ஹீரோவும் வில்லனுமாக ஃபேஸ் புக்

FB - Statushae Podu Chat Pannu Press Meet Stills (13)

எஸ் எஸ் வி எஸ் எஸ் எஸ் கே புரடக்ஷன்ஸ் சார்பில் (எழுத்துப் பிழை எதுவும் இல்லை) ஆர்.செல்வம் தயாரிக்க…

 சுரேஷ் ஷர்மா , அதிதி ஆச்சார்யா, தேவிகா, ஸ்ருதி  ஆகிய புது முகங்களோடு டெல்லி கணேஷ், சுவாமி நாதன், மீரா கிருஷ்ணன் , சாம்ஸ், பாலாஜி ஆகியோர் நடிக்க, ஆர்.செந்தில் நாடன் இயக்கும் படம் ‘ fb –  ஸ்டேட்டஸ போடு சாட் பண்ணு’.

இந்த செந்தில் நாடன் இதற்கு முன்பு சிவி என்ற படத்தை இயக்கியவர் . சிவி என்பது பரமசிவன் கழுத்தில் உள்ள பாம்பை குறிக்கும் சொல் .

fb என்று இவர்கள் சொல்வது ஃபேஸ்புக்கைதான் .

முகநூலை வைத்து எவ்வளவோ கதைகள் பண்ணலாமே.  இது என்ன கதை ?

“நாகரீகம் வளர வளர விஞ்ஞானமும் வளர்கிறது . நாகரிகமும் விஞ்ஞானமும் நவ நாகரிகத்தை நோக்கி வேகமாக வளரும் போது பிரச்னைகளும் அதிகம் ஆகின்றன. ” என்று பீடிகை விளக்கம் தரும் இயக்குனர் செந்தில் நாடன்….

FB - Statushae Podu Chat Pannu Press Meet Stills (21)

தொடர்ந்து “அப்படி ஒரு விசயத்தைதான் எங்கள் படமும் பேசுகிறது . இந்தப் படத்தைப் பொறுத்தவரை ஹீரோவும் ஃபேஸ்புக்தான். வில்லனும் ஃபேஸ்புக்தான். ஃபேஸ்புக்கில் புரஃபைலும் ஸ்டேட்டஸும் போடுகிறவர்களில் எத்தனை பேர் உண்மையை சொல்கின்றனர்?

அப்படி தவறான ஸ்டேட்டஸ் மற்றும் தகவல்கள் மூலம் அறிமுகமாகும் ஒருவர் அதே பொய்களோடு இன்னொருவரிடம் பழக , அவர்களும் அதை நம்ப ஆரம்பிப்பதால் என்னென்ன பிரச்னை வரும் ?

அப்படி நம்பியவர்களுக்கு உண்மை தெரிய வரும்போது என்ன ஆகும் என்பததைப்  பேசும் படம் இது.

ஃபேஸ்புக்கை அடிப்படையாகக்  கொண்ட களத்தில் எல்லோருக்கும் புரியும் ஒரு கதையைச் சொல்லி இருக்கிறேன் .

படத்தில் நடிகர் ரகுமான் ஒரு வித்தியாசமான சைக்யாட்ரிஸ்ட் கேரக்டரில் நடித்து இருக்கிறார் . ஆரம்பத்தில் அந்தக் கேரக்டருக்கு வேறு சில நடிகர்களை அணுகியபோது அவர்கள் அதில் நடிக்கத் தயங்கினர் . கதையை மாற்றச் சொன்னார்கள் .

FB - Statushae Podu Chat Pannu Press Meet Stills (14)

ஆனால் சொன்ன கதையை அப்படியே ஏற்றுக் கொண்டு சிறப்பாக நடித்து இருக்கிறார் ரகுமான் ” என்கிறார் இயக்குனர் .

”படத்தில் நிறைய ஹீரோக்கள் ஹீரோயின்கள் இருக்கிறார்கள் போல இருக்கிறதே?” என்று கேட்டால்                        ” இவர்கள் எல்லோருமே முக்கியக் கேரக்டர்கள்தான் . ஆனால் படத்தின் ஹீரோ , வில்லன் இரண்டுமே ஃபேஸ்புக்தான் ” என்றே பதில் வருகிறது

கமென்ட் அடிக்கிற மாதிரி இல்லாம லைக் பண்ற மாதிரி இருக்குமா ?

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →