கே ஜி எஃ ப் 2 @விமர்சனம்

ஹோம்பாலே பிலிம்ஸ் சார்பில் விஜய் கிரகந்தூர் தயாரிக்க, யஷ், ஸ்ரீநிதி ஷெட்டி, சஞ்சய் தத், ரவீணா டாண்டன், அனந்த நாக், ராமச் சந்திர ராஜு, பிரகாஷ் ராஜ், ராவ் ரமேஷ், ஜான் கொக்கன், அச்யுத் குமார் , நாக பரணா நடிப்பில் பிரஷாந்த் நீல் இயக்கி இருக்கும் படம் . 

மும்பையில் இருந்து கர்நாடகா வந்து கே ஜி எஃப் பைக் கைப்பற்றிய ராக்கி ( யஷ்) அங்குள்ள தொழிலாளர்களின் அன்புக்குப் பாத்திரமாக, மீண்டும் அதைக் கைப்பற்ற நினைக்கும் பழைய எதிரிகள், அவர்களின் வழியே வரும் புதிய எதிரிகள், பின்னணியில் இருக்கும் அரசியல் எதிரிகள் எல்லோரும் ராக்கியை குறிவைக்க, இதற்கிடையே ராக்கி வலுக்கட்டாயமாகத் தூக்கி வந்த பெண் கமர்ஷியல் சினிமா விதிகளின்படி அவரை காதலிக்க , என்ன நடந்தது என்பதே இந்த கே ஜி எஃ ப் 2. .ராக்கியின் சிலை ஒன்று அகழ்வாராய்ச்சியில் கிடைக்க ,  அவனது வரலாறை புத்தகமாக எழுதியவர்  மரணப்படுக்கையில் கிடக்க,அந்த நோயாளியின் மகன் (பிரகாஷ் ராஜ்) கதையை சொல்ல , அரசு அதிகாரி (மாளவிகா) கேட்க , கதை விரிகிறது.

 கதையை விடுங்க கழுதை . அதைப் பத்தி இப்ப யாருமே கவலைப்படுவதில்லை . ஆனால் மேக்கிங்கில் சும்மா மிரட்டுகிறார்கள். அதுதான் படத்தின் பெரும்பலம். 
தோற்றம், ஸ்டைல் , சண்டைக் காட்சிகள் அனைத்திலும் அசத்துகிறார் யஷ் . பிரம்மாதமான முன்னெடுப்பு. 

பிரம்மாண்டம்… அசத்தல் லொக்கேஷன்கள் ..  சிறப்பான சிஜிக்கள், அட்டகாசமான கலை இயக்கம், உடைகள், அந்த எல்டராடோ ஃபீலிங் , கூட்டம் கூட்டமாய் ஆட்கள், எங்கெங்கும் நிறைந்து இருக்கும் புழுதி மணல், என்று வாய் பிளக்க வைக்கிறார்கள் . 

அட்டகாசமாக இயக்கி இருக்கிறார் பிரஷாந்த் நீல்.  பிரம்மிக்க வைக்கும் ஆற்றல். 
புவன் கவுடாவின் ஒளிப்பதிவு லோக்கேஷன்களை சும்மா  வெறிப் பசி கொண்ட ராட்சஷி போல அள்ளிச் சாப்பிடுகிறது . 

ரவி பர்சூரின் இசையும் ஒலி வடிவமைப்பும் காதுகளைப் புண்ணாக்கினாலும் கம்பீரம் காட்டவும் தவறவில்லை.  உஜ்வல் குல்கர்னியின் படத் தொகுப்பு ஆக்ஷன் காட்சிகளிலும் , கூட்டம் நிறைந்து இருக்கும் காட்சிகளிலும் வித்தை காட்டி இருக்கிறது. 

படத்தில் ஒரு ஹீரோ யஷ் என்றால் , இன்னொரு ஹீரோ அன்பறிவின் சண்டை இயக்கம் . அன்பறிவ் இல்லாமல் இந்தப் படத்தை யோசித்துக் கூடப் பார்க்க முடியாது . கிரேட் அன்பறிவு . 
ஸ்ரீநிதி ஷெட்டி ஓகே .

சஞ்சய் தத் ஷோலே அம்ஜத்கானை நினைவுக்குக் கொண்டு வருகிறார் . டெர்ரர் நடிப்பு. 
ரவீணா டாண்டன், அனந்த நாக், ராமச் சந்திர ராஜு, பிரகாஷ் ராஜ், ராவ் ரமேஷ், ஜான் கொக்கன், அச்யுத் குமார் , நாக பரணா   எல்லோருமே நாடகத்தனமாகவும் அதே சமயம் மிரட்டலாகவும் நடித்திருகிரர்கள் .

பின்னணி குரல்கள் அபாரம் . 

கிளைமாக்சில் டைட்டிலுக்குப் பின் ஓர் அட்டகாசமான விஷயம் சொல்கிறார்கள் . ஆனால் சொல்லப்பட்ட உத்தியால் , அதைப் பார்க்காமலே  பல ரசிகர்கள் வெளியே போய் விடுவதுதான் சோகம் . மூன்றாம் பாகத்துக்கு துவக்கம் கொடுத்து படத்தை முடிக்கிறார்கள். 

கடலில் காணமல் போய் மண்ணில் சிலையாய் இருக்கும் ராக்கி மீண்டும் பேன்ட் கோட் போட்டு தாடியோடு திரும்ப வந்தால்  அதுதான் கே ஜி எஃப்  3 என்றறிக. 

மொத்தத்தில் கே ஜி எஃ ப் 2……. அதிரி புதிரி 

 

 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *