செம @ விமர்சனம்

லிங்க பைரவி புரடக்சன்ஸ் சார்பில் ரவிச்சாந்திரன் மற்றும் பசங்க புரடக்ஷன்ஸ் சார்பில் இயக்குனர் பாண்டிராஜ்  ஆகியோர் தயாரிக்க, 

ஜி வி பிரகாஷ், அர்த்தனா , யோகி பாபு, மன்சூர் அலிகான், கோவை சரளா, பருத்தி வீரன் சுஜாதா நடிப்பில் பாண்டிராஜ் வசனத்தில் ஜி வி பிரகாஷ் இசையில், 
 
கதை திரைக்கதை எழுதி வள்ளிகாந்த் இயக்கி இருக்கும் படம் செம . ரகளையா ? ரணகளமா ? பேசலாம் . 
 
காதலிக்கும் பெண்கள் , மற்றும் பெண் பார்க்கப் போகும் பெண்கள் உட்பட பலருக்கும் பிடிக்காத காரணத்தால் மகனுக்கு ( ஜி வி பிரகாஷ்) ,
 
கல்யாணம் ஆகவில்லை என்று வருந்தும் தாய் (பருத்தி வீரன் சுஜாதா) . மகனின் நண்பன் ஒருவன்  (யோகிபாபு). 
ஒரு நிலையில்,  கடன் வாங்கிக் கொண்டு டபாய்க்கும் பழக்கம் உள்ள ஒரு நபரின் ( மன்சூர் அலிகான்) மகளை (அர்த்தனா)பெண் பார்க்கப் போக , பெண்ணுக்கும் பையனுக்கும் பிடித்துப் போகிறது . 
 
இந்த நிலையில் அந்த பகுதி எம் எல் ஏ வின் மகன் , மணப்பெண்ணை திருமணம் செய்து கொள்ள விரும்ப, பணம் பார்த்து மனம் மாறுகிறார் பெண்ணின் அப்பா . 
 
ஆனால் பெண்ணுக்கும்  அவளது அம்மாவுக்கும் (கோவை சரளா)  இப்படி மாற்றிப் பேசுவது பிடிக்கவில்லை . 
 
நாயகன் சென்னை சென்று கோயம்பேடு மார்கெட்டில் கடை வைக்கிறான் . மகளுக்கு சென்னையில் வேலை கிடைத்து விட்டதாக சொல்லி, 
நாயகியை அழைத்துக் கொண்டு சென்னை போகும் பெண்ணின் அம்மா , கணவனுக்கு தெரியாமல் மகளுக்கும் நாயகனுக்கும் திருமணம் செய்து வைக்கிறார். 
 
உண்மை புரிந்து பெண்ணின் அப்பா சென்னை வருவதற்குள் குழந்தையும் பிறந்து விடுகிறது . 
 
விஷயம் தெரிந்த போது,  ‘எம் எல் ஏ சம்மந்தி ‘என்ற கனவில் இருந்த பெண்ணின் அப்பா,  என்ன செய்தார் என்பதே இந்தப் படம் . 
 
எஸ் .. அவ்வளவு புத்தம் புதுசான கதை! வித்தியாசமான காட்சிகள்னா பாத்துக்கங்களேன் .. கொடுமை! “பேசும்போது கிசுகிசுப்பான குரல் ல பேசாத டி ”
 
“ஏன் ?”
 
“ஒரு  மாதிரி மூடு ஏறுது “
 
— எனபது போன்ற ஓரிரு இடங்களில் பண்டிராஜின் வசனம் ‘உள்ளேன் அய்யா’ சொல்கிறது . 
 
ஜி வி பிரகாஷ் இசையில் சண்டாளி பாடல் முணுமுணுக்க வைக்கிறது . அதற்காக பின்னணி இசையில் அந்த மெட்டையே தீம் மியூசிக்காக ஓவராக போட்டு நிரப்புகிறார் . 
 
நாயகன் ஜி வி பிரகாஷ் வழக்கம் போல . கொண்டாடவும் குறை சொல்லவும் ஒன்றும் இல்லை . 
 
அர்த்தனா அழகு . 
 
யோகிபாபு பேசிக் கொண்டே இருக்கிறார் .  பத்துக்கு ஒண்ணு காமெடியாக இருக்கிறது. பருத்தி வீரன் சுஜாதா, மன்சூர் அலிகான் இருவரும் ஒகே . நாயகன் அம்மாவை நீட்டி முழக்கிப் பேசி வெறுபேற்றும் கேரக்டரில் நடித்துள்ள நடிகை ஆரம்பத்தில் கவர்கிறார் . போகப் போக கதற விடுகிறார் 
 
தமிழ் சினிமா சக்கையாக மென்று துப்பிய கதை . ஜி வி பிரகாஷை எதனால் எல்லா பெண்களும் வேண்டாம என்று சொல்கிறார்கள் என்பதற்கான காரணங்கள் போங்கு !
 
அம்மாவின் வேதனையாக ஆரம்பிக்கும் திரைக்கதை , இரண்டாம் பாதியில் அவரை ஜூனியர் ஆர்ட்டிஸ்ட் போல ஆக்கி விட்டு தறிகெட்டு ஓடுவது கொடுமை . விளைவு ? இரண்டு வெவ்வேறு படங்களின்  இரண்டு பகுதிகளை கொடூரமாகக் கோர்த்து விட்டது போல இருக்கிறது 
 
கோவை சரளாவின் அந்த காஞ்சனா மாடுலேஷன் சகிக்கல . 
 
செம …  மசமச…!
 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *