ஜெயிலர் @ விமர்சனம்

சன் பிக்சர்ஸ் சார்பில் கலாநிதி மாறன் தயாரிக்க, ரஜினிகாந்த், ரம்யா கிருஷ்ணன், வசந்த் ரவி, விநாயகன், ஜாக்கி ஷெராஃப், மோகன் லால், சிவராஜ் குமார், சுனில்,  தமன்னா நடிப்பில் நெல்சன் இயக்கி இருக்கும் படம். 

ஓர் இளம் போலீஸ் இன்ஸ்பெக்டர் (வசந்த் ரவி) சிலை கடத்தும் கும்பலின் ஆள் ஒருவனை ( சரவணன்) வளைக்க, அதன் விளைவாக கும்பலின் தலைவன் ( விநாயகன்) அவரைத் தூக்கி விட, அது போதாதென்று அவனது குடும்பத்தையும் கொல்ல முயல 

அவனது தந்தையான முன்னாள் ஜெயிலர் ( ரஜினி காந்த்), தனது  மனைவி ( ரம்யா கிருஷ்ணன்) , மருமகள், பேரன் ( ரித்விக் ) ஆகியோரின் உயிரைக் காக்க போராட, அதன் ஒரு பகுதியாக

அவருக்கு ஒரு  வேலை கொடுக்கப்பட, அதை நிறைவேற்ற இந்தியாவின் பல பகுதிகளிலும் இப்போது  பலமாக இருக்கிற- ஒரு காலத்தில் ஜெயிலரால் திருத்தப்பட்ட நபர்கள் (ஜாக்கி ஷெராப், சிவராஜ் குமார், மோகன் லால் ) உதவ, கடைசியில் வளர்த்த கடாவே மார்பில் பாய்ந்தபோது,  என்ன நடந்தது என்பதே படம்

கிளைமாக்சில் பழைய பாணியில் தீக்குச்சி மீது தீப்பெட்டியை உரசி , தீப்பெட்டியை தூக்கிப் போடும் காட்சியில் ரஜினிகாந்த் தெரிகிறார் . 

விநாயகன் கொஞ்சம் ஓவர் ஆக்டிங் என்றாலும் தேர்ந்த நடிப்பு 

தமன்னா ஆட்டம்  துள்ளல் 

சுனில், ரெடின் கிங்ஸ்லி ஆங்காங்கே சிரிக்க வைக்கிறார்கள். 

படத்தில் பாடல்கள் எல்லாம் கொத்து பரோட்டா.  பின்னணி இசை சத்தம் அதிகம். ஆனால் இசை ஒகே . 

விஜய் கார்த்திக் கண்ணனின் ஒளிப்பதிவு சிறப்பு

பொதுவாக சினிமா படங்களில் கொரியர் கொடுக்க வரும் நபர், கதாநாயகி கோபமாக கோவித்துக் கொண்டு ஏறும் ஆட்டோவை ஓட்டும் நபர், காதலன் காதலி  பாடி ஆடும் போது ஐஸ்வண்டி தள்ளும் ஆள் போன்ற வேலைகளுக்கு எல்லாம் ( கவனிக்கவும் நடிப்பு அல்ல . வேலை) அசிஸ்டன்ட் புரொடக்ஷன் மேனேஜரையோ அக்கவுண்ட் பார்ப்பவரையோ அவசர அவசரமாக அரைகுறையாக  பவுடர் பூசி கேமரா முன்பு நிற்கச் சொல்வார்கள் . 

அவர்களுக்குப் பதிலாக ஜாக்கி ஷெராஃப், சிவராஜ் குமார் , மோகன்லால் போன்றோர் நடித்துள்ளனர் . அஞ்சாம் வகுப்பில் நடக்கும் FANCY DRESS COMPETTITION-இல் அக்கம் பக்க  மாநில ஹீரோக்களை பார்க்கிறோம் . PAN INDIA படம் !

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *