மைக்ரோ ப்ளெக்ஸ் ஸ்டுடியோஸ் திறப்பு விழா

பிலிம் மற்றும் புரஜக்டர் மெஷின்களுக்கு பதிலாக திரைப்படங்களை  தியேட்டருக்கு டிஜிட்டல் முறையில் வழங்கும் சேவையில் முக்கிய இடத்தில் இருக்கும், 
 
கியூப் நிறுவனத்துக்கு மாற்றாக  மைக்ரோ ப்ளெக்ஸ் ஸ்டுடியோஸ்  என்ற புதிய படம்  வழங்கு நிறுவனம் உருவாக்கி உள்ளது . 
 
தமிழ்நாடு தயாரிப்பாளர் சங்கத்தின் பின்புலத்தில் மார்ட்டின் குருஸ் என்ற கம்பெனி உருவாக்கி இருக்கும் இந்த புதிய நிறுவனத்தின்  தொடக்கவிழா அண்மையில் நடைபெற்றது .
 
இந்த விழாவில்  FEFSI தலைவர் ஆர்.கே. செல்வமணி , தயாரிப்பாளர் சங்க நிர்வாகிகள் எஸ்.ஆர்.பிரபு , 5 ஸ்டார் கதிரேசன் , நடிகர் பார்த்திபன் , மயில்சாமி உள்ளிட்ட பலர் கலந்து கொண்டனர்.
 
நிகழ்ச்சியில் பேசிய ஆர் .கே செல்வமணி , “இந்தியாவிலேயே தயாரிப்பாளர்கள் தங்களுக்கென மாஸ்டரிங் யூனிட்டை உருவாக்கியிருப்பது இதுதான் முதல் முறை.
 
அதற்கு உதவியாக இருந்த தமிழ் திரைப்பட தயாரிப்பாளர் சங்கத்திற்கும்,மார்ட்டின் குருஷ் கம்பெனிக்கும் தமிழ்த்  திரைப்பட தயாரிப்பாளர்கள் சார்பாக நன்றியை தெரிவித்துக்கொள்கிறோம்.
மூன்று மாதத்திற்கு முன் தமிழ் திரைப்பட துறையில் ஏற்பட்ட வேலை நிறுத்தம்  ஒரு ரீ ஜென்ரேஷன்.  அப்போது விரைவில் தமிழ் திரைப்பட துறையில் மாஸ்டர் யூனிட் ஆரம்பிக்கப்படும் என உறுதிமொழி கொடுக்கப்பட்டது. இன்று அதில் முதல் படி எடுத்து வைக்கப்பட்டுள்ளது.
 
பொள்ளாச்சியில் இருக்கும் திரையரங்கிற்கும் உடுமலை சண்முகா திரையரங்கிற்கும் டெலிவரி செய்து சோதனை சொய்யப்பட்டது.100% வெற்றியை அது  அடைந்தது. தமிழ் திரைப்பட தயாரிப்பாளர் சங்கம், 
 
தன் உறுதிமொழியை நிறைவேற்றுவதற்கான முதல் ஆரம்பம் இது .இதன் விலை தயாரிப்பாளர்களுக்கு சாதகமாக இருக்கும்.சரியான விலையில் தரமான பொருளை தர அந்த நிறுவனம் முன் வந்துள்ளது.
 
இந்த முயற்சியை அடுத்து  இந்தியாவில் உள்ள அனைத்து மொழி திரைப்பட தயாரிப்பாளர்கள் தனக்கென சொந்தமாக மாஸ்டர் யூனிட் ஆரம்பிக்கலாம்.இது யாருக்கும் எதிராக ஆரம்பிக்கபட்டதல்ல.திரைப்பட துறை பல்வேறு விதமாக வளர்ச்சி அடைகிறது.
தயாரிப்பாளர்கள்,திரையரங்க உரிமையாளர்கள்,விநியோகஸ்தகர்களுக்கு  ஒரு டெக்னிஷியனாக நட்புடன் ஒரு விஷயத்தை விளக்க விரும்புகிறேன் .  தற்போது மாறும் தொழில்நுட்பத்திற்கேற்ப நாம் மாறவில்லை என்றால் நம் இடத்திற்கு வேறு யாராவது வந்துவிடுவார்கள்.
 
பிலிமிலிருந்து டிஜிட்டலுக்கு மாறுவதற்கு 5 முதல் 10 வருடம் தேவைப்பட்டது.இப்போது அடுத்த கட்டத்திற்கு செல்ல அவ்வளவு காலம் தேவைப்படாது 5 மாதங்களே போதுமானது.இந்த தொழில் நுட்பத்தை தயாரிப்பாளர்களோ, விநியோகஸ்தர்களோ புரிந்துகொள்ளவில்லை என்றால் இத்துறை நம்மை விலக்கிவைத்துவிடும்.
 
தயாரிப்பாளர்கள்,விநியோகஸ்தர்கள்,திரையரங்க உரிமையாளர்கள் பகைமை இல்லாமல் எந்த கருத்து வேறுபடாக இருந்தாலும் நமக்குள்ளேயே பேசி சுமுகமாக தீர்ப்பது நல்லது.இது தயாரிப்பு துறை தனக்கான சந்தையை தானே உருவாக்கிய நுட்பமே தவிர யாருக்கும் எதிராக ஆரம்பிக்கப்பட்டதல்ல.
இதனால் தயாரிப்பாளர்களுக்கு 100 சதவீதம் நன்மை உண்டு.சென்சாருக்கு ஒரு திரையரங்கம் உருவாக்கப்பட்டுள்ளது.அதுவும் மிக குறைந்த விலையில் தயாரிப்பாளர்களுக்கு கொடுக்கப்படுவதாக உறுதிமொழி அளித்துள்ளார்கள்.
 
நிர்வாகிகள் தங்கள் உறுப்பினர்களுக்கு விளக்க வேண்டும்.தயாரிப்பாளர்கள் நன்றாக இருந்தால்தான் தொழிலாளர்கள் நன்றாக இருக்க முடியும்.இந்த வாய்ப்பை நல்ல முறையில் பயன் படுத்த வேண்டும் ” என்றார். 
 
நடிகர் பார்த்திபன் தன் பேச்சில், “இந்த நிகழ்ச்சி ஆரம்பிக்கும் போது நாற்காலிகள் எல்லாம் பின்னாடி இருந்தது நாங்க தான் கொஞ்சம் கொஞ்சமாக முன்னாடி தள்ளிட்டு வந்தோம். அது போல தான் இந்த மைக்ரோ பிளக்ஷ் ஸ்டுடியோ ஒரு முதல் படி.
 
ஒருவன் பார்மஸியில் கேட்கிறான் ஏன்பா தேள் கொட்டியது என்று மருந்து வாங்கி சென்றாயே இப்போது மறுபடியும் எதுக்கு வந்தாய் என்று கேட்கிறான் அதன்கு அவர் மருந்து கொட்டிவிட்டது என்றான்.தேள் கொட்டினால் கூட பரவாயில்லை மருந்து கொட்டியதேன்றால் ரொம்ப கஷ்டம்.
அதுபோல் சினிமா வியாபாரத்தில் என்ன பிரச்சனையும் இருக்கலாம் அதற்கு நமக்குள்ளேயே ஒற்றுமை இருந்தால் தான் அதை சீர் செய்ய முடியும்.குறிப்பா திரு செல்வமணி பெப்சியின் தலைமைக்கு அவர் வந்த உடன் நல்ல ஒற்றுமை வந்துள்ளது.
 
நான் கிட்டதட்ட 25வருடம் சினிமாவில் உள்ளேன்.அப்போது இல்லாத ஒற்றுமை இப்போது வந்துள்ளது.செல்வமணி சொன்னது போல் டெக்னிக்கை எல்லாம் புரிந்து கொண்டு சினிமாவை நல்ல முறையில் கொண்டு வருவோம்.திரு விஷால் அவர்களுக்கும் திரு மார்ட்டின் அவர்களுக்கும் நன்றி. ” என்றார்  .
 
தயாரிப்பாளர் சங்க பொருளாளர் எஸ் ஆர் பிரபு தன் பேச்சில், ”  இவ்விழாவுக்கு வருகை தந்துள்ள அனைவரையும் வருக வருக என வரவேற்கிறேன்.முதலாவதாக மைக்ரோ பிளக்ஸ் குளோபல் நிறுவனத்திற்கு தமிழ் திரைப்பட தயாரிப்பாளர் சங்கம் சார்பாக நன்றிகளையும் வாழ்த்துக்களையும் தெரிவித்துக்கொள்கிறேன்.
 
மூன்று மாதத்திற்கு முன் ஆளுக்கொரு கருத்துக்களையும் விவாதத்திலும் ஈடுபட்டுக் கொண்டிருந்தோம்.அடிப்படை பிரச்சனை என்னவென்று பார்த்த போது தயாரிப்பாளர்களுக்கு சுய சார்பு நிலை இல்லை என்பது புரிந்தது. நமது படத்தின்  தொகுப்பை நாமே மேற்கொண்டு திரையரங்கத்திற்கு  கொண்டு செல்லும் விஷயம், அதோடு  திரையரங்கிற்கு சாதனங்களை கொடுக்கும் இன்னொரு தொழிலை செய்ததால் என்ன  என்று யேசித்த போது நமக்கு தோன்றிய விஷயம்தான்,  தயாரிப்பாளர் சங்கம் மூலமே மாஸ்டர் மற்றும் கண்டன்ட் டெலிவரி செய்ய வேண்டும் என்பது.
 
பல நிறுவனங்கள் இந்த யோசனைக்கு ஆதரவு தெரிவித்து இதை கொண்டு வர வேண்டும் என முன் வந்தார்கள்.தயாரிப்பாளர் சங்க நிர்வாகிகள் மாறலாம் ஆனால் அதன் முயற்சிகள் மாறாது.
 
நல்ல டெக்னாலஜியை அதை நன்றாக தெரிந்தவர்கள்  எடுத்து சென்றால் அது நீண்ட நாள் நிலைக்கும்.இதற்கு கார்த்தி போன்ற நண்பர்கள் துணை நின்றார்கள். பெரிய வேலை நிறுத்தத்திற்கு பின் இப்போது தொடங்கியுள்ளோம் .இந்த செட்டப்பை உருவாக்க இவ்வளவு காலம் எடுத்துள்ளது.
 
ஆனால் 6 மாதங்கள் இணைந்து நமக்கு இந்த செட்டப்பை கொடுத்துள்ளார்கள்.அதில் அவர்களின் அர்பணிப்பு தெரிகிறது.இதன் தொடக்கமும் முதல் படியும் வர இரண்டு மாதங்களாகும்.அடுத்த கட்டத்திற்கு நாம் நினைத்ததை கொண்டு  செல்ல  இந்த நிறுவனம் தயாராக உள்ளது.
தமிழ் திரைப்பட தயாரிப்பாளர் சங்கம் சார்பாக மைக்ரோ குளோபல் நிறுவனத்திற்கு நன்றியை தொரிவித்துக் கொள்கிறேன்.” என்றார் . 
 
தயாரிப்பாளர் பைவ் ஸ்டார் கதிரேசன் தனது பேச்சில், ” மைக்ரோ பிளக்ஸ்  நிறுவனத்தை துவக்கி வைக்க வந்துள்ள மார்ட்டின் அவர்களுக்கும், செல்வமணி அவர்களுக்கும், பத்திரிக்கை துறை சார்ந்த அனைவருக்கும் இனிய மாலை வணக்கம்.
 
தமிழ் திரைப்பட தயாரிப்பாளர் சங்க நீண்ட நாள் கோரிக்கையாக ஒரு மாஸ்டர் யூனிட் ஆரம்பிக்க ஏகப்பட்ட போராட்டங்கள் இருந்தது.அந்த போராட்டத்தில் 48 நாள் வேலை நிறுத்தம் நடந்தது அப்போது அடிப்படை விஷயமாக தயாரிப்பாளர் சங்கம் சார்பாக மாஸ்டர் யூனியன் வேண்டும் என்ற கோரிக்கையாக இருந்தது.
 
அப்போது நிர்வாகிகள் அனைவரும் கலந்து பேசி டெக்னாலஜியை அப்டேட் செய்யக் கூடிய ஒரு நிறுவனம் வேண்டும என்று முயன்றோம் . அந்த வகையில்  கிட்டதட்ட பத்து ஆண்டுகள் சாப்ட்டுவேரில் அப்டேட்டாக தெரிந்த, 
திரு அல்பர்ட் அவர்களுக்கும் அவருடன் பணியாற்றிய திரு கார்த்தி அவர்களும் சேர்ந்து துவங்கிக் கொடுத்து இருக்கும்  அடிப்படை ஆரம்பம்தான் மைக்ரோ பிளக்ஸ் நிறுவனம்.
 
இது தொடர்ந்து தயாரிப்பாளர்களுக்கும்,திரைத்துறையினருக்கும் பயன் அளிக்கும். அனைவருக்கும் மேற்கொண்டு பல நற்செய்திகளை மைக்ரோ பிளக்ஸ்  கொடுப்பார்கள் என்று எதிர்பார்க்கின்றேன்” என்றார். 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *