பச்சை விளக்கு @ விமர்சனம்

டிஜி திங் மீடியா ஓர்க்ஸ் சார்பில் டாக்டர் மணிமேகலை  தயாரிக்க,    டாக்டர் மாறன் கதை திரைக்கதை வசனம் எழுதி  இயக்கி நடிக்க ,  தீஷா , ஸ்ரீ மகேஷ், தாரா , மனோபாலா ,  இமான் அண்ணாச்சி ஆகியோர் நடிப்பில்  வந்திருக்கும் படம் .

நடிகர் திலகம் சிவாஜி கணேசன், எஸ் எஸ் ராஜேந்திரன், நாகேஷ் , எம் ஆர் ராதா , விஜயகுமாரி ஆகிய கலை மேதைகளின்  நடிப்பில்  காவிய  இயக்குனர் பீம் சிங் இயக்கத்தில் விஸ்வநாதன் ராம மூர்த்தி இசையில் காலத்தால் அழியாத பாடல்களோடு 1964 ஆம் ஆண்டு ஏப்ரல் 3ஆம் தேதி வெளிவந்த  மாபெரும் காவியப் படத்தின் பெயர் பச்சை விளக்கு 

ஆக இது பச்சை விளக்கு 2019 

வாகன ஓட்டிகளை சாலை விதிகளை கடைபிடிக்கச் செய்வதில் கண்ணும் கருத்துமாக இருக்கும் டிராபிக் வார்டன் ஒருவரை ( மாறன்) விதி மீறி வாகனம் ஓட்டிய நிலையில் போலீஸ் என நம்பி ஏமாறும் ஒரு பெண் (தீஷா ) இருவருக்கும் காதல் வருகிறது .

பெண்களை நட்பு என்ற பெயரில் நம்பவைத்து அவர்களது அந்தரங்கங்களை படம் பிடித்து ஏமாற்றும் ஒரு கும்பலிடம் சிக்கி விடுகிறாள் நாயகியின் தங்கை (தாரா ).

சாலை விதிகளை பராமரிப்பதில் தீவிரமாக இருக்கும் நாயகன் அந்த பெண்ணை  தவறான கூட்டத்திடம் இருந்து மீட்க முடிந்ததா இல்லையா என்பதே படம் . 

சாலைப் பயணத்திலும் சரி , வாழ்க்கைப் பயணத்திலும் சரி … பாதுகாப்பு விதிகளை ஒழுங்கையும் மீறினால் சிக்கல் என்பதை சொல்ல வந்திருக்கும் படம்.

மாறனின் தமிழ் உணர்வுக்குப் பாராட்டுகள் . 

இமான ஆண்ணாச்சி மூலம் அவ்வப்போது முக்கிய சாலை விதிகளை சொல்ல வைப்பது அருமை . குறிப்பாக போக்குவரத்து மிக்க சாலையில் காரில் இருந்து எப்படி இறங்க வேண்டுமென்று சொல்வது அதி முக்கியம். 

இன்னொரு  பக்கம் நண்பன் என்று சொல்லும் நபரிடம் கூட ஒரு பெண் ஒரு நிமிடம் கூட தனது ஸ்மார்ட் போனை கொடுக்கக் கூடாது . அதற்குள் ஹேக் செய்து உங்களிடம்  இருக்கும் உங்கள் போனின் கேமராவை எந்த நொடி வேண்டுமானாலும் இயக்கி எப்போதும் உங்களை படம் பிடிக்க முடியும் என்று விழிப்புணர்வு ஏற்படுத்தும் வகையில் சொல்வது அருமை 

வேதம் புதிது தேவேந்திரன் இசையில் பாடல்களும் பின்னணி இசையும் சிறப்பு 

நாடகத்தனமான காட்சிகள், போதாத , செயற்கையான நடிப்பு ஆகியவை குறைகள்  . 

எனினும் சொல்ல வரும் விசயத்துக்காக பாராட்டலாம். 

மொத்தத்தில் பச்சை விளக்கு …. போகலாம் !

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *