களவுத் தொழிற்சாலை @ விமர்சனம்

எம் ஜி கே மூவி மேக்கர்ஸ் சார்பில் ரவிசங்கர் என்பவர் தயாரிக்க, வெங்கி பிலிம்ஸ் இன்டர்நேஷனல் சார்பில்,

 வெங்கடேஷ் ராஜாவும் எஸ் 2 என்ற நிறுவனமும் சேர்ந்து வெளியிட, 

கதிர் , வம்சி கிருஷ்ணா , குஷி, மு.களஞ்சியம் , செந்தில் , ரேணுகா நடிப்பில் கிருஷ்ணஷாமி என்பவர் எழுதி இயக்கி இருக்கும் படம் களவுத் தொழிற்சாலை .
 
எப்படி இயங்குது தொழிற்சாலை ? பார்க்கலாம் . 
 
சர்வதேச சிலைக் கடத்தல் முக்கிய அமைப்பின் முக்கிய நபர் ஒருவன் (வம்சி கிருஷ்ணா ) , கும்பகோணம் பகுதியில் உள்ள ராஜ ராஜபுரம் என்ற ஊரின் கோவிலில் உள்ள,   
 

 
ஆயிரக் கணக்கான ஆண்டுகள் பழமையான மருத்துவ குணம் மிக்க, சுமார் அறுநூறு கோடி ரூபாய் மதிப்புள்ள சிலையை திருடத்  திட்டமிட்டு வருகிறான் . 
 
கோவிலை நன்கு ஆராய்ந்து , பழங்கால கல்வெட்டுகள், வரலாற்று நூல்களை படித்து கோவிலுக்கு போகும் சுரங்கப் பாதையைக் கண்டு பிடிக்கிறான் . 
 
கொள்ளையடிக்கும் போது துணைக்கு ஓர்  ஆள் வேண்டி தேடுகிறான் . 
 
அதே ஊரில் பிள்ளையார் சிலைகளை மட்டும் திருடி விற்கும் பழக்கம்  உள்ள ஒருவனை (கதிர்)  தேர்ந்தெடுக்கிறான் . அவனுக்கு ஒரு காதலி (குஷி)  .
 
அவள் ”உழைத்துக் கிடக்கும் சொற்ப  வருமானமே போதும்” என்று சொன்னாலும் அவளை வசதியாக வைத்துக் கொள்ள வேண்டும் என்பது அவன் ஆசை . 
 
‘ஒரே திருட்டு ; பெரிய தொகை’ என்ற  சர்வதேச கடத்தல்காரனின் நிபந்தனைக்கு  பிள்ளையார் சிலை திருடன் அடிபணிகிறான். 
 
திட்டப்படி சிலை திருடப்படுகிறதா ? 
 
ஆம் எனில் நடந்தது என்ன ? 
 
இல்லை எனில் நடந்தது என்ன என்பதே களவுத் தொழிற்சாலை . 
 
மிக மெதுவாக நகரும் திரைக்கதை . வசனங்களை எல்லோருமே யோசித்து யோசித்துப் பேசுகிறார்கள் . யதார்த்தம் மிஸ்ஸிங் . 
 
பிள்ளையார் சிலை திருடனுக்கும் அவன் காதலிக்கும் பெண்ணுக்குமான காதல் காட்சிகள் வெகு சவ சவ . 
 
ஆயிரம் ஆண்டுகள் பழமையான சுரங்கத்துக்குள் சர்வ சாதரணமாக போகிறான் கடத்தல்காரன்.  .ஆயிரம் ஆண்டு அடைப்பை ஜஸ்ட் தட்டித்  திறக்கிறான் .
 
சுரங்கத்துக்குள் கடத்தல்காரன்  தம் அடித்து விட்டுப் போட அந்த சிகரெட்டை வைத்து குற்றவாளியை நெருங்குகிறது போலீஸ் . 
 
போலீசின் கோணத்தில் கடத்தல்  வழக்கின் முதல் குற்றவாளியான பிள்ளையார் சிலைத் திருடன்  ‘என் லவ்வரோட வாழணும் சார்’ என்று கெஞ்சியதும்,
 
 அவனை  ஜில்லோ என்று அனுப்பி வைக்கிறார் போலீஸ் அதிகாரி .
 
கடைசிக் காட்சியில் சர்வதேச சிலை கடத்தல்காரனும் போலீஸ் அதிகாரியும் ஒத்தைக்கு ஒத்தை சண்டை போடுகிறார்கள் . 
 
இப்படி படம் முழுக்க ஏகப்பட்ட காமெடிகள் !
 
நடிகர் செந்தில் பேசும் ஒரு காட்சி கூட நகைச்சுவையாக இல்லை . 
 
பின்னணி இசை ஆர்க்கெஸ்ட்ரா வாசிப்பது போல இருக்கிறது . 

 
தியாகராஜனின் ஒளிப்பதிவு பாரட்டும்படி சிறப்பாக  இருக்கிறது 
 
கடத்தப்படும் சிலைகளை மீட்கப் போராடும் போலீஸ் அதிகாரி( மு.களஞ்சியம்) , பிறப்பால் ஓர் இஸ்லாமியர் என்று கதாபாத்திரப் படுத்தப்பட்டு இருப்பதும் ,
 
குடும்பம் குழந்தைகளை கூட கவனிக்காமல் சிலை கடத்தலை தடுக்க போராடுகிறார் என்பதும்,
 
 மத நல்லிணக்க நோக்கில் சொல்லப்பட்டு இருப்பது படத்தின் சிறப்பு . பாராட்டுக்குரிய ஒன்று . 

About Su Senthilkumaran

பெயர் : சு.செந்தில் குமரன்

புனைப் பெயர் : ராஜ திருமகன்

கல்வித் தகுதி : B.E. Mechanical

பிரசுரமான முதல் படைப்பு : கவிதை —

பெங்களூரில் நடந்த ‘பெரிய’ மாநாட்டில்
தேங்காய் எண்ணையில் சமைத்த உணவே
தேவை என்றாராம் ஜெயவர்த்தனே!
நல்ல வேளை…..
தமிழன் ரத்தம் கேட்கவில்லையே
(ஜூனியர் விகடன் )

பத்திரிக்கைப் பணி : விகடன் மாணவ நிருபர் திட்டம்

மிகச் சிறந்த நிருபர் (outstanding reporter) விருது

விகடன் குழும இதழ்களின் சிறப்பு நிருபர் (பல ஆண்டுகள்)

விளம்பர முகவர் —ஏற்றுமதி உலகம் இதழ் (ஒரு ஆண்டு)

கட்டுரைப் பகுதி பொறுப்பாசிரியர் –மாலை முரசு குழும இதழ்கள் (பல ஆண்டு)

சினிமா பகுதி ஆசிரியர் (தின மதி நாளிதழ்)

நிருபர் (குமுதம்) உதவி ஆசிரியர் (குமுதம் ரிப்போர்ட்டர்)

பொறுப்பாசிரியர் (குமுதம் ஹெல்த்)

சினிமா பகுதி ஆசிரியர் (தின இதழ் நாளிதழ் )

தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி )

நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி )

நடுவர் (ஜெயா டிவி டாக்குமெண்டரி விருது )

திரைப் படைப்பாளியாக : உதவி மற்றும் இணை இயக்குனர் –ஆர்.வி. உதயகுமார் (பல படங்கள்)

நடிகர் — முழு நீள கதாபாத்திரம் — அஜந்தா (தமிழ் , தெலுங்கு )

— நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக)

— கஸ்தூரி , இளவரசி தொலைக்காட்சித் தொடர்கள்

பாடலாசிரியர் — அஜந்தா (இளையராஜா), அடாவடி (தேவா),

முத்துக் குமரனின் காதல் (நவநீத் ) வெண்மேகம் (ஜாபர் )

அடுத்த கட்டம் : திரைப்பட இயக்கம் /நடிப்பு / எழுத்து

தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *