மறைந்தார் மாபெரும் கலைஞர் பஞ்சு அருணாச்சலம்

panchu 4

மதிப்பிற்குரிய அய்யா பஞ்சு அருணாச்சலம் மரணம் என்ற செய்தி இதயத்தை கிழித்து விட்டுப் போகிறது .

எப்பேர்ப்பட்ட  பாடலாசிரியர் (பொன்னெழில்  பூத்தது  புது வானில் ),  எப்பேர்ப்பட்ட திரைக்கதை வசனகர்த்தா (எங்கேயோ கேட்ட குரல் உள்ளிட்ட பல படங்கள் , )
எப்பேர்ப்பட்ட தயாரிப்பாளர் (எத்தனை  படங்கள் ),  எப்பேர்ப்பட்ட  அன்பான மனிதர் (தம்பி  .. நல்லா இருக்கீங்களா ?) 
மனம் கனக்கிறது 
நானும் அவரும் ஐ பி ஆர்  எஸ்  உறுப்பினர்கள் . பல வருடங்களுக்கு முன்பு  ஓர்  ஐ பி ஆர் எஸ் சந்திப்பு  இரவில் அவருடன் மனம் விட்டுப் பேச வாய்ப்புக் கிடைத்தது 
” பொன்னெழில்  பூத்தது புது வானில் ; வெண் பனித் தூவும்  நிலவே நில் பாட்டில்,   ‘நிலவே  நில்’ என்பதற்கு பதில் ‘இள வேனில்’ னு சொல்லி இருந்தா  நல்லா  இருந்திருக்குமே? ” என்றேன் 
panchu 3
ஒரு நொடி  சந்தோஷமாகப் பார்த்து “அப்படிதான் எழுதினேன் . ஆனா  எம் எஸ் விதான்,  இளவேனில்  என்ற சொல்லில் வரும் இளவே என்ற  வார்த்தையை  யாரவது  ‘இழவே’னு  பாடுவான்

 
உனக்கு  இது  முதல் பாட்டு . மாத்திக் கொடுன்னு சொன்னார் . நானும் நிலவே  நில்  என்று மாற்றிக் கொடுத்தேன் ” என்றார்  சிரிப்பு நிறைக்க !. 
எங்கேயோ கேட்ட குரலில் சிறப்புகள் பற்றி மனம் விட்டுப் பேசி  அதன்  வசனம் பற்றி  வியந்து சொன்னேன் . கண்ணில்  கண்ணீர் வர , கட்டிப் பிடித்துக் கொண்டார் . அவ்வளவு  சிலிர்ப்பு  அவருக்கு . 
“இதை  எல்லாம்  எல்லாரும்  இன்னும் ஞாபகம்  வச்சு  இருக்கீங்களா ?” என்றார் நெகிழ்வோடு . 
“உங்க  கிட்ட பேசாம  இருக்கலாம் . ஆனா திரைக்கதை வசனம்னு  வந்தா  உங்களை பற்றி பேசாம  இருக்க  முடியுமா ?” என்றேன் . 
ரொம்ப சந்தோஷப்பட்டார் . 
panchu 2
உட்கார்ந்து பேச ஆரம்பித்தோம் .

பல சினிமா சம்பவங்களை ஆர்வமாக  சொன்னார் . எனக்கு பெரும் வியப்பு . தன்னை அழைத்துப் போக வந்திருந்த தன மகனும் (இப்போது) நடிகருமான பஞ்சு சுப்புவை காத்திருக்கச் சொல்லி விட்டு பேசினார் .

” இதை எல்லாம் நீங்க  எழுதணும் சார். நீங்க இளையராஜாவை அறிமுகம் செய்தது தவிர  எதுவுமே வெளியே  தெரியலையே” என்றேன்.
அதெல்லாம் எதுக்கு என்பது போல சலிப்புக் காட்டி சிரித்தார் . 
ஆனால் அண்மையில் அவர் தனது அனுபவங்களை  ‘திரைத் தொண்டர் என்ற பெயரில் விகடனில்  எழுத ஆரம்பித்த போது  ரொம்ப சந்தோஷப் பட்டேன் . 
அது வரைக்கும் விகடனில் வெற்றி மாறனின் மைல்ஸ் டு கோ  தொடரை  முதலில் படிக்கும் பழக்கம் உள்ள நான்  , திரைத் தொண்டர் தொடரை முதலில் படிக்க ஆரம்பித்தேன் . 
panchu 1
எவ்வளவு சம்பவங்கள் . எனக்கு  தெரியாத எத்தனை  விஷயங்கள் 
பலூன் படப் பிடிப்பில் அவரது மகன் சுப்புவை பார்த்த போது கூட , அது பற்றிப் பேசி மகிழ்ந்தேன் . இந்த  வாரம் இயக்குனர் ருத்ரைய்யா  பற்றி எழுதி இருந்தது கூட  பிரமிக்க வைத்தது . 
மைல்ஸ் டு கோ தொடர்  முடிந்த நிலையில் இனி எல்லோரும் திரைத் தொண்டர் இன்னும் அதிக வாசகர்களை பெரும் என்று மகிழ்ந்தேன் 
ஆனால் பாதியில்  பறந்து விட்டார் அந்த மாபெரும் திரைக் கலைஞர் . 
உங்கள் வாழ்க்கைக்கு முடிவே இல்லை என்பதற்கு  இதுவே  உதாரணம் பஞ்சு சார் . 
கண்களில் நீர் மறைக்கிறது . தொடர்ந்து எழுத  முடியவில்லை . 
மனம் நெகிழும் கண்ணீர்  அஞ்சலி !

About Su Senthilkumaran

பெயர் : சு.செந்தில் குமரன்

புனைப் பெயர் : ராஜ திருமகன்

கல்வித் தகுதி : B.E. Mechanical

பிரசுரமான முதல் படைப்பு : கவிதை —

பெங்களூரில் நடந்த ‘பெரிய’ மாநாட்டில்
தேங்காய் எண்ணையில் சமைத்த உணவே
தேவை என்றாராம் ஜெயவர்த்தனே!
நல்ல வேளை…..
தமிழன் ரத்தம் கேட்கவில்லையே
(ஜூனியர் விகடன் )

பத்திரிக்கைப் பணி : விகடன் மாணவ நிருபர் திட்டம்

மிகச் சிறந்த நிருபர் (outstanding reporter) விருது

விகடன் குழும இதழ்களின் சிறப்பு நிருபர் (பல ஆண்டுகள்)

விளம்பர முகவர் —ஏற்றுமதி உலகம் இதழ் (ஒரு ஆண்டு)

கட்டுரைப் பகுதி பொறுப்பாசிரியர் –மாலை முரசு குழும இதழ்கள் (பல ஆண்டு)

சினிமா பகுதி ஆசிரியர் (தின மதி நாளிதழ்)

நிருபர் (குமுதம்) உதவி ஆசிரியர் (குமுதம் ரிப்போர்ட்டர்)

பொறுப்பாசிரியர் (குமுதம் ஹெல்த்)

சினிமா பகுதி ஆசிரியர் (தின இதழ் நாளிதழ் )

தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி )

நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி )

நடுவர் (ஜெயா டிவி டாக்குமெண்டரி விருது )

திரைப் படைப்பாளியாக : உதவி மற்றும் இணை இயக்குனர் –ஆர்.வி. உதயகுமார் (பல படங்கள்)

நடிகர் — முழு நீள கதாபாத்திரம் — அஜந்தா (தமிழ் , தெலுங்கு )

— நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக)

— கஸ்தூரி , இளவரசி தொலைக்காட்சித் தொடர்கள்

பாடலாசிரியர் — அஜந்தா (இளையராஜா), அடாவடி (தேவா),

முத்துக் குமரனின் காதல் (நவநீத் ) வெண்மேகம் (ஜாபர் )

அடுத்த கட்டம் : திரைப்பட இயக்கம் /நடிப்பு / எழுத்து

தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *