திட்டிவாசல் @ விமர்சனம்

நாசர், மகேந்திரன், தனு ஷெட்டி, வினோத் கின்னி, ஐஸ்வர்யா ஆகியோர் நடிப்பில் சீனிவாசப்பா ராவ் என்பவர் தயாரிப்பில், 

பிரதாப் முரளி என்பவர் இயக்கி இருக்கும் படம் திட்டிவாசல் .  திட்டிவாசல் என்றால் சிறை வாயில் என்று பொருளாம் . சரி திட்டாமல் பார்க்க முடியுமா? பேசுவோம் 

தமிழ்நாடு கேரளா எல்லையில் குமுளி பகுதியில் உள்ள  மலை கிராமம் முள்ளங்காடு . பழங்குடி மக்கள் வாழும் அந்த ஊரின் தலைவர் மூப்பன் (நாசர் )
 

முத்து (மகேந்திரன்) — செம்பருத்தி (தனு ஷெட்டி),  குமரன்( வினோத் கின்னி) – மானசா (ஐஸ்வர்யா) என்று இரண்டு காதல் ஜோடிகள் . இதில் மானசா மலையாளப் பெண் . 

 அந்தப் பகுதியைச் சேர்ந்த – வனத்துறை  அமைச்சரான கரியப்பா (சீனிவாசப்ப ராவ்)  அந்த மக்கள் வாழும் பகுதியை, 
 
மல்டிநேஷனல் கம்பெனி ஒன்றுக்கு விற்க முடிவு செய்து விலை பேசி விட்டு அந்த பகுதி மக்களை அங்கிருந்து அப்புறப்படுத்த முயல்கிறார் 
 அதற்காக , கலெக்டர் , வன அதிகாரி (சேரன் ராஜ்),  போலீஸ்காரர் இவர்களை வைத்து அதிகார துஷ்பிரயோகம் செய்கிறார் . 
 
மூப்பன் அடித்துக் கொல்லப்படுகிறார் . இளைஞர்கள் ஆயுதம் கடத்துபவர்கள் மாவோயிஸ்டுகள் என்று குற்றம் சாட்டப்பட்டு, 
 
தேசிய பாதுகாப்பு சட்டப்படி ஜெயிலில் அடைக்கப் படுகிறார்கள் . 
 
எஞ்சிய மக்களுக்கு அமைச்சரே உதவுவது போல நடித்து ஆந்திரா கல்குவாரிக்கு வேலைக்கு அனுப்புகிறார் . மலைக் கிராமம் காலி ஆகிறது . 
 
முத்து, குமரன் மற்றும்  சில , ஜெயிலில் அடைக்கப்பட்ட நண்பர்களுக்கு அங்கு இருக்கும் போராளி ஒருவர் ( அஜய் ரத்னம் ) உதவுகிறார் . 
 
நண்பர்கள் போராடுகிறர்கள் . 
 
கோபம் அடையும் அதிகார வர்க்கம் நண்பர்களில் ஒருவரை திட்டமிட்டு கொலை செய்கிறது . 
 
உள்ளே நடக்கும் கொடுமைகளை குமரன் எழுதி  செம்பருத்திக்கு கொடுத்து அனுப்புகிறான் . 
அதை அவள் கலெக்டர் அலுவலகம்  பத்திரிகைகள் அலுவலகங்களின் கவனத்துக்கு கொண்டு  போயும் பலனில்லாமல் போகிறது . 
ஒரு நிலையில் அவள் தீக்குளித்து , பிரச்னையின் மீது சமூக கவனத்தைக் குவிக்கிறாள் . 
இறந்தும் போகிறாள் 
 
விசாரணையின் போது கோர்ட்டில் போராளியின் உதவியோடு நண்பர்கள் அந்த கொலையை நாடகமாக நடித்துக் காட்ட , போலீஸ் அராஜகம் வெளிப்படுகிறது . 
 
அதிகார வர்க்க குற்றவாளிகளை கோர்ட் அடையாளம் காட்டுகிறது . நண்பர்கள் விடுவிக்கப் படுகிறார்கள் . 
 
அதே நேரம் சட்டத்தின் சந்து பொந்துகள் மூலம் அமைச்சர் , கலெக்டர் , மற்றும் வனத்துறை, காவல்துறை , சிறைத்துறை அதிகாரிகளும்  விடுதலையாக…..
 
அப்புறம் என்ன நடந்தது என்பதே திட்டி வாசல் . 
 
காடு வனம் பின்னணியில் ஒரு படம் . 
 
மூப்பனாக வாழ்கிறார் நாசர் . 
 

செம்பருத்தி காவலர்களால் சீரழிக்கப்பட்ட நிலையில் வரும் காதல் சோகப் பாடலும் எடுக்கப்பட்ட விதமும் அருமை . பாராட்டுகள் இயக்குனருக்கு ! 

 கோர்ட்டில் நாடகம போட்டு போலீஸ் அராஜகத்தை குற்றம் சாட்டப்பட்டவர்களே சொல்வது லாஜிக்கை லக லக செய்தாலும்,  வித்தியாசமான சிந்தனை! 
 
மரணச் சடங்குகள் உட்பட சிலவற்றில் பழங்குடியினரின் பழக்க வழக்கங்களை காட்டுவது பாராட்டுக்குரியது . 
 
செம்பருத்தியாக வரும் தனு ஷெட்டி பரிதாபத்தை சம்பாதிக்கிறார் .  மானசா ஒகே .   சிறு சிறு கதாபாத்திரத்துக்கும், 
 
பொருத்தமான நடிகர்களை போட்டு இயல்பு காக்கிறார் இயக்குனர் . 
 
மகேந்திரன் , வினோத் இருவரும் செயற்கையான நடிப்பு . என்றாலும் நடிப்பில் ரொம்ப சோதிப்பவர் அமைச்சராக வரும் தயாரிப்பாளர் சீனிவாசப்ப ராவ் தான் . 
 
தாங்க முடியல . தெரிஞ்சதை மட்டும் பண்ணலாமே சார். 
 

வனம் என்பது காட்சியின் பின்னணியில் இருக்கிறதே தவிர அழுத்தமாக அந்த உணர்வுக்கு ரசிகன்  ஆட்படும்படி ஒரு காட்சி கூட இல்லை . 

 எல்லா காட்சிகளும் எக்ஸ்ட்ரா நீளம் . 
 
பலபடங்களில் பார்த்து சலித்த விஷயங்கள் ! 
 
இன்னும் நல்ல திரைக்கதை, படமாக்கல் , நடிப்பு படத் தொகுப்பு , ஒளிப்பதிவு எல்லாம் இருந்திருந்தால் ரசிகன்  திட்டி வாசலை தட்டி இருப்பான் .

About Su Senthilkumaran

பெயர் : சு.செந்தில் குமரன்

புனைப் பெயர் : ராஜ திருமகன்

கல்வித் தகுதி : B.E. Mechanical

பிரசுரமான முதல் படைப்பு : கவிதை —

பெங்களூரில் நடந்த ‘பெரிய’ மாநாட்டில்
தேங்காய் எண்ணையில் சமைத்த உணவே
தேவை என்றாராம் ஜெயவர்த்தனே!
நல்ல வேளை…..
தமிழன் ரத்தம் கேட்கவில்லையே
(ஜூனியர் விகடன் )

பத்திரிக்கைப் பணி : விகடன் மாணவ நிருபர் திட்டம்

மிகச் சிறந்த நிருபர் (outstanding reporter) விருது

விகடன் குழும இதழ்களின் சிறப்பு நிருபர் (பல ஆண்டுகள்)

விளம்பர முகவர் —ஏற்றுமதி உலகம் இதழ் (ஒரு ஆண்டு)

கட்டுரைப் பகுதி பொறுப்பாசிரியர் –மாலை முரசு குழும இதழ்கள் (பல ஆண்டு)

சினிமா பகுதி ஆசிரியர் (தின மதி நாளிதழ்)

நிருபர் (குமுதம்) உதவி ஆசிரியர் (குமுதம் ரிப்போர்ட்டர்)

பொறுப்பாசிரியர் (குமுதம் ஹெல்த்)

சினிமா பகுதி ஆசிரியர் (தின இதழ் நாளிதழ் )

தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி )

நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி )

நடுவர் (ஜெயா டிவி டாக்குமெண்டரி விருது )

திரைப் படைப்பாளியாக : உதவி மற்றும் இணை இயக்குனர் –ஆர்.வி. உதயகுமார் (பல படங்கள்)

நடிகர் — முழு நீள கதாபாத்திரம் — அஜந்தா (தமிழ் , தெலுங்கு )

— நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக)

— கஸ்தூரி , இளவரசி தொலைக்காட்சித் தொடர்கள்

பாடலாசிரியர் — அஜந்தா (இளையராஜா), அடாவடி (தேவா),

முத்துக் குமரனின் காதல் (நவநீத் ) வெண்மேகம் (ஜாபர் )

அடுத்த கட்டம் : திரைப்பட இயக்கம் /நடிப்பு / எழுத்து

தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *