பிச்சுவா கத்தி @ விமர்சனம்

ஸ்ரீ அண்ணாமலையார் புரடக்ஷன்ஸ் தயாரிப்பில் , இனிகோ, பிரியங்கா, செங்குட்டுவன், அனிஷா,

யோகி பாபு, ரமேஷ் திலக், நான் கடவுள் ராஜேந்திரன் நடிப்பில் ஐயப்பன் என்பவர் எழுதி இயக்கி இருக்கும் படம் பிச்சுவா கத்தி .கூர்மை எப்படி?  பார்க்கலாம் .

வெட்டியாக சுற்றுகிற கிராமத்து இளைஞன் .(இனிகோ பிரபாகர்) அவனுக்கு சில சக வெட்டி நண்பர்கள் (யோகி பாபு, ரமேஷ் திலக்) .
 
அந்த ஊர் இளம்பெண் ஒருத்தியை (பிரியங்கா) அவன் காதலிக்க , அவளும் காதலிக்கிறாள்  
காதலை கொண்டாடும சந்தோஷத்தில் நண்பர்களுடன் குடிக்கிறான் . மது போதாத நிலையில் மேலும் குடிக்க காசுக்கு என்ன செய்வது என்று யோசிக்கிறான் . 
 
 
அங்கே மேய்ந்து கொண்டு இருந்த ஆடு ஒன்றை திருடுகிறான் . (என்ன அங்கே சிரிப்பு ?)  திருடிய ஆட்டை கொண்டு போகும் வழியில் விவசாயிகளிடம் சிக்கி, போலீஸ் வந்து ,
 
கோர்ட்டில் அபராதம் விதிக்கபடுவதோடு , ஒரு மாசம் ஒரு குறிப்பிட்ட போலீஸ் ஸ்டேஷனில் கையெழுத்துப் போடச் சொல்கிறது கோர்ட் . 
 
அந்த போலீஸ் ஸ்டேஷனில் உள்ள இன்ஸ்பெக்டர் (சேரன் ராஜ்) பக்கா கிரிமினலாக இருக்கிறார் .”மூவரும் ஆளுக்கு பத்தாயிராம் கொடுத்தால்,
 
 கையெழுத்து  நிபந்தனையை சரியாக முடிக்க விடுவேன் . இல்லை என்றால் உங்கள் மீது மேலும் கேஸ் போட்டு உள்ளே தள்ளுவேன்” என்கிறார் . 
 
முப்பதாயிரத்துக்காக ஒரு பெண்ணிடம் (அனிஷா ) சங்கிலி அறுக்க முயல , அவள் போராடி தடுக்கிறாள் .
 
அந்த பக்கம் இன்ஸ்பெக்டரின் போலிஸ் ஜீப் வர , மீண்டும் அவரிடமே சிக்குகிறார்கள் . 
 
அந்த பெண்ணிடம் புகார் எழுதி வாங்கும் இன்ஸ்பெகடர் , எப் ஐ ஆர் போடாமல் ” ஒழுங்கா எங்கயாவது திருடி முப்பதாயிரம் கொண்டு வாங்க” என்கிறார் 
 
புகார் கொடுத்த பெண் வேலை தேடும் நிலையில் அவளை  ஓர் இளைஞன் (செங்குட்டுவன்) நேசிக்கிறான் . அவள் ஒரு எம் எல் எம் கம்பெனியில் வேலைக்கு சேர, அவனும் சேர்கிறான் . 
கஷ்டப்பட்டு புத்தகம் விற்கிறார்கள் . ஆனாலும் கம்பெனி சொல்வது போல வருமானம் வர எல்லாம் வழி இல்லை என்பது புரிகிறது .
 
அந்த கம்பெனி மேனேஜரே  (காளி வெங்கட்) ஏமாற்று என்பது புரிகிறது . 
 
 ஒரு தாதாவுககும் (ஆர் என் ஆர் மனோகர்) ஓர் அரசியல்வாதிக்கும் ( நான் கடவுள் ராஜேந்திரன்) நடக்கும் சண்டையில்,
 
தாதாவிடம் சேர்ந்து  திருட்டு நண்பர்கள் பணம் சம்பாதிக்கின்றனர் . 
 
அந்த தாதாவும மேற்படி போலீஸ் இன்ஸ்பெக்டரும் கூட்டணி என்பதால் நண்பர்கள் பிரச்னை முடிகிறது . 
 
எம் எல் எம் கம்பெனியில் ஏமாந்த காதல் ஜோடி , பெற்றோரின் எதிர்ப்பையும் மீறி , திருமணம் செய்து கொண்டு உழைத்துப் பிழைக்க முடிவு செய்கிறது 
 
தாதாவுக்காக திருட்டு ஹீரோ கொலைகள் எல்லாம் செய்கிறான் . 
 
ஊரில் அவன் காதலிக்கு திருமணம் நிச்சயமாக ,  இனி திருந்தி குற்றம்  செய்யாதவனாக  மாறி காதலியை மணந்து வாழ விரும்புகிறான் .
 
ஆனால் சரியான வேலைக்காரன் என்பதாள் அவனை இழக்க , தாதாவும் இன்ஸ்பெக்டரும் விரும்பவில்லை .
 
எனவே ”உன்  மீது எம் எல் எம் கம்பெனி பெண் கொடுத்த புகாரை எப் ஐ ஆர் போட்டு உன்னை குற்றவாளி ஆக்குவேன்”  என்று ,
 
திருட்டு ஹீரோவை இன்ஸ்பெக்டர் மிரட்டுகிறான் . 
 
பிரச்னையில் இருந்து தப்பிக்க அந்தப் பெண்ணை கொலை செய்ய முடிவு செய்து இறங்குகிறான் திருட்டு ஹீரோ . 
 
நடந்தது என்ன என்பதே பிச்சுவா கத்தி !
 
பொதுவாக குற்றவாளியை போலீஸ் ஸ்டேஷனில் கையுழுத்துப் போடச் சொல்ல அவன் போடுவதோடு அந்த சமாச்சாரம் முடித்து வைக்கப்படும் .
 
ஆனால் அப்படி கையெழுத்துப் போடும்போது கூட  எப்படி பிரச்னைகள் வரலாம் என்று  சொன்ன வகையில் பாராட்டுப் பெறுகிறது படம் . 

 
ஆனால்  சொன்ன விதத்தில்தான் ஆழம் அழுத்தம் போதவில்லை . கொஞ்சம் முயன்று இருந்தால் சும்மா தெறிக்க விட்டிருக்கலாம் 
 
மிக எளிய இயல்பான படமாக்கல் . 
 
இனிகோ பிரபாகர் , பிரியங்கா, செங்குட்டுவன் , அனிஷா எல்லாருமே இயல்பாக நடித்துள்ளனர் . 
 
யோகி பாபு சில சமயங்களில் சிரிக்க வைக்கிறார் . பல சமயங்களில் அர்த்தமில்லாமல் அவுட் பிளாக்கில் பேசிக் கொல்கிறார். (எழுத்துப் பிழை அல்ல )
 
காமெடி என்ற பெயரில் பல சீரியஸ் காட்சிகளையும் சிதைத்து சிதற அடிக்கிறார் . லாஜிக்கையும் லகலக செய்கிறார் .
 
என் ஆர் ரகு நந்தனின் இசை ஜஸ்ட் ஒகே . 
 
ரெண்டு வருஷமாக சுற்ற வைத்த காதலி காதலை சொன்ன சந்தோஷத்தில் சரக்கு அடிப்பது கூட ஒகே.
 
ஏன்னா இன்னிக்கு அது கலாச்சாரமா போச்சு . ஆனால் அதுக்காக ஒருவன் ஆடு திருடுவானா ?
 
அந்த அளவுக்கு அவன் என்ன குடி நோயாளியா ? அல்லது அவனுக்கு திருட்டுப் பழக்கம் உண்டா ?
 
அப்படி எல்லாம் அந்தக் கருமமும் இல்லையே . அப்புறம ஏன் அவன் ஆடு திருடவேண்டும் . ?
சரி … இன்ஸ்பெக்டரிடம் மாட்டி தாதா வரை போயாச்சு . எப்படியாவது சீக்கிரம் இவனிடம்  இருந்து கழண்டு கொண்டு,  
 
காதலியைப் பார்க்கப் போகணும் என்றுதானே நினைக்கணும்? அதை விட்டு விட்டு தாதாவுகக்காக கொலை எல்லாம் செய்தால் அப்புறம் அவன் என்ன  காதலன் ?
 
இன்ஸ்பெக்டர் தனக்கு நண்பர் ஆகி விட்ட நிலையிலும் புகார் கொடுத்த பெண்ணை பதியாத எப் ஐ ஆருக்காக திருட்டு ஹீரோ கொலை செய்ய முயல்வது ஏன் ?
 
பின்னால் இன்ஸ்பெக்டரே எப் ஐ ஆர் பதிவு செய்வேன் என்று மிரட்டினாலும் அதற்காக அந்தப் பெண்ணை கொலை செய்து,
 
 ஒரு காதல் ஜோடியை பிரிக்க முயல்பவன் எப்படி ஒரு காதல் ஹீரோவாக இருக்க முடியும் ?
திரைக்கதை என்பது அவ்வளவு விளையாட்டா போச்சு . அப்படிதானே ?
 
இப்படி அடிப்படையே தப்பாகப் போனதால் ஓரளவு இயல்பாக ஈர்க்கும் எம் எல் எம் காதல் ஜோடியின் கதை விழலுக்கு இறைத்த நீர் !
 
ஒரு காதல் ஜோடிக்கு முக்கியத்துவம் கொடுத்து ஆரம்பித்து இன்னொரு ஜோடியின் கதைக்கு முக்கியத்துவம் கொடுத்து முடிப்பது எல்லாம் திரைக்கதையின் ஒழுங்கின்மை . 
 
என்ன செய்திருக்கலாம் ?
 
திருட்டு ஹீரோ சங்கிலி பறித்தான் . போலீசிடம் சிக்கினான் . புகார் கொடுக்கப்பட்டது . எப் ஐ ஆர் போடுவதாக,
 
 இன்ஸ்பெக்டர் மிரட்டினான் என்பதில் இருந்து திரைக்கதையை மாற்றி இருக்க வேண்டும் .
 
கிராமத்தில் இருந்து திருட்டு ஹீரோவின் காதலி வந்தாள். இருவரும் எம் எல் எம் காதலியிடம் பேசினார்கள் .
 
மன்னிப்புக் கேட்டார்கள் . அவள் மன்னித்தாள். அவளது காதலனும் ஏற்றுக் கொண்டான் . 
 
இப்போது நான்கு பேரும் இன்ஸ்பெக்டரை பார்த்தார்கள் . புகார் வாபஸ் வாங்க வந்ததாக சொல்ல,
 
மறுக்கும் இன்ஸ்பெக்டர் அப்போதுதான் எப் ஐ ஆரை பதிந்தான்  என்று ஆரம்பித்து ..
 
இரண்டு காதல் ஜோடி….. எதிராக இன்ஸ்பெக்டர் ,மற்றும் தாதா என்று போயிருந்தால்,  படம் அசத்தி இருக்கும் . 
 
அது இல்லாததால் இந்த, 
 
பிச்சுவா கத்தி …. வெண்ணெய் வெட்டி !

About Su Senthilkumaran

பெயர் : சு.செந்தில் குமரன்

புனைப் பெயர் : ராஜ திருமகன்

கல்வித் தகுதி : B.E. Mechanical

பிரசுரமான முதல் படைப்பு : கவிதை —

பெங்களூரில் நடந்த ‘பெரிய’ மாநாட்டில்
தேங்காய் எண்ணையில் சமைத்த உணவே
தேவை என்றாராம் ஜெயவர்த்தனே!
நல்ல வேளை…..
தமிழன் ரத்தம் கேட்கவில்லையே
(ஜூனியர் விகடன் )

பத்திரிக்கைப் பணி : விகடன் மாணவ நிருபர் திட்டம்

மிகச் சிறந்த நிருபர் (outstanding reporter) விருது

விகடன் குழும இதழ்களின் சிறப்பு நிருபர் (பல ஆண்டுகள்)

விளம்பர முகவர் —ஏற்றுமதி உலகம் இதழ் (ஒரு ஆண்டு)

கட்டுரைப் பகுதி பொறுப்பாசிரியர் –மாலை முரசு குழும இதழ்கள் (பல ஆண்டு)

சினிமா பகுதி ஆசிரியர் (தின மதி நாளிதழ்)

நிருபர் (குமுதம்) உதவி ஆசிரியர் (குமுதம் ரிப்போர்ட்டர்)

பொறுப்பாசிரியர் (குமுதம் ஹெல்த்)

சினிமா பகுதி ஆசிரியர் (தின இதழ் நாளிதழ் )

தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி )

நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி )

நடுவர் (ஜெயா டிவி டாக்குமெண்டரி விருது )

திரைப் படைப்பாளியாக : உதவி மற்றும் இணை இயக்குனர் –ஆர்.வி. உதயகுமார் (பல படங்கள்)

நடிகர் — முழு நீள கதாபாத்திரம் — அஜந்தா (தமிழ் , தெலுங்கு )

— நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக)

— கஸ்தூரி , இளவரசி தொலைக்காட்சித் தொடர்கள்

பாடலாசிரியர் — அஜந்தா (இளையராஜா), அடாவடி (தேவா),

முத்துக் குமரனின் காதல் (நவநீத் ) வெண்மேகம் (ஜாபர் )

அடுத்த கட்டம் : திரைப்பட இயக்கம் /நடிப்பு / எழுத்து

தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *