Click the advt. below to view Meesaya Murukku – Official Trailer | Hiphop Thamizha, Aathmika | Sundar C | Avni Music

புலி முருகன் @ விமர்சனம்

puli-6
முறைப்படி தமிழ்நாட்டுக்கு என்று பிரிந்து வந்திருக்க வேண்டிய– ஆனால்  அநியாயமாக கேரளாவுக்கு தாரை வார்க்கப்பட்ட   மலைக்  கிராமங்களில் ஒன்றான புலியூரில் பிறந்து,

 சிறு வயதில் அம்மாவை பிரசவத்துக்கும்  அப்பாவை காட்டுப் புலிக்கும்  பறி கொடுத்த பாலகன் புலி முருகன்.

 வளர்ந்து பெரியவனாகி (மோகன்லால்) மைனாவை (கமாலினி முகர்ஜி) கல்யாணம் செய்து செல்வி என்ற ஒரு மகளுக்கு தகப்பன் ஆன  பிறகும் கூட,

காட்டுப் பகுதியில் மக்களை அடித்துக் கொல்லும்  புலிகளை வெறி கொண்டு வேட்டையாடுவதில் வல்லவன் அவன் . காரணம் தன்  அப்பா போல எந்த மனிதனும் புலியால் சாகக் கூடாது என்பதுதான்

puli 3

(நல்ல வேளை பிரசவத்தில் அம்மா இறந்தது போல எந்தப் பெண்ணும் இறந்து விடக்  கூடாது என்பதால் திருமணம் செய்து கொள்ளும் யாரையும் வேட்டையாடக் கிளம்பவில்லை,  )

பொம்பள பொறுக்கி காட்டிலாகா அதிகாரி (கிஷோர்) மைனாவுக்கு குறி வைக்க, அதனால் அவனுக்கும் புலி முருகனுக்கும் ஜென்மப் பகை .

கேன்சருக்கு மருந்து தயாரிக்க கஞ்சா வேண்டும் என்று சொல்லி காட்டுக்குள் நுழையும் சிலர் , கம்பெனியில் புலி முருகனின் தம்பிக்கும் வேலை தருவதாக சொல்ல,

அவர்களுக்கு உதவவும் . வன இலாகா அதிகாரியின் கொலை வெறியில் இருந்து தப்பவும் , தன்  லாரியில் கஞ்சா ஏற்றிக் கொண்டு புலியூரில் இருந்து போகிறான் முருகன்.

puli 2

வந்த பிறகுதான்  அவர்கள் கஞ்சா கேட்டது மருந்து தயாரிக்க அல்ல; அவர்கள்  போதை மருந்து கடத்தும்  கும்பல் என்று புலி முருகனுக்கு தெரிய வருகிறது .

கம்பெனி ஓனருக்கும் (ஜெகபதி பாபு) புலி முருகனுக்கும் பகை பெரிதாகிறது . இந்த நேரத்தில் புலியூரில் புலி கடித்து பலர் சாக, ஊரைக் காக்க புலி முருகன் புலியூருக்கு போக ,

முருகனை கொல்ல  ஒரு பக்கம் வன அதிகாரியும் இன்னொரு பக்கம் விதம் விதமான உலகளாவிய சண்டை வீரர்களோடு போதை கடத்தல் கம்பெனி முதலாளியும் காட்டுக்குள் இறங்க ,

கையில் ஆயுதமாக வைத்திருக்கும் வேல் மற்றும் கத்திச்  சவுக்கு போன்ற ஆயுதங்களின் உதவியோடு புலி முருகனும் எதிர்கொள்ள,

puli 1

இடையில் புலியும் நுழைய,  அப்புறம் நடக்கும் உறுமல்களே , புலி முருகன் .

மலையாள திரையுலக வரலாற்றிலேயே இல்லாத அளவுக்கு 150 கோடி ரூபாய் வசூல் செய்த புலி முருகன் என்ற மலையாளப்  படத்தின் மொழி மாற்றமே இந்தப் படம் .

படம் கேரளாவில் அந்த அளவு ஓடக் காரணம் , நாற்பது வயசுக்கு மேற்பட்ட மலையாளிகள் அனைவரும் இந்தப் படத்தைப்  பார்த்துக் குவித்தார்கள்.

அதற்கு காரணம் ரெண்டு தலை முறைக்கு முன்பு வரை மலையாளிகளின் குல தெய்வமே பழனி முருகன்தான் .

கையில் வேலோடும் முருகன் என்ற பெயரோடும் மோகன்லாலைப் பார்த்ததும் சிலிர்த்துப் போனார்கள் அந்த நாற்பது வயசுக்கு மேற்பட்ட மலையாளிகள் .

puli 5

இன்னொரு காரணம் புலி முருகன் என்ற ஒரு தமிழன் நிஜமாகவே கேரளாவில் வாழ்ந்ததும் ,அவன் மக்களைக்  கொல்லும்  புலிகளைக் கொன்றதும், 
அதனால் அரசின் கோபத்துக்கு ஆளானதும் உண்மை வரலாறு . அந்த பிரபலமும் படத்துக்கு பலம் சேர்த்தது

சிறுவயது புலி முருகனின் பிளாஷ்பேக் அருமை . அதுவும் அப்பாவைக் கொன்ற புலியை சிறுவன் புலி முருகன் கொல்லும்  காட்சி அபாரம்.

இந்தப் படத்துக்காக சண்டை இயக்குனர் பீட்டர் ஹெயினுக்கு தேசிய விருது கொடுத்தது மிகவும் பொருத்தம்.

அந்த சிறுவனின் நடிப்பும் அருமை .

பல மலையாள படங்களில் தமிழர்களை இழித்தும் பழித்தும்  ரசித்து வசனம் பேசிய மோகன்லால் இந்தப் படத்தில் தமிழன் புலி முருகனாக  தமிழ்த் தன்மைகளோடு வாழ்ந்துள்ளார்.
 puli 7
பின்னே……. சேட்டன் முழுமையான நடிகன் இல்லையா ?

கமாலினி , சித்திக் நல்ல நடிப்பு . கோபி சுந்தரின் பின்னணி இசை பிரமாதம் . ஒளிப்பதிவு மிக சிறப்பு லொக்கேஷன்கள்  பிரம்மிப்பு

மலையாள சினிமா கண்டிராத மாபெரும் வசூல் சாதனை செய்யக் கூட அவர்களுக்கு ஒரு தமிழனின் கதையும் தமிழ் அடையாளங்களும் தேவைப் படுகிறது .

 ஆனால் இதே படத்தில் சந்தன  வீரப்பனை ஒரு கோமாளி போலக்  காட்டி தமிழர்களுக்கு எதிரான தங்கள் அரிப்பை சொறிந்து கொள்ளும் ,

இன்டலக்சுவல் அரகன்சும் படத்தில் இருக்கிறது . பின்னே மலையாளிகளா கொக்கா ?



பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (1986 ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் (1988- 89) மிகச் சிறந்த நிருபர் (outstanding reporter) விருது (1989 ) விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462


Leave a Reply

Your email address will not be published. Required fields are marked *