ராக்கி @ விமர்சனம்

பிரபல இந்தித் திரைப்பட இயக்குனரும் தயாரிப்பாளருமான கே சி பொக்காடியா தயாரித்து இயக்க, ஸ்ரீகாந்த், எஷான்யா,, நாசர், பிரம்மானந்தம், ஷாயாஜி ஷிண்டே, ஓ ஏ கே சுந்தர், கராத்தே ராஜா , ரமேஷ் இவர்களுடன் ராக்கி என்ற பயிற்சி பெற்ற நாய் ஆகியோர் நடித்து இருக்கும் படம் ராக்கி .

இந்தப் படம் தமிழ் , தெலுங்கு , இந்தி மொழிகளில் வெளியாகிறது . அதற்கேற்ப படத்தின் சில காட்சிகள் இந்தி, சில காட்சிகள் தெலுங்கு , சில காட்சிகள் தமிழில் எடுக்கப்பட்டு அதற்கேற்ப டப்பிங்கும் செய்யப்பட்டு வந்திருகிறது படம் . இந்த ராக்கி ராகியா ? இல்லை போகியா ? பேசுவோம் .

சந்தோஷ் (ஸ்ரீகாந்த்) ஒரு நேர்மையான போலீஸ் அதிகாரி. அவர் விபத்தில் அடிபட்ட ஒரு நாய்க்குட்டியை சிகிச்சை கொடுக்க வைத்து காப்பாற்றி, ராக்கி என்று பெயர் வைக்கிறார். அவரது மனைவியும் (எஷான்யா)ராக்கியை குழந்தை போல பார்த்துக்கொள்கிறாள். ராக்கி மிகவும் புத்திசாலியாகவும் இருப்பதால் போலீஸ் துறை துப்பறியும் நாய்கள் பயிற்சி நிலையத்தில் சேர்த்து பயிற்சி பெற வைக்கிறார். கமிஷனர்  செல்வம் (நாசர்) கண்ணியமானவர். அவர் சந்தோஷ் மீது மகன் போல பாசம் கொண்டவர். 

எம்.எல்.ஏ. ஒருவரும் ( சாயாஜி ஷிண்டே) ஆயுதக் கடத்தல் நபர் ஒருவரும்  (ஓ ஏ கே  சுந்தர்) இருவரும் செய்கின்ற சமூக விரோதச் செயல்களுக்காக சந்தோஷ் அவர்களைக் கைது செய்து லாக்கப் பில் அடைக்கிறார்.

இருவரும் சந்தோஷின் உதவியாளர்கள் ராஜா, சேகர் இருவரையும் கைக்குள் போட்டுக் கொள்கின்றனர். லாக்கப்பில் இருந்து தப்பித்து விடுகின்றனர்.

சந்தோஷ் கொதிப்படைகிறார். அவர்களைக் கைது செய்ய தேடிப்போகிறார். ராக்கியும் அவருடன் செல்கிறது.

எம்.எல்.ஏ.சாயாஜி, சுந்தர், இன்ஸ்பெக்டர் கள் ராஜா, சேகர் நால்வரும் கூட்டுச்சதி செய்து சந்தோஷைக்  கொலை செய்துவிடுகின்றனர்.

இன்ஸ்பெக்டர்கள் ராஜா, சேகர் இருவரும் கமிஷனர் செல்வத்திடம், சந்தோஷைக் கொலை செய்தது யாரென்று தெரியவில்லை என்று பொய் சொல்கின்றனர்.ஆனால் நடந்தவற்றுக்கு ராக்கியே சாட்சி 

 சந்தோஷைக் கொலை செய்த எம்.எல்.ஏ. சாயாஜி, சுந்தர், ராஜா, சேகர் ஆகிய நால்வரையும் ராக்கி எப்படி தண்டித்தது அல்லது அவர்கள் தண்டிக்கப்பட காரணமாக இருந்தது என்பதே இந்த ராக்கி .

 தமிழில் எம் ஜி ஆர் , சிவாஜி, கமல் ரஜினி உட்பட எண்பதுகள் வரையிலான எல்லா ஹீரோக்களும் (மற்ற மொழிகளில் மற்ற முக்கிய ஹீரோக்களும் ) தவிர சாண்டோ எம் எம் ஏ சின்னப்பா தேவர் மற்றும் ராம நாராயணன் மூலம் நாய்களும் நடித்துவிட்ட கதைதான்  

ஆனால் ஒரு இடைவெளிக்கு பிறகு பார்க்கும்போது  மலரும் நினைவுகள் போலதான் இருக்கிறது . 

ஸ்ரீகாந்த் ஜஸ்ட் லைக் தட் நடிக்கிறார் , எஷான்யா அழகு நடிப்பு இரண்டிலும் ஒகே . நாசர் கம்பீரம் . ஷிண்டே வில்லத்தனம் . 
பிரம்மானந்தம் நடித்துள்ள நாய்கள் பயிற்சி பள்ளி அதிகாரி கேரக்டருக்கு எம் எஸ் பாஸ்கர் பின்னணி பேசி இருக்கிறார் . சில இடங்களில் கல கல

 ஒரு சில இடங்களில் பி அண்ட் சி ரசிகர்கள் விசிலடிக்கும்படியான சில திருப்பங்களும் உள. 

பப்பி லஹரி இசையில் அப்படியே தொண்ணூறுகளின் இந்தி சினிமா வாசனை . மனம் உன்னை தேடுதே பாடல் முணுமுணுக்க வைக்கிறது .

எடுத்துக் கொடுத்ததை வைத்து தொகுத்துக் கொடுத்து இருக்கிறார் லெனின் . 

முதல் காட்சியிலேயே கார் பயணிக்கும் வேகத்துக்கும் அடுத்த ஷாட்டில் காரை ஓட்டுவது போல காட்டும் போது இருக்கும் வேகத்துக்கும் மேட்ச் ஆகவில்லை .

 ஏகப்பட்ட ஷாட்கள் ரிப்பீட் ஆகி நம்மை அப்பீட் ஆக்குகின்றன . 
ஆக்ஷன் கணிடின்யுட்டி ஏராளமாக மிஸ் ஆகிறது 

நாயை நன்றாக பயன்படுத்தி இருக்கிறார்கள் . குழந்தைகளைக் கவரலாம் ( நாய்கள் ஜாக்கிரதை படம் நல்லா ஓடின ஊருதானே இது )

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *