ரங்கூன் @ விமர்சனம்

rang 1
ஃ பாக்ஸ் ஸ்டார் ஸ்டுடியோஸ் மற்றும் இயக்குனர் ஏ ஆர் முருகதாஸ் தயாரிப்பில் கௌதம் கார்த்திக், சனா, சித்திக் , டேனியல் , லல்லு நடிக்க,

ராஜ்குமார் பெரியசாமி இயக்கி இருக்கும் படம் ரங்கூன் .  டிக்கட் எடுக்கலாமா ? பார்க்கலாம் .

பர்மா வாழ் தமிழ்க குடும்பத்து சிறுவனான வெங்கட் 1987 ஆம் ஆண்டு குடும்பத்தோடு வட சென்னையில் செட்டில் ஆகிறான்.. அத்தோ குமார் , டிப் டாப் என்று சில நண்பர்கள் அமைகிறார்கள்

அப்பா விபத்தில் இறந்து போக,  தங்கையையும் அவனையும் வைத்துக் கொண்டு அம்மா கஷ்டப்பட , அத்தோ குமார் மற்றும் அவன் குடும்பத்தின் உதவியால் வளர்ந்து இளைஞனாகிறான் .(கௌதம் கார்த்திக்)

rang 3
அத்தோ குமாரின் (லல்லு) உதவியால் அந்த ஏரியாவில் முக்கியமான நகை வேலைப்பாடு கடை வைத்திருக்கும் குணசீலன் என்பவரிடம் ( சித்திக்) வேலைக்கு சேர்கிறான் .
நடாஷா என்ற வெள்ளைத் தோல் பெண்ணை (சனா) காதலிக்கிறான்
குணசீலன் தனக்கு வாழ்வு கொடுத்தவர் என்பதால் அவரோடு சேர்ந்து ஹவாலா மோசடியிலும்  வெங்கட் ஈடுபடுகிறான் . தன்  தங்கையை அத்தோ குமாருக்கு கல்யாணம் செய்து வைக்கிறான்
ஹவாலா மோசடி செய்வதன் ஆபத்தை நடாஷா சொல்ல , குணசீலனின் பணப் பிரசனையைத் தீர்க்க ஒரு பெரிய தங்கக் கடத்தலை மட்டும் கடைசியாக செய்து விட்டு ,
rang 2
குற்றம் செய்யா வாழ்வுக்கு வர முடிவு செய்கிறான் வெங்கட்
அந்தக் கடத்தலுக்காக  தான் பிறந்த ரங்கூனுக்கு மச்சான் அத்தோ குமார் , நண்பன் டிப்டாப் (டேனியல்) ஆகியோருடன் போகிறான். தங்கத்தைக் கொடுத்து பணம் பெற்று வரும்போது பெரும் இழப்பை சந்திக்கிறான் .
அதன் விளைவாக சென்னை வந்து , குணசீலனுக்காக தொடர்ந்து குற்றச் செயல்களில் ஈடுபடுகிறான் . உறவு இழப்பையும் சந்திக்கிறான் .
அதற்குப் பிறகு அவன் சந்திக்கும் இரண்டு துரோகங்கள் அவனை என்னவாக  ஆக்குகின்றன என்பதே இந்தப் படம்
நல்ல ஷாட்கள் வைத்து மேக்கிங்கில் அசத்துகிறார் இயக்குனர் ராஜ்குமார் . அந்த இடைவேளை டுவிஸ்ட் அபாரம் . சும்மா பதற வைத்து விடுகிறார்கள் அந்த இடத்தில் !
rang 7
ஒரு ஜாலியான காடசியின் இயல்பான வசனம் மற்றும்  கேலியில் இருந்து ஒரு முக்கியமான துரோகத்துக்கு லீட் எடுப்பது திரைக்கதையில் சபாஷ்  வாங்கும் இடம் .
அந்த துணை துரோகம் எதிர்பார்க்க முடியவில்லை  என்ற வகையிலும் சபாஷ் போடலாம் .
விஷால் சந்திரசேகரின் இசையில் பாடல்கள் ஓகே ரகம் . பின்னணி இசை அருமை . சூப்பர்
கௌதம் கார்த்திக் மேக்கப்பில் கறுப்பாக்கப்பட்டு  இருந்தாலும் நடிப்பில் கருத்தாகி இருக்கிறார் . சண்டை பாடல் காட்சிகளி ல் நடித்த விதமும் குட் .
அம்மாவாக நடித்து இருப்பவர் சிறப்பாக நடித்துள்ளார் . டேனியல் , லல்லு மண் மனத்ததோடு கூடிய நன்னடிப்பு .
சின்னச் சின்ன கேரக்டர்களில் கூட பொருத்தமான நடிகர்கள் . திருத்தமான  நடிப்பு .
rang 6
சனா,மற்றும் தங்கையாக நடித்துள்ள நடிகை இருவரும்தான் படத்தில் ஒட்டவே இல்லை .
கலர் கூட ஓகே , வட  சென்னை சேட்டுப்   பொண்ணுக என்று நினைத்துக் கொள்ளலாம் . ஆனால் இப்படியா முழுக்க முழுக்க வெஸ்டர்ன் ஸ்டைல் எக்ஸ்பிரஷன்ஸ்  கொடுப்பது?
வீரையன் வீட்டில் வாக்கப்பட்ட விட்ட்டோரியா மகாராணிக்கள் மாதிரி ஒத்துக்க கொள்ள முடியாத ஒவ்வாமை இந்த இருவரின் நடை உடை பாவனையிலும் !
முதல் பகுதியில் அதிக எதிர்பார்ப்பை ஏற்படுத்தும் படம் இரண்டாம் பாகத்தில் ஏகத்துக்கும் நோண்டுகிறது .
rang 4
பர்மாவில் பணத்தை தொலைத்து விட்டு,  எல்லாரும் பக்குவமாக சென்னை வந்து நிற்கும்போதே ‘போச்சுடா பொன்னுசாமி ” என்று புரிந்து விட்டது .
அதற்கப்புறம் அமாவாசை நடு  இரவில் ஆளரவம் இல்லாத பெரிய கிரவுண்டில  கண்ணைக் கட்டிக்க கொண்டு நடப்பது போல தறிகெட்டு அலைகிறது திரைக்கதை .
பர்மாவில் தொலைத்த பணத்தை வெங்கட் பர்மாவிலேயே கண்டு பிடித்தான் . அதற்குள் உறவை இழந்தான் . மேலும் பல விஷயங்களை இழந்தான் .
rang 5
இப்படி பல இழப்புகளுக்கு மத்தியிலும்   பணத்தோடு சென்னை வந்து சேர , அங்கு நடக்கும் துரோகத்தால் அவன் பொங்கி எழுந்தான் என்று திரைக்கதை போயிருந்தால் ரங்கூன், பர்மா தேக்கு போல அசத்தி இருக்கும் .

அது இல்லாத காரணததால்

ரங்கூன் .. ட்ரிப் கேன்சல் !

About Su Senthilkumaran

பெயர் : சு.செந்தில் குமரன்

புனைப் பெயர் : ராஜ திருமகன்

கல்வித் தகுதி : B.E. Mechanical

பிரசுரமான முதல் படைப்பு : கவிதை —

பெங்களூரில் நடந்த ‘பெரிய’ மாநாட்டில்
தேங்காய் எண்ணையில் சமைத்த உணவே
தேவை என்றாராம் ஜெயவர்த்தனே!
நல்ல வேளை…..
தமிழன் ரத்தம் கேட்கவில்லையே
(ஜூனியர் விகடன் )

பத்திரிக்கைப் பணி : விகடன் மாணவ நிருபர் திட்டம்

மிகச் சிறந்த நிருபர் (outstanding reporter) விருது

விகடன் குழும இதழ்களின் சிறப்பு நிருபர் (பல ஆண்டுகள்)

விளம்பர முகவர் —ஏற்றுமதி உலகம் இதழ் (ஒரு ஆண்டு)

கட்டுரைப் பகுதி பொறுப்பாசிரியர் –மாலை முரசு குழும இதழ்கள் (பல ஆண்டு)

சினிமா பகுதி ஆசிரியர் (தின மதி நாளிதழ்)

நிருபர் (குமுதம்) உதவி ஆசிரியர் (குமுதம் ரிப்போர்ட்டர்)

பொறுப்பாசிரியர் (குமுதம் ஹெல்த்)

சினிமா பகுதி ஆசிரியர் (தின இதழ் நாளிதழ் )

தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி )

நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி )

நடுவர் (ஜெயா டிவி டாக்குமெண்டரி விருது )

திரைப் படைப்பாளியாக : உதவி மற்றும் இணை இயக்குனர் –ஆர்.வி. உதயகுமார் (பல படங்கள்)

நடிகர் — முழு நீள கதாபாத்திரம் — அஜந்தா (தமிழ் , தெலுங்கு )

— நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக)

— கஸ்தூரி , இளவரசி தொலைக்காட்சித் தொடர்கள்

பாடலாசிரியர் — அஜந்தா (இளையராஜா), அடாவடி (தேவா),

முத்துக் குமரனின் காதல் (நவநீத் ) வெண்மேகம் (ஜாபர் )

அடுத்த கட்டம் : திரைப்பட இயக்கம் /நடிப்பு / எழுத்து

தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *