மீண்டு(ம்) வருகிறார் இயக்குனர் சேரன் .
அன்று காதலின் ஆட்டோகிராப் தந்தவர் இன்று ‘திருமணம்’ ( என்ற படத்தை) தருகிறார் – ‘சில திருத்தங்களுடன்’ என்ற துணைத் தலைப்போடு !
சுயமான திருத்தம்தானே வெற்றிகரமான வாழ்க்கைக்கு பொருத்தம் .
PRENISS INTERNATIONAL (OPC) PRIVATE LIMITED சார்பில் பிரேம்நாத் சிதம்பரம் தயாரிக்கிறார் . ” சேரன் போன்ற நல்ல இயக்குனர்கள் சும்மா இருப்பதில்
எனக்கு உடன்பாடு இல்லை . எனவே நானே அவரை சந்தித்து பேசி படம் கொடுத்தேன்.”– என்கிறார் இந்த உயர்ந்த மனிதர் – மற்றும் கலை ரசிகர் .
அதுவும் படத்தின் பத்திரிகையாளர் சந்திப்பில் பேசிய இயக்குனர் சேரன் , ” இந்தப் படத்தை தயாரித்தது மட்டுமல்ல ..
எனது முந்தைய பொருளாதாரப் பிரச்னைகள் சிக்கல்கள் அனைத்தையும் தீர்த்து வைத்து விட்டு , நீங்கள் எந்த குழப்பமும் இல்லாமல் படம் எடுங்கள்
என்று பிரேம்நாத் சிதம்பரம் சார் சொன்னார் ” என்று நெகிழ்வோடு கண் கலங்கி சொல்லி விட்டு ,பிரேம்நாத் சிதம்பரத்தை பார்த்து வணங்கியபோதுதான் , இருவரின் பண்பின் உயரமும் புரிந்தது
தமிழ் சினிமாவுக்கு புது ரத்தம் பாய்ச்சி இருக்கிறீர்கள் பிரேம்நாத் சிதம்பரம் சார் . நன்றியும் வாழ்த்துகளும்
இந்த சிறந்த தயாரிப்பாளரையும் சேரனையும் சேர்த்து வைத்தவர் சினிமாவில் நீண்ட அனுபவம் பெற்ற,
வெள்ளை சேது . PRENISS INTERNATIONAL (OPC) PRIVATE LIMITED நிறுவனத்தின் CEO நல்ல காரியம் செய்து இருக்கிறீர்கள் சார் . உங்களுக்கு மனமார்ந்த நன்றி . இது போல
இன்னும் பல நற்பணிகள் நீங்கள் செய்ய வேண்டி இருக்கிறது . அதற்காக வணக்கங்கள் . வாழ்த்துகள் .
இன்று காலம் மறந்து விட்ட கலைப் பூர்வமான அழகிய வண்ணங்கள் மற்றும் கலை வடிவங்களுடன் கூடிய திருமண பத்திரிக்கை உள்ளிட்ட
பல கவின்மிகு விஷயங்கள் விரிந்த – திருமணம் படம் பற்றிய காட்சித் தொகுப்பு கண்களையும் மனசையும் கட்டிப்பிடித்து கானம் பாடிக் காதலிக்க வைத்தது .
அருமை.சிறப்பு நேர்த்தி .
விஜய்சேதுபதி சிறப்பு விருந்தினராகக் கலந்து கொண்டு சேரனை வாழ்த்தினார்
விஜய்சேதுபதி சிறப்பு விருந்தினராகக் கலந்து கொண்டு சேரனை வாழ்த்தினார் படத்தில் முக்கிய கதாபாத்திரத்தில் நடித்து இருக்கும் தம்பி ராமையா உள்ளிட்ட கலைஞர்கள் மற்றும் தொழில் நுட்பக் கலைஞர்கள்
சேரனின் மறு வரவையும் தயாரிப்பாளர்களின் அன்பான குணத்தையும் பாராட்டிப் பேசினார்கள் ” எனக்கு மட்டும் அல்லாமல் என் மகனும்
வளர்ந்து வரும் நடிகனுமான உமாபதிக்கு முக்கியக் கதாபாத்திரம் கொடுத்து இருக்கிறார் . அதற்காக நன்றி .அவரது படங்கள் சொல்லும் அவரது அவசியத்தை . அவர் இன்னும் நிறைய படங்கள் செய்ய வேண்டும் ” என்றார் .
சமுத்திரக் கனி வந்திருந்து வாழ்த்தினார் . சேரன் மேல் தனக்கு உள்ள அன்பையும் மரியாதையையும் சொன்னார் .
படத்தின் ஒளிப்பதிவாளர் ராஜேஷ் யாதவை சீராட்டி … அப்புறம் பாராட்டி பேசினார் . விஜய் சேதுபதியை நின்னு நடிக்கும் நடிகன் என்று பாராட்டினார் வெள்ளை சேது பேசுகையில் , ” நல்ல படம் தயாரிக்க வேண்டும் என்று தயாரிப்பாளர் விரும்பியபோது எனக்கு சேரன் ஞாபகம் வந்தார் .
போய் பேசினோம் . நல்ல விஷயங்கள் நடந்தது . படம் நன்றாக வந்துள்ளது . விரைவில் இசை வெளியீட்டு விழா நடக்கும். விஜய் சேதுபதிக்கு நன்றி ” என்றார் தயாரிப்பாளர் பிரேம்நாத் சிதம்பரம் ” இந்த நிகழ்ச்சிக்கு வந்திருந்து வாழ்த்தும் விஜய் சேதுபதி சாருக்கு நன்றி . மிகச் சிறந்த நடிகர் அவர் .
சேரன் போன்ற நல்ல இயக்குனர்கள் சும்மா இருப்பதில் எனக்கு உடன்பாடு இல்லை . எனவே நானே அவரை சந்தித்து பேசி படம் கொடுத்தேன்.
படம் நன்றாக வந்துள்ளது . அனைவர்க்கும் பிடிக்கும் படமாக அமைந்து உள்ளது . தொடர்ந்து நிறைய படங்கள் தயாரிக்கும் திட்ட்டத்தில் இருக்கிறோம் ” என்றார் சேரன் தன் பேச்சில் , ” நீண்ட இடைவேளைக்குப் பிறகு .. ஒரு இடைவேளைக்கு பிறகு .. என்ற வார்த்தைகளில் எல்லாம் எனக்கு உடன்பாடு இல்லை .
நான் சினிமாவில் இருந்தேன் . சினிமாவுக்காக C2H துவங்கினேன் . அதில் பல கஷ்டங்களை பார்த்தேன்.
அதே நேரம் அதனால் நிறைய மனிதர்கள் கிடைத்தார்கள் . அவர்களிடம் எல்லாம் பேசினால் எவ்வளவோ கதைகள் . எல்லாவற்றையும் சேமித்தேன் .
அடுத்த பத்து வருடத்துக்கான தயாரிப்போடு இப்போது இயங்குகிறேன் . என்னை இப்படி எழுந்து நடக்க வைத்ததயாரிப்பாளர் பிரேம்நாத் சிதம்பரம், மற்றும் வெள்ளை சேது இருவரையும் என்றும் மறக்க மாட்டேன்.
விஜய் சேதுபதியின் அன்பை என்னென்று சொல்வது . எனக்காக இங்கு வந்த அவருக்கு நன்றி . விரைவில் அவரோடு இணைந்து படம் செய்வேன் “என்றான் .
விஜய் சேதுபதி தனது பேச்சில் , ” சேரன் ஒரு மிகச் சிறந்த படைப்பாளி . அவருடைய படங்கள் காலத்தால் மறக்க முடியாத படங்கள் .அவர் மீண்டும் வந்திருப்பது நல்ல விஷயம் . தயாரிப்பாளர்களுக்கு வாழ்த்துகள் ” என்றார்
பத்திரிக்கையாளர் சந்திப்பு நடந்த தினம் சேரனின் பிறந்த நாள் என்பதால் அவரது பிறந்த நாளும் கொண்டாடப்பட்டது .
