவாங்க அலைகிறான் .

ஹவாலா மகனும் உள்ளூர் மகனை ஒரு வழி பண்ண வருகிறான்

எல்லோரும் ஊருக்கு வருகிறார்கள் .

எல்லாரோடு எல்லாரும் மோதி எல்லாவற்றோடு எல்லாமும் முட்டி கடைசியில் சுபம் . இதுவே ஆயிரத்தில் இருவர் .

மேல் உள்ளாடையை ஜாக்கெட் ஆகவும் கீழ் உள்ளாடையை டிரவுசராகவும் போடும் தினவேறிய பெண்களாக, லோ ஆங்கிளில் தொடை காட்டும்  சில கதாநாயகிகள் ….  அனைத்து கேரக்டருக்கும் பொருத்தம் இருக்குதோ இலையோ வெள்ளை வெளேர் பெண்கள்…..

கலர் ஃபுல் ஒளிப்பதிவு என்று , சரண் படத்துக்கான தன்மைகள் இந்தப் படத்திலும் உண்டு .

குட்டியானை வண்டியில் நிஜ பெண்ணை அலங்காரப் படுத்தி நிற்கவைத்து நகைக் கடைக்கு விளம்பரம் செய்யும்,

 சில பகுதி சில வியாபாரிகளின் ஐடியாவை படத்துக்குள் கொண்டு வந்திருக்கிறார் சரண் .

குலசேகரப் பட்டினம் தசாரா திருவிழாவை அழகாக காட்சிப் படுத்தியுள்ளர்கள்

பிரச்னை வரும்போது எல்லாம் வெளியே கெத்துக் காட்டி விட்டு ரூம் போட்டு அழும் ரவுடிகள் புன்னகைக்க வைக்கிறார்கள் .

சில நாவலடியான நகைச்சுவைகளும் அவ்வப்போது வருவதை மறுப்பதற்கு இல்லை . அவ்வப்போது மட்டுமே .

பரத்வாஜின் இசை ஒகே தான் . இந்த இருவர் இணைந்த பழைய படங்களில் உள்ள உற்சாகம் , இனிமை இதில் நஹீ .

இந்த கேரக்டருக்கு வினய்யை யோசிக்க மிகப் பெரிய தைரியம் வேண்டும் ! மகா தைரியம் !

ஏகப்பட்ட கேரக்டர்கள் , ஏகப்பட்ட காட்சிகள் , ரங்கநாதன் தெருவுக்குள் எதிர் நகர்வுப் பெருங்கும்பலில் சிக்கி மூச்சும் முட்டும் உணர்வை ஏற்படுத்துகிறது திரைக்கதை .

அதுவும் வருவது எல்லாம் வத்தலும் தொத்தலுமாகவோ அல்லது இடிதடியர்களாகவோ இருந்தால் எப்படி இருக்கும் ? அதே நிலை .

ஒரு சிறு நகைச்சுவைக் காட்சி வருவதற்கு முன்பு நிறைய சவ சவ காட்சிகளை எதிர்கொண்டு சமாளிக்க வேண்டி உள்ளது .

பாடல்கள் வேறு அசந்தர்ப்பமாகவே வருகிறது .

இன்னும் நல்ல கதை திரைக்கதை , நல்ல கதாபாத்திரத் தேர்வு அடுத்த படத்தில் எதிர்பார்க்கிறோம் சரண் .

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *