சங்கர் மூவீஸ் இண்டர்நேஷனல் பட நிறுவனம் சார்பாக ஜோசப் பேபி தயாரிக்க, அங்காடிதெரு மகேஷ் நாயகனாக நடிக்க,
நாயகியாக ஷாலு நடிக்க, முக்கிய வேடத்தில் விஜய் டிவி.கோகுல் , அவருக்கு தங்கையாக நிஷா,
இவர்களுடன் ஆடுகளம் நரேன், மனோபாலா, அஞ்சலி அம்மா,அம்பானி சங்கர், தியா, தென்னவன்,வையாபுரி, ஆகியோர் நடிக்க,
ராமகிருஷ்ணன் நடித்துள்ள டீக்கடை பெஞ்ச் படத்தை இயக்கிய ராம்சேவா கதை, திரைக்கதை, வசனம் எழுதி இயக்கும் படம் “ என் காதலி சீன் போடுறா “
ஒளிப்பதிவு – வெங்கட்
இசை – அம்ரிஷ்
பாடல்கள் – ராம்ஷேவா, ஏகாதசி
கலை – சோலைஅன்பு
நடனம் – சிவாலாரன்ஸ், சாண்டி
ஸ்டன்ட் – மிரட்டல் செல்வா
எடிட்டிங் – மாரிஸ்
தயாரிப்பு மேற்பார்வை – தண்டபாணி
தயாரிப்பு – ஜோசப் பேபி.
23 நாட்களில் மொத்த படத்தையும் எடுத்து முடித்துள்ளார்கள் . படத்தின் பாடல் வெளியீட்டு விழாவில்
முன்னோட்டம் மற்றும் பாடல்களை பார்த்தபோது ஆச்சர்யமாக இருந்தது .
நல்ல ஒளிப்பதிவு. தரமான படமாக்கல் . நல்ல நடிப்பு , சண்டை பாடல் காட்சிகள் ! அம்ரேஷ் இசையில் பாடல்கள் அருமை
23 நாட்களில் இவ்வளவு சிறப்பாக எடுக்க முடியுமா என்று ஆச்சர்யமாக இருந்தது .
விழாவில் பேசிய அம்மா கிரியேசன்ஸ் டி .சிவா , ” படத்தின் தயாரிப்பாளர் ஜோசப் பேபி எல்லோருக்கும்
முழு சம்பளத்தையும் முன்பே கொடுத்து படப்பிடிப்பை ஆரம்பித்தார் ” என்று பாராட்டினார் .
கே. பாக்யராஜ் தனது பேச்சில் , ” இவ்வளவு குறைவான நாட்களில் இவ்வளவு சிறப்பாக
படத்தை எடுத்து இருக்கும் இயக்குனர் ராம் சேவா பாராட்டுக்குரியவர் ” என்றார் .
“படத்தின் பாடல்களில் எனக்கு முழு திருப்தி ” என்றார் இசை அமைப்பாளர் அம்ரேஷ் ” சார்லி சாப்ளின் படத்தில் செந்தில் கணேஷ் ராஜ லட்சுமியை
பாட வைத்தது போலவே இந்தப் படத்திலும் ஒரு பாடல் பாட வைத்துளேன் . மிக நன்றாக வந்துள்ளது ” என்றார்
இயக்குனர் ராம்சேவா பேசும்போது, “ஒரு உண்மை சம்பவத்தை அடிப்படையாக கொண்டு
முழுக்க முழுக்க காமெடியாக உருவாக்கி உள்ளோம். நாம் எப்பொழுதும் சந்தோஷமாக வாழ வேண்டும்…
சந்தோஷமா வாழ்கிற அதே நேரத்தில் ஜாக்கிரதையாகவும் இருக்க வேண்டும்.
அப்படி ஜாக்கிரதையாக இல்லா விட்டால் ஏற்படுகின்ற பிரச்சனைகள் நம் வாழ்க்கையையே மாற்றிப் போட்டு விடும்
என்கிற கருத்தை உள்ளடக்கிய படம் தான் இது. இதை காமெடியாக வும் கமர்ஷியலாகவும் சொல்லி இருக்கிறோம்.
மனோபாலா காமெடியில் கலக்கி இருக்கிறார்.
நான்கு பாடல்களும் வெவ்வேறு விதமாக கொடுத்திருக்கிறார் இசைமைப்பாளர் அம்ரிஷ்.
சின்னமச்சான் பாடலை தொடர்ந்து செந்தில்கணேஷ் – ராஜலக்ஷ்மி இருவரும் இந்த படத்திலும் ஒரு பாடலை பாடி இருக்கிறார்கள்.
“ நிலா கல்லுல செதுக்கிய சிலையா “ என்று துவங்கும் அந்த பாடல் மிகப் பெரிய ஹிட்டாகும் என்பதில் எந்த ஒரு ஐயமும் இல்லை.
வெறும் 23 நாட்களில் படப்பிடிப்பு முழுவதையும் முடித்துவிட்டோம். அதற்கு பக்க பலமாக இருந்த
என்னுடைய ஒளிப்பதிவாளர் வெங்கட்மற்றும் படக்குழு அனைவருக்கும் என் நன்றியை தெரிவித்துக்கொள்கிறேன்.
படப்பிடிப்பு புதுச்சேரி மற்றும் சென்னையில் நடைபெற்றது. படம் விரைவில் திரைக்கு வர உள்ளது” என்றார்
