அதாகப் பட்டது மகா ஜனங்களே @ விமர்சனம்

adha 3

சில்வர் ஸ்கிரீன் ஸ்டுடியோஸ் சார்பில் சிவ ரமேஷ்குமார் தயாரிக்க , தம்பி ராமையாவின் மகன் உமாபதி நாயகனாக அறிமுகமாக,

ரேஷ்மா ரத்தோர், கருணாகரன், ஆர். பாண்டிய ராஜன், மனோபாலா, ஆடுகளம் நரேன், ஆகியோர் நடிக்க , 

ஆர். இன்பசேகர் இயக்கி இருக்கும் படம் அதாகப் பட்டது மகாஜனங்களே . ”அதனால்  மகாபடமே ..”என்று ஜனங்கள் பாராட்டும்படி இருக்கிறதா ? பார்க்கலாம். 
கிடார் கலைஞரான தாத்தா,  தபேலா கலைஞரான அப்பா (பாண்டியராஜன்) குடும்பத்தில் பிறந்து கிடார் கலைஞனாக வாழும் நாயகன்  (அறிமுகம் உமாபதி) ,
தனது நண்பன் ஒருவனுக்கு செய்யும் உதவியாக ஒரு பங்களாவில் மூன்று மணி நேரம் வாட்ச் மேன் வேலை செய்கிறான் . 
அப்போது பங்களா உள்ளே நுழையும் ஒரு  கும்பல் , பணம் நகை எதையும் களவாடாமல் எதோ ஒரு முக்கிய பொருளை தேடி விட்டுப் போயிருக்கிறது . 
adha 5
நாயகனின்  பெயர் முகவரி தொலை பேசி எண் எல்லாம்  பொறிக்கப்பட்ட கிடாரும் காணாமல் காணாமல்போகிறது .
போலீஸ் விசாரணையில் ஆள் மாறாட்டம் தெரியாமல் போனாலும் , தொலைந்து போன கிடார் மூலம் தன் மீது போலீஸ் சந்தேகப்படுமோ என்பது நாயகனின் பயம் . 
எந்த பலமும் இல்லாமல்  வெட்டி பந்தா மூலமே தாதாவாக காட்டிக் கொள்ளும் நண்பனின் (கருணாகரன்) உதவியை  நாடுகிறான் நாயகன் . 
பங்களா உரிமையாளரான தொழில் அதிபர் (ஆடுகளம் நரேன்) , தனது தொழில் பங்குதாரர்கள்,   வீட்டில் உள்ள ஒரு முக்கியப் பொருளை திருட,
 ஆள் அனுப்பி   இருப்பார்களோ என்று சந்தேகப்பட்டு , உண்மையைக் கண்டு பிடிக்க துப்பறியும் நிறுவனம் ஒன்றின் உதவியை நாடுகிறார் . 
adha 7
அந்த துப்பறியும்ஆ ளுக்குப் பதில் வீட்டுக்குள் போக முடிவு செய்கிறான் நாயகன் . 
தொழில் அதிபரின் அப்பாவுக்கு புல்லாங்குழல் கற்றுத் தரும் ஆசிரியராக உள்ளே போகிறான் . அங்கே போனால் முன்பே அவன் பார்த்து ரசித்த இளம்பெண் ஒருத்திதான் (ரேஷ்மா) ,
தொழில் அதிபரின் மகள் என்பது தெரிகிறது .  காதலும் வருகிறது . 
தொழில் அதிபர் வீட்டில் திருடப்பட இருந்தது எது? திருட அனுப்பியது யார் ? நாயகனின் கிட்டார் எங்கே ? அவன் போலீசில் சிக்கினானா ? காதல் என்ன ஆச்சு என்பதே இந்த அதாகப் பட்டது மகா ஜனங்களே !
மிக எளிய கதை, கொஞ்சம் செண்டிமெண்ட் , கொஞ்சம் காமெடி , கொஞ்சம் ஜுஜுபி , கொஞ்சம் உல்லல்லாயி என்று முயன்று இருக்கிறார் இயக்குனர் . பெரிதாக சேதாரம் இல்லை . 
நண்பனை நாயகன் நிஜமாகவே பெரிய ரவுடி என்று நம்ப,  அதை தக்க வைக்க நண்பன் பல ரவுடிகளிடம் வாங்கும் அடிகளும் செய்யும் ஐடியாக்காளும் சொல்லும் சமாதானங்களும்  சிரிக்க வைக்கிறது . 
adha 8
அந்த சூழலுக்கு இமான் போட்டு இருக்கும் பின்னணி இசையும் காமெடி . 
ஒரு நிலையில் அது ஓவர் டோஸ் போல தோன்றினாலும் மீண்டும் நாம் அதற்கு செட் ஆகி சிரிக்க ஆரம்பிக்கிறோம் . குட் !
பாடல்கள் நன்றாக இருக்கிறது . எனினும்  அடிப்படைக் கதையில் பாடல்களுக்கு இடம் இல்லாத நிலையில் அசந்தரப்பமாக வருவதால்  வீரியம் குறைவதையும் சொல்ல வேண்டும்  
வாவ் உமாபதி ! 
மிக அட்டகாசமான் நடனம் ஆடி வசீகரிக்கிறார் . ஒவ்வொரு ஸ்டெப்பையும் சிறிதும் இழப்பின்றி முழுவதுமாக அழகாக ரசனையாக அவர் ஆடும் விதம் அபாரம் .
 பாடல் காட்சிகளை ரசிக்க இவரது நடனமும் ஒரு முக்கியக் கரணம் .  உயரம் இரண்டும் பிளஸ் . 
adha 4
பேசும் முறையில் பயிற்சி வேண்டும் . நடிப்பிலும் இன்னும் முயற்சி வேண்டும் . போகப் போக வரும் . எனவே  உமாபதிக்கு கொடுப்போம் ஒரு சிவப்புக் கம்பள வரவேற்பு !
ரேஷ்மா ரத்தோர் வெகு இயல்பான பெண் தோற்றத்தில் ஜஸ்ட் லைக் தட் நடிக்கிறார் . கிளைமாக்சில் முக்கியத்துவம் கொடுத்து அந்த கேடக்டரின் அவசியத்தை காப்பாற்றுகிறார் இயக்குனர் . 
ஆடுகளம் நரேன் வழக்கம் போல நல்ல நடிப்பு .
அதே நேரம் வெகு ஜனத்தை ஈர்த்து மயக்கும் வண்ணம் எந்த முயற்சியும் இல்லாமல்  நகர்ந்து கொண்டே போகிறது படம் . 
adha 6
கதை கூட ஒகே தான். ஆனால் இன்னும் நேர்த்தியான அடர்த்தியான — சம்பவங்கள் நிறைந்த திரைக்கதை தேவைப்படுகிறது .
அதனால் அதாகப் பட்டது மகாஜனங்களே … அதுதான்  ஜனங்களே !

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (1986 ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் (1988- 89) மிகச் சிறந்த நிருபர் (outstanding reporter) விருது (1989 ) விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *