மதுரையை பூர்வீகமாகக் கொண்ட ஆஸ்திரேலிய தமிழர் ஜூலியன் பிரகாஷ் . இவர் தயாரித்து இயக்கி, படத் தொகுப்பு செய்து பாடல்கள் எழுதி இயக்கி இருக்கும் ஆங்கிலப் படம் Love and Love Only .
இந்தப் படத்துக்கு இளையராஜா இசை அமைக்கிறார் . இளையராஜா இசை அமைக்கும் முதல் ஆங்கிலப் படம் இதுவே
இதற்கான பத்தீர்க்கையாளர் சந்திப்பில் படத்தில் சில் காட்சிகளையும் அவற்றுக்கு இளையராஜா பின்னணி இசை அமைக்கும் காட்சியையும் போட்டுக் காட்டினார்கள் .
“இசைக்கு மொழி இல்லை . எங்கே இருந்தாலும் இசை இசைதான் . எனக்கு ஆங்கிலப் படம் தமிழ்ப்படம் எல்லாம் ஒன்றுதான் .” என்று இளையராஜா பேசி இருப்பதையும் காட்டினார்கள்
ஜூலியன் பிரகாஷ் பேசும்போது
” இது ஆஸ்திரேலியாவில் ஒரு வணிக அங்காடியில் வேலை பார்க்கும் ஆஸ்திரேலியப் பெண்ணுக்கும்
இந்தியாவில் இருந்து அங்கே படிக்கப் போயிருக்கும் ஓர் இளைஞனுக்கும் இடையேயான கலப்புக் கலாச்சாரக் காதல் பற்றிய படம் இது .
இந்தப் படம் ஆன் லைனில் மட்டுமே வெளிவரும் .
இதை முடிவு செய்து கொண்டு நான் ராஜா சாரிடம் இசைக்கு போனபோது அவர் ‘தியேட்டரிலும் ரிலீஸ் பண்ணு’ என்றார் . நானும் அப்படியே யோசித்தேன் .
பிறகு அவரே ‘ நான் சொன்னதை விடு. நீ ஒரு புது வழியில் முயல்கிறாய் . உன் விருப்பபடியே செய் என்று கூறி விட்டார் .
காதலும் இசையும் பிடிக்கும் எல்லாருக்கும் இந்தப் படம் பிடிக்கும் .
படம் ஆங்கிலத்தில் இருக்கும் . இனிய பாடல்களும் உண்டு படத்தின் பாடல்கள் ஆங்கிலத்தில் இருந்தாலும் தமிழ் படப் பாடல்கள் பாணியில் இருக்கும் ” என்றார் .
BOFTA உரிமையாளரான தயாரிப்பாளர் தனஞ்செயன் பேசும்போது ” இந்தப் படத்தை கரிகாலன் எனக்கு அனுப்பி இருந்தார் .
பார்த்த உடன் ரொம்ப பிடித்து இருந்தது . நானே அவரை வர சொல்லி தேவையான உதவிகள் செய்தேன் ” என்றார்
For more details
http://www.loveandloveonly.movie/
