‘ரெமோ’ சிவ கார்த்திகேயனின் ஆவேச – ஆதங்கக் கண்ணீர்!

remo-88

கடந்த ஏழாம்தேதி வெளியான படங்களில் ரெமோ படம் வசூலில் முதல் இடத்தில் இருக்க ,  அதற்காக மக்களுக்கும் மீடியாக்களுக்கும் நன்றி சொல்லும் நிகழ்வை நடத்தியது படக் குழு . 

திருப்பூர் சுப்பிரமணியம் உட்பட்ட — படத்தை வாங்கி வெளியிட்ட விநியோகஸ்தர்கள் மற்றும் திரையரங்கு உரிமையாளர்களும் மேடையில் இருந்தனர். 
 சுப்பிரமணியம் பேசும்போது ” பொதுவாக படம் எடுத்த தயாரிப்பாளரை நாங்கள் போய்ப் பார்த்து வியாபாரம் பேசுவோம்.
ஆனால் இந்தப் படத்தின் தயாரிப்பாளர் ஆர் டி ராஜா கொஞ்சம கூட ஈகோ இல்லாமல் எங்களை தேடிவந்து வியாபாரம் பேசினார். அப்போதே படத்தின் வெற்றி உறுதியானது.
remo-8
தியாகராஜம பாகவதர், எம் ஜி ஆர் , ரஜினி , விஜய் ஆகிய மாஸ் ஹீரோக்களின் வரிசையில் சிவகார்த்திகேயனும் இடம் பிடித்து விட்டார் ” என்றார் . 
காஸ்டியூம் டிசைனர் அனு பார்த்தசாரதி பேசும்போது ” எல்லோரும் இந்தப் படத்தில் எனது வேலையை பாராட்டுகிறார்கள் என்றால்,
 அதற்கு இயக்குனர் பாக்யராஜ் கண்ணன் கொடுத்த வழிகாட்டுதலும் மாதிரிக் குறிப்புகளுமே காரணம் ” என்றார் 
படத் தொகுப்பாளர் ரூபன் தன் பேச்சில் ” இந்தப் படத்துக்கு நான்தான் எடிட்டர் என்று ஆரம்பம் முதலே சொன்னார் இயக்குனர் பாக்யராஜ் கண்ணன் .
remo-7
ஆனால் ரசூல்  பூக்குட்டி,  அனிருத்,  பி  சி ஸ்ரீராம், போன்ற  பெரிய டெக்னீசியன்கள் வந்த பிறகும்  அவர் மாறாமல் என்னையே  எடிட்டராக  பயன்படுத்திக் கொண்டார் . அதற்கு நன்றி ” என்றார் . 
” இப்படி ஒரு வெற்றிப் படத்தில் நானும் இருப்பது சந்தோசம் ” என்றார் நடிகர் யோகிபாபு 
“பதினஞ்சு வருஷமா அம்மாவா நடிச்சுட்டு இருக்கேன் . இன்னும் நான் அம்மாவா நடிச்சா படம் ஓடிடும்னு செண்டிமெண்ட் இருப்பதும்
எனக்கு எல்லோரும் தரும் ஆதரவும் பெருமையாக இருக்கிறது . இறைவனுக்கு  நன்றி ” என்றார் சரண்யா . 
“படத்தின் நான் பேசி இருக்கும் காமெடி ‘பன்ச்’கள் மக்களால் ரசிக்கப் படுவது சந்தோசம் . இயக்குனர் பாக்யராஜ் கண்ணன், சிவ கார்த்திகேயன் ,
remo-3தயாரிப்பாளர்  ஆர் டி ராஜா ஆகியோர் தங்கள் அடுத்த படங்களிலும் எனக்கு வாய்ப்பு தரணும்னு கேட்டுக்கறேன் ” என்றார் சதீஷ் 
கீர்த்தி சுரேஷ் தனது பேச்சில் “இந்தப் படத்துக்காக சிவகார்த்திகேயன் கொடுத்த உழைப்பு கொஞ்ச நஞ்சமல்ல . அதன் பலன்தான் இப்போது வெற்றியாகவும் நல்ல பெயராகவும் அவருக்கு அமைந்துள்ளது. 
‘இந்தப் படத்தின் மூலம் தான்  ஒரு மாஸ் ஹீரோ மட்டுமல்ல , சிறந்த நடிகர் கூட என்று சிவ கார்த்திகேயன் நிரூபிப்பார் ‘ என்று,
 படத்தின் ஆரம்ப விழாவிலேயே நான் சொன்னேன்  அதுதான் இப்போது நடந்துள்ளது ” என்றார் . 
ரசூல் பூக்குட்டி பேசும்போது
remo-6
” சிவ கார்த்திகேயனுக்கான பெண் குரலைக் கொண்டு வரத்தான் மிகவும் சிரமப் பட்டேன் .  அதற்காக ஏ ஆர் ரகுமான் எனக்கு சில தொழில் நுட்ப உதவிகள் செய்தார் .
சிவ கார்த்திகேயன் நான்கு முறை இந்தப் படத்துக்கு பின்னணி பேசி ஒத்துழைத்தார் . அவருக்கு நன்றி 
படத்தின் ஒலிக் கலவை வேலை நடந்த போது, அனிருத்தின் உதவியாளர் ஒருவர் மியூசிக் டிராக்கை கொஞ்சம் சத்தமாக வைக்கச் சொல்லிக் கொண்டே இருந்தார் . எனக்கு அது பெரிய பிரச்னையாக இருந்தது .
 எனவே அவர்கள் எல்லாம் போன பிறகு அனிருத்தின் மியூசிக் டிராக்கை திருடி நான் மீண்டும் பணியாற்றினேன். ” என்றார் . 
பி சி ஸ்ரீராம் பேசும்போது
remo-5
” நான் எல்லா வேலைகளையும் (மறைந்த ) என் மகளின் வழிகாட்டுதலின்படியே செய்து கொண்டு இருக்கிறேன்.
பல நேரங்களில் எனக்கு என்ன நடக்கிறது என்று எனக்கே தெரியாது . அவள்தான் என்னை வழி நடத்துகிறாள் ” என்று பேசி மனம் கனக்க வைத்தார் . 
அனிருத் தனது பேச்சில் “படத்தின் பாடல்களுக்கு கிடைத்து இருக்கும் வரவேற்பு சந்தோஷமாக இருக்கிறது . படத்தின் இறுதிக் கட்டப் பணிகளின்போது நான் வெளிநாட்டில் இருந்தேன்.
எனினும் சிரமம் பாராமல் என் வேலையையும் சேர்த்துப் பார்த்த ரசூல் பூக்குட்டிக்கு நன்றி . 
நாங்கள் ஒவ்வொரு படத்தின் போதும் சிவ கார்த்திகேயனிடம் ‘ இந்தப் படத்தில் இந்த லெவலுக்கு உயரணும், இவ்ளோ வசூல் வரும் படமாக இருக்கணும் ; என்று கோல் செட் செய்து கொடுப்போம்.
remo-4
அதை அவர் சொல்லி அடிக்கும் விதம் அபாரமானது ” என்றார் .
இயக்குனர் பாக்யராஜ் கண்ணன் பேசும்போது ” முதல் படத்திலேயே இப்படிப்பட்ட  மாபெரும் படைப்பாளிகளுடன் பணிபுரியக் கிடைத்த வாய்ப்பு  நான் செய்த பாக்கியம்.  தயாரிப்பாளர் ஆர் டி ராஜா அண்ணனுக்கு நன்றி . 
எல்லோரும் கொடுத்த ஒத்துழைப்பு அபாரமானது. அதுவும் பெர்ஃபெக்ஷன் என்ற பெயரில் நான் சிவா சாரை ரொம்ப கொடுமைப் படுத்தி இருக்கேன். அதற்கு அவர் என்னை மன்னிக்கணும் ” என்றார். 
விநியோகஸ்தர்கள் மற்றும் திரையரங்கு உரிமையாளர்களுக்கு நன்றி சொல்லிப் பேச்சை ஆரம்பித்த சிவ கார்த்திகேயன், ” எப்படி பி சி ஸ்ரீராம் சார் உள்ளே  வந்த பிறகு இந்தப் படத்தின் தரம் உறுதி செய்யப் பட்டதோ ,
remo-2
அப்படி திருப்பூர் சுப்பிரமணியம் வந்த போதே  இந்தப் படத்தின் வெற்றின் உறுதி செய்யப் பட்டது . 
எனது மினிமம் கேரண்டி காமெடி படங்களில் எல்லாம் அனிருத் இருக்க மாட்டார் . ஆனால் வித்தியாசமாக பரீட்சார்த்தமான படங்களை நான் செய்யும்போது எல்லாம்
அனிருத் அந்தப் படத்தில் இருப்பார் . அந்த வகையில் எனது கேரியரில் அணிருத்துக்கு பெரும் பங்கு உண்டு . 
பாக்யராஜ் கண்ணன் மிக சிறப்பாக கதை சொன்னார் . நானும் நடிக்க ஆரம்பித்தேன் 
 ஆனால் அவ்வை சண்முகியை  எடுத்த கே எஸ் ரவிகுமார் சார் இந்தப் படத்தின் படப்பிடிப்பில் எனது பெண் வேட கெட்டப்பைப் பாராட்டிய போதுதான், 
remo-1
எனக்கு இந்த கேரக்டரை ஒழுங்காக நடிப்போம் என்ற தன்னம்பிக்கையே வந்தது . 
சண்டைக் காட்சிகள் குறித்த எந்த தொழில் நுட்பத்தையும் நான் கற்கவில்லை . எனவே எனக்கு அது ரொம்ப கஷ்டம்.
ஆனால் இந்தப் படத்தில் நடித்த போது எனக்கு உடம்பு வலி கூட தெரியவில்லை . மாஸ்டர் அனல் அரசுவோடு அடுத்து இரண்டு படங்கள் செய்கிறேன் . 
ரசூல் பூக்குட்டி , ரூபன் இவர்கள் படத்துக்கு பெரும் பலமாக இருந்தார்கள் .  
நான் அழகானவன் இல்லை என்பது எனக்கே தெரியும் . ஆனால் ஸ்ரீராம் சாரின் கேமரா வழியாக பார்க்கும்போது நானும் அழகானவனாக தெரிந்தேன். 
remo-999
பெண் வேடத்தில் நான் அழகா தெரிய இன்னொரு காரணம் ,  கீர்த்தி சுரேஷ் எனக்கு மேக்கப்பில் அவ்வளவு  உதவினார்.  நம்மை விட அழகா தெரியக் கூடாதே என்று யோசிக்காமல் ,
ஈகோ பார்க்காமல் அவர் காட்டிய அக்கறை மறக்க முடியாதது . 
நான் இந்தப் படத்துக்காக ஒரு நாளைக்கு இருபது மணி நேரம் உழைத்து விட்டு வீட்டுக்குப் போய் விடுவேன் . ஆனால் 24 மணி நேரமும் உழைத்தவர் ராஜா “
என்ற சிவ கார்த்திகேயன்  தொடர்ந்து பேச முடியாமல் கண்ணீரோடு சில நொடிகள் அமைதி காத்து விட்டு , பிறகு தொடர்ந்து பேசும்போது 
remo-99
“இந்தப் படத்துக்கு எவ்வளவு தடைகள் … எவ்வளவு பிரசனைகள்…  நாங்க  அப்படி என்ன தப்பு செஞ்சோம் ? குடும்பத்தோடு  வந்து எல்லாரும் பார்த்து ரசிக்கிற மாதிரி சிரிக்கிற மாதிர்
மேலும் மேலும் நல்ல படம் பண்ண  ஆசைப் படுறோம் . இது தப்பா ?
தயவு செஞ்சு எங்களை வேலை செய்ய விடுங்க . கெடுக்க நினைக்காதீங்க ” என்று யாருக்கோ சொல்லி விட்டு , 
“எல்லோரும் கொடுத்த ஒத்துழைப்புக்கு நன்றி . நீங்க எல்லாரும் பெருமைப் படும்படியான ஒரு படத்தை கண்டிப்பா நாங்க தருவோம் ” என்று திட்டவட்டமாக சொல்லி முடித்தார் 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *