JRG புரடக்ஷன்ஸ் சார்பில் என். ஜீவானந்தம் தயாரிப்பில், சூப்பர் சிங்கர் (செந்தில்) ராஜலக்ஷ்மி , ராதாரவி, அபி நக்ஷத்ரா, , அனன்யா, நடிப்பில் கணபதி பாலமுருகன் இயக்கி இருக்கும் படம்
சிறு வயது முதலே துணிச்சலான பெண்ணான பாரதிக்கு ( அபி நட்சத்திரா) பள்ளி நாட்களில் ஒரு அப்பாவி தோழி, அந்தத் தோழியை சிலர் பாலியல் பலாத்காரம் செய்து விட அவள் தற்கொலை செய்து கொள்கிறாள்.
“இறந்த பின்னும் என் மகள் அவமானப் பட வேண்டாம் “என்று பெண்ணின் அம்மா சொல்லி விட , அந்த வேண்டுகோளுக்கு ஏற்ப, பாரதியின் அப்பா ( ராதாரவி) , ஒரு போலீஸ்காரராக இருந்தும் , குற்றவாளிகளைத் தண்டிக்கவில்லை என்பதால் அப்பாவிடம் பேசாமல் இருக்கிறாள் பாரதி ( ராஜ லக்ஷ்மி)
கல்யாணம் , கணவன் பிள்ளை என்று ஆன பின்பும் அப்பாவிடம் பேசாமலே இருக்கும் பாரதி ஆசிரியை ஆனதோடு , பெண்கள் , பெண் குழந்தைகள் பாதிக்கப்பட்டால் அவர்களுக்காக ஒரு வக்கீல் தம்பியோடு களமாடுகிறாள்.
தொடர்ந்து பெண்களுக்கு நடக்கும் பாலியல் பலாத்காரங்களைத் தடுக்க அவர்கள் அனைவருக்கும் துப்பாக்கி வைத்துக் கொள்ளும் லைசன்ஸ் தர வேண்டும் என்ற கருத்தை வலியுறுத்தும்படியாக முதலில் அவள் லைசன்ஸ் கேட்கிறாள் .
சட்ட விதிகளும் அவளுக்கு படிக்காதோர் தரும் அழுத்தமும் லைசன்ஸ் கோரிக்கையை நிராகரிக்க வைக்க, அவள் கோர்ட்டுக்குப் போக நடந்தது என்ன என்பதே படம்.
கதை திரைக்கதை வசனம் இயக்கம் அனைத்திலும் நீக்கமாற நிறைந்திருப்பது பக்குவமில்லாத தன்மையும் தெளிவற்ற உருவாக்கமும்தான். . இதில் கடைசியில் தேவையற்ற டுவிஸ்டுகளும் உண்டு. 
ஒன்று ஓவர் ஆக்டிங் அல்லது நோ ஆக்டிங் என்ற ரீதியிலேயே எல்லோரும் நடிக்கின்றனர் .
ராஜலக்ஷ்மி எல்லாம் கிராமத்து அமெச்சூர் நாடக நடிகை போல நடித்துக் குவிக்கிறார் .
ராதாரவியும் அபி நக்ஷத்ராவும் சிறப்பாக நடித்துள்ளனர் .
