ரெமோ @ விமர்சனம்

remo-2
24 AM STUDIOS சார்பில்  ஆர் டி  ராஜா  தயாரிக்க சிவ கார்த்திகேயன் – கீர்த்தி சுரேஷ் ஜோடியாக நடிக்க , பி சி ஸ்ரீராமின் ஒளிப்பதிவில் ,  
 
சுந்தர்  சி மற்றும் அட்லீயிடம் உதவி இயக்குனராக இருந்த பாக்யராஜ் கண்ணன் இயக்கி இருக்கும் படம் ரெமோ . பாக்கலாமோ வேணாமோ ? பேசுவோம் 
 
ரஜினி காந்த போல பெரிய ஹீரோவாக முயலும் இளைஞன் எஸ் கே (சிவ கார்த்திகேயன்) .   ஓர் அழகிய இளம்பெண் (கீர்த்தி சுரேஷ்) அவனுக்கு காதல் வருகிறது 
remo-1
கே எஸ் ரவிக்குமார் இயக்கும் புது படத்துக்காக நடிகர் தேர்வுக்கு போன எஸ் கே வை,  கே எஸ் ரவிகுமார்   நிராகரிக்கிறார் .
அதே நேரத்தில்  அவன் காதலிக்கும் பெண்ணுக்கும் வேறொருவனோடு  திருமணம் நிச்சயம் ஆகிறது . 
இந்த நிலையில் கேஸ் எஸ் ரவிகுமாரை நர்ஸ் கெட்டப்பில் போய் எஸ் கே  பார்க்க,  அவர் அடுத்த படத்தில் வாய்ப்புத் தருவதாக சொல்கிறார் . 
 வரும் வழியில் ஒருவன் (யோகி பாபு)  நர்ஸ் கெட்டப் எஸ் கே வை பெண் என்று எண்ணி உரச, எஸ் கே காதலிக்கும் அந்த பெண் உதவிக்கு வருகிறாள். 
remo-7
அவளும்  எஸ் கே யை பெண் நர்ஸ் என்றே நம்புவதோடு , தான் டாக்டராக இருக்கும் மருத்துவமனையிலேயே எஸ் கே வுக்கு பெண் நர்சாக வேலை வாங்கித் தருகிறாள். 
அவளோடு இருந்தபடி , தன் காதலை நிரூபிக்கும்  முயற்சியில் எஸ் கே வென்றானா இல்லையா என்பதே ரெமோ . 
சபாஷ் சிவ கார்த்திகேயன் …!  பெண் வேடத்தில்  நர்ஸ் கெட்டப்பில் அந்த நடை என்ன? உடை என்ன ? பாவனை என்ன ?  ஒட்டு மொத்த  உடல் மொழிகளும் அருமை . 
remo-3
தொண்டை நோகும்படியாக மிகக் கஷ்டப்பட்டு பெண் குரலில் டப்பிங் பேசி அசத்தி இருக்கிறார் . .லவ்லி சிவ கார்த்திகேயனி !
தவிர ஆடல், பாடல், ஆக்‌ஷன் என அனைத்து ஏரியாவிலும் அசத்தல் . 
ஆனால் இந்த சிரமம் எதுவுமே இல்லாமல் கியூட்டாக அழகாக அட்டகாசமாக இதுவரை இல்லாத அளவுக்கு பிரம்மாதமாக நடித்து இருக்கிறார் கீர்த்தி சுரேஷ் . 
கீர்த்தி சுரேஷின் இளமை அழகுக்கு இணையாக ஜொலிக்கிறார் ஒளிப்பதிவு அழகன் பி சி ஸ்ரீராம் . தரமான ஒளிப்பதிவின் மூலம் வேறொரு தளத்தில்  தொழில் நுட்ப உயரத்தில் ஜொலிக்கிறது படம் . கிரேட் சார். 
remo-7
சிவகார்த்திகேயனின் பெண் குரலில் மேஜிக் சேர்த்திருக்கும் ரசூல் பூக்குட்டிக்கு ஒரு பூக்கூடை ! 
யோகிபாபு நர்ஸ் சிவகார்த்திகேயனை துரத்தி துரத்தி காதலிக்கும் இடம் ஆரம்பத்தில் சுமார்தான் என்றாலும் கிளைமாக்சில்  நர்ஸை காணவில்லை என்று PKஸ்டைலில் அலையும் இடம் பி அண்ட் சி கல கல !
அனிருத்  பாடல்கள் திரையில் ஓகே ரகம்தான் , பின்னணி இசையில் இன்னும் சிறப்பான பங்களிப்பு செய்து இருக்கலாம் 
அவ்வை சண்முகி படத்தை வேறு வகையில் ஞாபகப் படுத்தும் கதை திரைக்கதையில் சத்து கம்மி . 
remo-5 சரண்யா, சதீஷ் எல்லாம் படுத்தி எடுக்கிறார்கள் . எல்லா பட கேரக்டர்களுக்கும் ஒரே மாதிரி நடிப்பதை தவிர்க்க வேண்டும் .
ரெமோ .. சிவ கார்த்திகேயனின் பர்ஃபார்மான்ஸ் டெமோ . 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *