வாய்ப்புகளை பயன்படுத்திக் கொள்ள வேண்டும். அது முடியாத போது வாய்ப்புகளை உருவாக்கிக் கொள்ள வேண்டும்.
இரண்டாவது ரூட்டில் தனது கேரியர் காரை இப்போது திருப்பி இருக்கிறார் நடிகர் ஸ்ரீகாந்த் . தனது மனைவி வந்தனா ஸ்ரீகாந்தின் தயாரிப்பில் கோல்டன் பிரைடே (தங்க வெள்ளிக் கிழமை ) என்ற நிறுவனத்தின் பெயரில் (வாவ்! வாட் எ நேம்!)தயாரிப்பாளராகி அவர் நடித்து இருக்கும் படம் நம்பியார் .
ஒவ்வொரு மனிதனுக்குள்ளும் எம்ஜிஆர் என்ற நல்லவனும் உண்டு . (சினிமாவில் வருகிற) நம்பியார் என்ற கெட்டவனும் உண்டு .நிறைய பேரு வெளிய எம்ஜிஆரா காட்டிக்குவாங்க. ஆனா உள்ளுக்குள் நம்பியாரா இருப்பாங்க. ஆனால் தனக்குள் இருக்கும் அந்த நமபியாரை ஜெயித்து எம்ஜிஆரை வளர்த்தால் ஒரு மனிதன் முன்னேற முடியும்’ என்ற கருத்தியலில் போகும் இந்தப் படத்தில் ஸ்ரீகாந்தின் பெயரே ராமச்சந்திரன்தான். ஸ்ரீகாந்துக்குள் இருக்கும் நம்பியார் (குணம் ) வெளிப்படும்போது அதற்கு ஒரு உருவம் கொடுத்து (எஸ் ஜே சூர்யாவின் அ ஆ படப் பாணியில்? ) உலவ விட , அந்த உருவமாக வருபவர்தான் சந்தானம் . கதாநாயகி சுனைனா (மெயிண்டனன்ஸ் சூப்பர் சுனை)
படத்தில் நட்புக்காக ஒரு கெஸ்ட் ரோலில் நடித்துக் கொடுத்து இருக்கிறார் ஆர்யா
இப்படி ஒரு சிறப்பான ஐடியாவுடன் இந்தப் படத்தை எழுதி இயக்கி இருக்கும் இந்தப் படத்தின் இயக்குனர் கணேஷ் ஷா தமிழில் விக்ரமன் தெலுங்கில் ராஜ மவுலி ஆகியோரிடம் பணியாற்றியவர்.
படத்தின் விஜய் ஆண்டனியின் இசையில் ஒரு ஸ்லோ பீட் குத்துப் பாடலை பாடியும் இருக்கிறார் சந்தானம் . அதாவது ஸ்ரீகாந்துக்குள் இருக்கும் நம்பியார் பாடுவது போன்ற அந்தப் பாடல் அது. (பொதுவா ஒகே தான் . ஆனால் ராகம் இழுக்கும்போதோ அல்லது உச்சஸ்தாயில் பாடும்போதோதான் , வேகமா வர்ற கண்டெய்னர் கவிழ்ந்து ரோட்டை தேய்ச்சுகிட்டு போறமாதிரி இருக்கு சந்து .ஆனாலும் நீங்க பாடறீங்க என்பது சுவாரஸ்யமான விஷயம்தான்).
படத்தின் பாடல் வெளியீட்டு விழாவில் சரத்குமார் , சூர்யா , ஆர்யா, ஜீவா, ஷாம் , பார்த்திபன் , சமுத்ரகனி , நமீதா என்று அமெரிக்கன் எம்பசி அப்ளிகேஷன் கியூ மாதிரி நீண்ட வரிசை . இந்தப் படத்தின் ஆடியோ பிறந்த அதே நாள்தான் வந்தனா ரிலீஸ் ஆன நாள் என்பதால் அவருக்கு தயாரிப்பாளருக்கான பாராட்டுக்களோடு பிறந்த நாள் வாழ்த்துகளும் நிறைய கிடைத்தன . அவர்களில் முக்கியமானவர் வந்தானாவின் தம்பியான சுப்ரீம் ஸ்டார் சரத்குமார் (அப்படிதாங்க அவரு சொல்லிக்கிட்டாரு)
பவர்ஸ்டார் பேச எழுந்தபோது எழுந்த கைதட்டலை ஆச்சர்யப் புன்னகையோடு கவனித்தார் சூர்யா . நான் உண்மையிலேயே பவர் ஸ்டாரின் ரசிகன் ” என்று ஷாம் பேசியபோது அந்த புன்னகை ஆச்சர்யம் பார்வையாளர்கள் பக்கமும் தொற்றியது . நமீதா ஸ்ரீகாந்தை மச்சான் என்று சொன்னபோது தன் மனைவியை திரும்பிப் பார்த்து அதிர்ச்சி சந்தோசம் காட்டினார் ஸ்ரீகாந்த்
“சில பேரு வாழ்க்கையில சில பொண்ணுங்க வந்தனா போனனான்னு இருப்பாங்க . ஆனா ஸ்ரீகாந்த் மனைவி வந்தனா அப்படி இல்லாம அவரை வைத்து தனது குடும்பத்தினர் உதவியோடு படம் தயாரித்துக் கொடுத்தும் உதவுவது பெரிய விஷயம் ” என்றார் பார்த்திபன்
சூர்யா பேசும்போது ” ரோஜாக்கூட்டம் வெளியான போது ஒரு பத்திர்க்கைக்கு ஸ்ரீகாந்த கொடுத்திருந்த பேட்டியில் நீ குப்பை கூட்டுபவனாக இருந்தாலும் சிறந்த குப்பைக் கூட்டுபவனாக நீதான் இருக்க வேண்டும் ‘ என்று அறிவுரை சொன்னதாக கூறி இருந்தார் . அந்த அறிவுரையை நானும் எடுத்துக் கொண்டேன் ” என்றார்.
படத்தின் போஸ்டரில் எம்ஜிஆர் சிலையின் பின்னால் நம்பியார்களான ஸ்ரீகாந்த் , சந்தானம் இருவரும் ஒளிந்து கொண்டிருக்கும் காட்சி பலரின் கவனத்தையும் கவர்கிறது . வந்தனா-
ஸ்ரீகாந்த் தயாரிக்கும் இந்தப் படமும் மித்திரன் ஜவஹரின் இயக்கத்தில் அவர்கள் உருவாக்க இருக்கும் அடுத்த படமும் .. இரண்டும் ஜெயிக்கட்டும் .
