‘நட்புணர்வின் கிரியாஊக்கி’ நிகில் முருகன்

nikil murugan
nikil murugan
முன் வைக்கும் கால்

ஆங்கில இதழான WE மேகசின் (WOMEN EXCLUSIVE) சினிமா, சமூக சேவை , விளையாட்டு உள்ளிட்ட பல்துறைகளிலும் சாதனை புரிபவர்களை தேர்ந்தெடுத்து வருடம்தோறும் வழங்கி வரும் விருதுகளில் இந்த ஆண்டு முக்கியமான ஒரு விருதாக இருந்தது , பத்திரிகை தொடர்பாளர் – நண்பர் நிகில்முருகன் பெற்ற Camaraderie Catalyst விருது .

 தான் இருக்கும் இடங்களில் எல்லாம் தோழமை உணர்வை ஏற்படுத்துக் கிரியா ஊக்கி என்று இதற்குப் பொருள் .

 விருது அறிவிக்கப்பட்டபோது மேடையில் திரையிடப்பட்ட ஆடியோ விஷுவலில் பேசி இருந்த நிகில் முருகன் தின மணி  நாளிதழின் மூத்த முதன்மை ஆசிரியரான சொக்கலிங்கம் குடும்பத்தில் பிறந்து டிப்ளமா ஜர்னலிசம் படித்து பல சினிமா இதழ்களில் தான் பணி புரிந்த தனது ஆரம்ப காலங்களை நினைவு கூர்ந்தார் .

தொடர்ந்து “பொதுவாக எல்லாரும் செய்ய நினைக்கறதை நான் செய்ய மாட்டேன்.  சினிமாவுக்கு வரும்  எல்லோரும் நடிகரா ஆகணும்னு நினைப்பாங்க . நான் அதை செய்யக் கூடாதுன்னு முடிவு பண்ணினேன் . டைரக்ஷன் பண்ணலாம் . ஆனா அது ரொம்ப கிரியேட்டிவான வேலை. அதனால அதையும் நான் தொடல .

 பத்திரிக்கையாளனா இருந்தபோது எல்லாரோடும் இயல்பா நான் கலந்து பழகுவதை பார்த்து பி ஆர் ஓ ஆகலாமேன்னு பலரும் சொன்னாங்க . எனக்கும் அது சரின்னு பட்டுது. உல்லாசம் படம்தான் நான் பி ஆர் ஓ வா பணியாற்றிய முதல் படம்  இதுவரை சுமார் 250 படங்களுக்கு பணியாற்றி இருக்கேன் . இப்போ கையில்  150 படங்கள் இருக்கு ” என்ற போது பலத்த கைதட்டல் .

nikil murugan
விருதுரை

அதே போல  “கமல் சார் அடிக்கடி ஒரு விஷயம் சொல்வார்  ‘ ஒரு விஷயத்தை செய்ய நினைக்கும்போது அது முடியாது கஷ்டம்னு நினைக்க கூடாது. அதோட கடைசி முனை வரை போய்ப் பார்த்துடனும்’ அப்படின்னு….! . என் தாரக மந்திரமும் அதுதான் ” என்று சொன்னபோதும் பாராட்டுக் குரல்கள்

நிகிலைப் பற்றி கமல்ஹாசன்” எதிலும் நவீனமாக செயல்படும் குணம் . முழுமையாக சிறப்பாக செயல்படுவது இரண்டும் நிகில் முருகனின் சிறப்புகள். என்னையும் அவரையும் இணைத்தது கூட அவருடைய இந்த சிறப்புகல்தான் தான் ” என்று பேசி இருந்ததும் திரையிடப்பட்டு பாராட்டுதலுக்குள்ளானது

பின்னர் நடிகர் பொன்வண்ணன் அவர் மனைவி நடிகை சரண்யா , மற்றும் WE மேகசின் இதழின் ஆசிரியர் சுமதி சீனிவாஸ் ஆகியோர் நிகிலுக்கு விருதை வழங்கினார்கள் .

nikkil murugan
மனைவி மற்றும் தாயாரோடு

“மறைந்த எனது தந்தையின் நினைவு நாளான இன்று இந்த விருது பெறுவது நெகிழ்வான மகிழ்வு “என்று குறிப்பிட்ட நிகில் முருகன் , தனது தாயார்  , மனைவி ஆகியோரையும் மேடைக்கு அழைத்து அவர்களோடும் சேர்ந்து விருதினை பெற்றுக் கொண்டது சிறப்பான விஷயம் .

awardees
சக ‘விருதாளி’கள்

விருது பெற வந்திருக்கும் விருந்தினர்களில் தானும் ஒருவர்  என்பதற்காக ஒதுங்கி நிற்காமல் இந்த விழாவுக்கு வந்த  சிறப்பு விருந்தினர்கள் அனைவரையும் வரவேற்று,  அமர்வு கொடுத்து, விழா முடிந்ததும் அவர்களை  அனுப்பி வைத்ததோடு…

அந்த நேரம் தன்னை அறிமுகப்படுத்திக்  கொண்ட ஒரு புது பத்திரிக்கையாளரையும் மற்ற பத்திரிக்கையாளர்கள் போலவே மதித்து தேவையான தகவல்களை ஒரு புது பத்திரிகை தொடர்பாளருக்கான உற்சாகத்தோடு நிகில் முருகன் செய்வதை பார்த்தபோது நிகில் முருகனின் வெற்றியில் ரகசியமோ மர்மமோ இல்லை என்பது புரிந்தது .
 பத்தாயிரம் படங்கள் தேடி வரும் !

 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →