RS இன்போடைன்மென்ட் எல்ரட் குமார் தயாரித்து, சரத் இயக்கி இருக்கும் படம் கோ 2 .
பாபி சிம்ஹா, பிரகாஷ் ராஜ் மற்றும் பால சரவணன் ஆகியோர் முக்கிய கதாப்பாத்திரங்களில் நடித்துள்ளனர்.
‘டார்லிங்’ படத்தில் பேயாக நடித்து அனைவரின் பாராட்டுக்களையும் பெற்ற நிக்கி கல்ரானி, இந்தப் படத்தில் கதாநாயகியாக நடித்துள்ளார்
படத்தின் சிறப்பு காட்சியை பார்த்த அனைவரும் நிக்கியின் நடிப்பை பாராட்டுகின்றனர் .
” ஒரு நடிகைக்கு அழகு மட்டும் முக்கியம் அல்ல. உழைப்பும் திறமையும் கட்டாயம் வேண்டும் .
ஒரு படத்தில் நடித்த வேடத்தில் மீண்டும் நடிக்க எனக்கு ஆர்வம் கிடையாது. புதுப்புது வேடங்களையும், பலப்பல கதாபாத்திரங்களையும் நான் தேடிச செல்வேன் .
அப்படி சென்ற போது எனக்கு கிடைத்த ஒரு சிறந்த வாய்ப்பு தான் கோ 2.
லியான் ஜேம்ஸ் இசையமைத்திற்கும் இந்த படத்தின் பாடல்கள் ரேடியோவிலும், ஐ டியுன்சிலும் தொடர்ந்து முதல் வரிசையை பிடித்து வருகிறது இந்த பாடல்களின் வெற்றி தனக்கு மிகுந்த மகிழ்ச்சியை தருகிறது.
தேர்தல் நெருங்கி வரும் இந்த பரபரப்பான சூழ்நிலையில், அரசியலையும், ஊடகத்தையும் மையமாக கொண்டு உருவாகியுள்ள கோ 2 திரைப்படம் ,
நிச்சயம் மக்களின் மனதில் ஒரு விழிப்புணர்வையும், மாற்றத்தையும் ஏற்படுத்தும்.
இந்தப் படத்தில் பத்திரிக்கையாளர் வேடத்தில் நடிக்கும் நான், அந்த கதாபாத்திரம் தத்ரூபமாக அமைய வேண்டும் என்பதற்காக, பல நிஜ பத்திரிகையாளர்களைப் பார்த்து,
அவர்களின் நடை, உடை, பாவனை மற்றும் அவர்களின் பேச்சு திறன், கேள்வி எழுப்பும் விதம்,..
அட அவ்வளவு ஏன் … அவர்கள் எப்படி தங்களின் மைக்கை பிடித்து கொண்டிருக்கிறார்கள் என்பது முதல் கொண்டு, (யூ மீன் பத்திரிக்கையாளர்கள் ?) அனைத்தையும் கற்றுக் கொண்டேன்.
என்னுடைய உழைப்பிற்கு ஏற்ற பலனை மக்களிடத்தில் நான் ஆவலுடன் எதிர்பார்த்து கொண்டிருகிறேன்.
மே 13 ஆம் தேதி படம் வெளிவரும் நாளை மிகவும் ஆவலுடன் எதிர்பார்க்கிறேன்” என்கிறார் அழகாகத் தமிழ் பேசும் நிக்கி கல்ரானி
