”ரஜினி சொன்னதை நம்பி ஏமாந்தோம்” – புலம்பும் விநியோகஸ்தர்கள்

linga

தமிழ் நாட்டில் லிங்கா படத்தை வாங்கிய விநியோகஸ்தர்கள் பலரும் இப்போது ஏற்பட்டிருக்கும் பலத்த நஷ்டத்தால் பெரும் வேதனைக்கு ஆளாகி இருக்கிறார்கள் . அப்படி நஷ்டம் ஆனதற்கு அவர்கள் நேரடியாக கை காட்டுவது ரஜினியை என்பதுதான் அதிர்ச்சியான சமாச்சாரம் 

லிங்கா படத்தை வாங்கிய திருச்சி , தஞ்சை,  வட ஆற்காடு,  தென் ஆற்காடு, செங்கல்பட்டு , காஞ்சிபுரம் , திருவள்ளூர் மாவட்ட விநியோகஸ்தர்கள் தங்களுக்கு பல கோடி இழப்பு ஏற்பட்டு இருப்பதாக, கூறி , தங்களுக்கு லிங்கா படத்தை விற்ற , விஜய் பார்கவி என்டர் பிரைசஸ் நிறுவனத்தை முற்றுகையிட்டனர், வாங்கிய தொகைக்கு பாதி கூட வசூல் ஆகவில்லை என்பது இவர்களது வேதனை . காரணம் இவர்கள் வாங்கிய மாபெரும் விலை விலை. அதற்குக் காரணம் விஜய் பார்கவி நிறுவனம் விற்ற அந்த மாபெரும் விலை . 
விஜய் பார்கவி நிறுவனம் ஏன் அவ்வளவு பெரிய விலைக்கு விற்கவேண்டும் . என்ன செய்ய? படத்தை வெளியிட்ட வேந்தர் மூவீஸ் நிறுவனத்திடம் இருந்து அவர்கள்  வாங்கிய விலை அப்படி ?
இருக்கட்டும் .. விஜய் பார்கவி நிறுவனம் ஏன் வேந்தர் மூவீசிடம் இருந்து அப்படி ஒரு பெரிய விலைக்கு வாங்க வேண்டும்?
இதற்குதான் ரஜினியை சுட்டிக் காட்டுகிறார் விஜய் பார்கவி என்டர்பிரைசஸ் நிறுவன பாலா விஸ்வநாதன்.
 “லிங்கா படம் வருவதற்கு முன்பு ரஜினி எங்களிடம் ‘லிங்கா படம் படையப்பா படத்தை விட பத்து மடங்கு நல்ல படம் . இந்த படத்துக்கு மக்களிடம் நல்ல வரவேற்பு இருக்கும்’ என்று கூறினார் . அவர் சொன்ன வார்தையை நம்பித்தான் நான் 14  கோடிக்கு செங்கல்பட்டு காஞ்சிபுரம் ஏரியா உரிமையையும்  எனது தலைமையில்  விநியோகஸ்தர்கள் திருச்சி தஞ்சை விநியோக உரிமையை 8கோடி ரூபாய்க்கும், வட மற்றும் தென் ஆற்காடு உரிமையை 6 கோடிக்கும்  வேந்தர் மூவீஸ் மதனிடம் வாங்கினோம்.
எனக்கு 6 கோடிதான் வந்தது. 8 கோடி நஷ்டம்.  ஆற்காடு பகுதிக்கு வாங்கியவருக்கு 2 கோடிதான் வந்தது . 4 கோடி நஷ்டம் . திருச்சி தஞ்சை பகுதிக்கு 8 கோடிக்கு வாங்கியவருக்கு  4 கோடிதான் திரும்ப வந்தது . 4  கோடி நஷ்டம். இப்படி மூன்று ஏரியாவில் மட்டும் 16 கோடி போச்சு !. ” என்று கூறும் பாலா விஸ்வந்தான் அடுத்து கூறுவதுதான் பகீர் ரகம்.
“இந்த விசயத்தில் ரஜினி தலையிட்டு நடவடிக்கை எடுக்காவிட்டால் தற்கொலை செய்து கொள்வதை தவிர வேறு வழி இல்லை ” என்கிறார் பாலா விஸ்வநாதன். 
பட விற்பனை விசயத்தில் எதனால் இப்படியெல்லாம் பிரச்னைகள் வருகின்றன? 
தான் நடிக்கும் படம் விற்பனை செய்யப்படும் விசயத்தில் ஒரு பாலிசியை கடை பிடித்தார் அமரர் எம்ஜிஆர் . 
படத்தின் கதை , படமாகும் விதம் , பட்ஜெட் இவற்றை வைத்து ஒரு குறிப்பிட்ட லாபத்தை படத்தின் தயாரிப்பாளருக்கு ஃபிக்ஸ் பண்ணி அந்த விலைக்கு மேல் படத்தை விநியோகஸ்தருக்கு விற்கக்கூடாது என்று சொல்லி விடுவார். அது போல அடுத்து வினியோகஸ்தருக்கு ஒரு லாபத்தை ஃபிக்ஸ் பண்ணி அந்த விலைக்கு மேல் விநியோகஸ்தர் தியேட்டர்காரருக்கு விற்கக் கூடாது என்று சொல்லி விடுவார் . 
இதனால் பல சமயம் சில தயாரிப்பாளர்கள் மற்றும் விநியோகஸ்தர்கள் எம்ஜிஆர் மீது கோபமோ வருத்தமோ அடைந்தாலும் முடிவில் தயாரிப்பாளர், விநியோகஸ்தர் , தியேட்டர்காரர்கள எல்லோருக்கும் ஒரு குறிப்பிட்ட லாபம் கிடைத்து இருக்கும் . கடைசியில் எல்லோரும் எம்ஜிஆரை வாழ்த்துவார்கள் 
அந்த பெருந்தன்மை எல்லாம் யாருக்கு இப்போது இருக்கிறது ?

 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →