ஹரஹர மகா தேவகி @விமர்சனம்

தங்கம் சினிமாஸ் சார்பில் எஸ். தங்கராஜ் தயாரிக்க, 

கவுதம் கார்த்திக், நிக்கி கல்ரானி, நான் கடவுள் ராஜேந்திரன், கருணாகரன், ரவி மரியா, சதீஷ், பால சரவணன் ,  ஆர் கே சுரேஷ், மனோபாலா , மயில்சாமி நடிப்பில், 
 
கதை திரைக்கதை வசனம் எழுதி சன்தோஷ் குமார் இயக்கி இருக்கும் படம் ஹர ஹர மகா தேவகி . ஹர ஹர வா ? அரோஹராவா ? பார்க்கலாம் .
 
தன் கட்சி சார்பாக பொது மக்களுக்கு வழங்கப்படும் விலையில்லாப் பொருள் பைகளில் ஒன்றில் டைம் பாம் பொருத்தி வெடிக்கச் செய்து , மக்களைக் கொன்று ,
 
அந்தப் பழியை எதிர்க்கட்சி மீது போட்டு அனுதாபம சம்பாதித்து, 
 
தேர்தலின் வெற்றி பெற முயல்கிறார் ஓர் அரசியல்வாதி (ரவிமரியா)
 
அதற்காக தன் நம்பிக்கைக்குரிய அல்லக்கை ஒருவன் (நமோ நாராயணன் ) மூலம் , இரண்டு நபர்களை (கருணாகரன், நான் கடவுள் ராஜேந்திரன்) பிடித்து ,
 
அவர்களிடம் டைம் பாமை ஒப்படைக்கிறான் . 
 
பயந்து போன அல்லக்கை சம்மந்தப்பட்ட தினத்தன்று  ஹரஹர மகாதேவகி என்ற ரிசார்ட்டுக்கு குடும்பத்தோடு  போகிறான்
 
காதல் ஜோடி ஒன்று (கவுதம் கார்த்திக்- நிக்கி கல்ரானி ) கருத்து வேறுபாட்டால் காதலை முறித்துக் கொள்ள முடிவு செய்து, 
 
ஒருவருக்கொருவர் கொடுத்த பொருட்களை மேற்படி ரிசார்ட்டில் வைத்து கை மாற்றிக் கொண்டு பிரிய முடிவு செய்கிறது . 
 
காதலனின் நண்பன் (சதீஷ் ) துணைக்கு வருகிறான். காதலிக்கும் ஒரு தோழி துணைக்கு வருகிறாள் . 
 
கள்ள நோட்டு மாற்றுவதில் கை தேர்ந்த ஒருவன் (பால சரவணன்) கொண்டு வரும் ஒரு கோடி ரூபாய் கள்ள நோட்டு அடங்கிய பையும் ,
 
பாம் உள்ள பையும் , காதலன் கொண்டு வரும் பையும் ஒரே மாதிரி இருப்பதால்  (விலை இல்லாப் பொருட்கள் வழங்க உதவிய அதே கட்சிப் பைகள் !) , 
 
சில சூழல்களில் ஒருவரில் இருந்து இன்னொருவருக்கு  இடம் மாறுகிறது . 
 
ரிசார்ட்டுக்கு வந்த ஒரு தம்பதியின் குழந்தையை கடத்தும் ஒருவன் அங்கேயே இருந்து கொண்டு ஒரு கோடி ரூபாய் பிணையத் தொகை கேட்கிறான் .
 
குற்றவாளியைக் கண்டு பிடிக்க வருகிறார் இன்ஸ்பெக்டர் (ஆர் கே சுரேஷ்) 
 
தான் அனுப்பிய வெடிகுண்டு பை கை மாறியதை அறிந்த அரசியல்வாதியும் ரிசார்ட்டுக்கு வருகிறான். 
 
எல்லாம் ஒன்றாகிக் கலந்து குழம்பும் போது என்ன ஆனது என்பதே படம் . 
 
தமிழ் சினிமாவில் இரட்டை அர்த்தக் காமெடி படம் என்று கேட்டு இருப்போம் . ஆனால் இதில் இரண்டு அர்த்தம் எல்லாம் கிடையாது .
 
நேரிடியாக ஒரே அர்த்தம் . அதுவும் ஆணின் இடுப்புக் கீழே நோக்கும் ஒரே விஷயம் ! அதுவும் கொஞ்ச நஞ்சமல்ல . 
 
கேட்டால் ”இது அடல்ட் காமெடி .  A படம் . இது இப்படித்தான் இருக்கும் , இது மாதிரி படங்கள் அமெரிக்காவில் வருது . அன்டார்ட்டிகாவில் வருது .
 
பம்பாயில் கூட வருது .  தார்ப்பாயில் உருட்டி வருது. பதினெட்டு வயசு ஆனவங்க  மட்டும் வாங்க . பிடிச்சவங்க மட்டும் வாங்க” என்கிறார்கள் .
 
இது போன்ற படங்களை எல்லாம் எதோ ஒரு பிரிவின் கீழ் அனுமதிக்கும் தணிக்கை போர்டு ,
 
சமூக அக்கறையுடன் உண்மைகளை சொன்னால் மட்டும் இறையாண்மை என்று குறையாண்மையோடு குதிக்கும் . 
 
என்னத்த சொல்ல !
 
செல்வகுமாரின்  ஒளிப்பதிவு ரம்மியமாக ஜொலிக்கிறது . சுப்பிரமணிய சுரேஷின் கலை இயக்கமும் அப்படியே . உடைகள் தேர்வும் அருமை . 
 
யbbbbbbப்பா ….. !   
 
– என்ற அந்த எக்ஸ்பிரஷனை என்னமா  கொடுக்கிறார்  நிக்கி கல்ரானி  (சரியா படிங்க)  ! 
 
மற்ற எல்ல்லாரும் வண்டி  வண்டியாக அந்த அர்த்த வசனங்களை அள்ளிக் கொட்டுகிறார்கள் . 
 
அடல்ட் காமெடி என்றாலும் ஆரம்பத்தில் முக்கால் மணி நேரம் ஆர்டினரியாகவும் அடல்டாகவும் மட்ட்ட்டும் போகும் படம் ,
 
அப்புறம்தான் அடல்ட் காமெடியாகவே வருகிறது . அப்படியே இரண்டாம் பகுதியிலும் தொடர்கிறது . 
 
பாதிக்கப்பட்டவர்களுக்கு நியாயம் கிடைக்க செய்து அவர்களுடன் புகைப்படம் எடுத்துக் கொள்ளும் இன்ஸ்பெக்டர் ,
 
பணியாற்றும் கம்பெனியின் லுங்கியோடு எங்கும் போகும் — ஹீரோவின் நண்பன் இப்படி குணச்சித்திரங்களில்  சில அட ! 
 
டாஸ் மாக் வேண்டாம் என்று சொல்லும் மக்களை அடிக்கும் போலீஸ்,  குடிக்க வரும் குடிமகன்களை சலாம் போட்டு உள்ளே கொண்டு போவதை காமெடியாக சொல்வது , 
 
மத வெறிக் கூட்டங்களில் திடீர் பக்தி வந்தது போலவும் , பேய் பிடித்ததுபோலவும் , இன்ஸ்டன்ட் குணம் ஆவது போலவும் நடக்கும், 
 
கோமாளிக் கூத்துகளை மத வேறுபாடின்றி ஓட்டி இருப்பது ….. 
 
இப்படி படத்தில் வரும் ஒரு  சில காமெடிகள் , இந்த புண்ணாக்கு அடல்ட்  காமெடிகளை விடவும் நன்றாகவே இருக்கின்றன .
 
அதிக கைதட்டல்களும் வாங்குகின்றன . 
 
அப்படியே ஒரு  அட்டகாசமான காமெடி படம் எடுத்து  குடும்பம் குழந்தை குட்டி என்று எல்லா தரப்பு மக்களையும் கவரலாமே ? இந்த அடல்ட் காமெடிதான் வேணுமா ?  
 
அதாவது பெட்ரோமாஸ் லைட்டேதான் வேணுமா ?
 
இந்த… அகல் விளக்கு ,  குத்து விளக்கு, மெழுகுவர்த்தி,  தீப்பந்தம் , கரண்ட்  லைட் , மின்மினிப்பூச்சி – நிலா வெளிச்சம் இதெல்லாம் வேணாமா ? 

About Su Senthilkumaran

பெயர் : சு.செந்தில் குமரன்

புனைப் பெயர் : ராஜ திருமகன்

கல்வித் தகுதி : B.E. Mechanical

பிரசுரமான முதல் படைப்பு : கவிதை —

பெங்களூரில் நடந்த ‘பெரிய’ மாநாட்டில்
தேங்காய் எண்ணையில் சமைத்த உணவே
தேவை என்றாராம் ஜெயவர்த்தனே!
நல்ல வேளை…..
தமிழன் ரத்தம் கேட்கவில்லையே
(ஜூனியர் விகடன் )

பத்திரிக்கைப் பணி : விகடன் மாணவ நிருபர் திட்டம்

மிகச் சிறந்த நிருபர் (outstanding reporter) விருது

விகடன் குழும இதழ்களின் சிறப்பு நிருபர் (பல ஆண்டுகள்)

விளம்பர முகவர் —ஏற்றுமதி உலகம் இதழ் (ஒரு ஆண்டு)

கட்டுரைப் பகுதி பொறுப்பாசிரியர் –மாலை முரசு குழும இதழ்கள் (பல ஆண்டு)

சினிமா பகுதி ஆசிரியர் (தின மதி நாளிதழ்)

நிருபர் (குமுதம்) உதவி ஆசிரியர் (குமுதம் ரிப்போர்ட்டர்)

பொறுப்பாசிரியர் (குமுதம் ஹெல்த்)

சினிமா பகுதி ஆசிரியர் (தின இதழ் நாளிதழ் )

தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி )

நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி )

நடுவர் (ஜெயா டிவி டாக்குமெண்டரி விருது )

திரைப் படைப்பாளியாக : உதவி மற்றும் இணை இயக்குனர் –ஆர்.வி. உதயகுமார் (பல படங்கள்)

நடிகர் — முழு நீள கதாபாத்திரம் — அஜந்தா (தமிழ் , தெலுங்கு )

— நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக)

— கஸ்தூரி , இளவரசி தொலைக்காட்சித் தொடர்கள்

பாடலாசிரியர் — அஜந்தா (இளையராஜா), அடாவடி (தேவா),

முத்துக் குமரனின் காதல் (நவநீத் ) வெண்மேகம் (ஜாபர் )

அடுத்த கட்டம் : திரைப்பட இயக்கம் /நடிப்பு / எழுத்து

தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *