ராமையா சினி கிரியேஷன்ஸ் சார்பில் ஓசூர் ராமையா என்பவர் தயாரிக்க , ஹரிகுமார் ஆயிஷா அசிம் , சுதர்ஷன் ராஜ் , மம்தா ஆகியோர் நடிப்பில்,
ஷாமி திருமலை இயக்கி இருக்கும் படம் காதல் அகதி . பகுதி அகதியா? மிகுதியும் அகதியா ? பார்க்கலாம் .
மாநகரின் முக்கிய காய்கறி மார்க்கெட்டில் கடை வைத்து இருக்கிற — நேர்மையும் வீரமும் நிறைந்த ஒருவனை (ஹரி குமார்) , காதலிக்கிறாள் ஒரு பெண் (ஆயிஷா ) .
அந்தப் பெண்ணின் மாமா மகன் (சுதர்ஷன் ராஜ்) இயக்குனராக ஆசைப்பட்டு சென்னைக்கு வருகிறான் . தன்னை காதலிக்கும் பெண்ணுக்காக அவனுக்கு தனது கடையில் வேலை தருகிறான் நாயகன் .
தொழில் எதிரிகளால் நாயகனுக்கு ஏற்பட இருந்த ஆபத்தில் இருந்து அவனை காப்பாற்றுகிறான் இந்த சினிமா கனவு இளைஞன். ஒரு வழியாக இளைஞன் சினிமாவில் பணியாற்றவும் துவங்குகிறான் .
நாயகனுக்கும் நாயகிக்கும் கனியும் காதல் கல்யாணத்தில் முடிகிறது . அன்றைய இரவில் மீண்டும் வரும் தொழில் எதிரிகள் நாயகனை அடித்த அடியில்,
அவனுக்கு மன நிலை பாதிக்கப்படுகிறது .எனினும் அவன் மூலம் அவள் தாயாகிறாள் .
எட்டு வருடம் கழித்து ஓரளவு குணமாகும் நாயகன் , தன் மகளைப் பார்த்து , அது தன் மனைவிக்கும் அவளது மாமன் மகனுக்கும் பிறந்த குழ்நதை என்று எண்ணி உச்ச பட்ச மூர்க்கத்தனத்தோடு மூவரையும் தாக்க, ,
அப்புறம் என்ன நடந்தது என்பதே இந்த காதல் அகதி .
மன நிலை பாதிக்கப்பட்டவனாக தன்னளவில் முடிந்த வரையில் நடித்து இருக்கிறார் ஹரி குமார் .
ஆயிஷா அவரால் முடிந்த அளவுக்கு உற்சாகமாக நடிக்கிறார் .
பாண்டிய ராஜன் , சிங்க முத்து , பிளாக் பாண்டி லொள்ளு சபா மனோகர் என்று பல காமெடி நடிகர்கள் படத்தில் வந்து போகிறார்கள் .
ஃபரான் ரோஷன் இசையில் அமைந்த பாடல் காட்சிகளை ரசித்து எடுத்துள்ளனர் .
கதை, திரைக்கதை, வசனம் ,படமாக்கல் , இயக்கம் என்று எல்லாவகையிலும் இன்னும் நேர்த்தி தேவைப்படும் படம்
