தனமலர் கிரியேஷன்ஸ் தயாரிப்பில் ரிச்சர்டு , ஹனி பிரின்ஸ் நடிப்பில் வினோத் குமார் கதை திரைக்கதை வசனம் எழுதி இயக்கி இருக்கும் படம் மகாராணி கோட்டை . மகாராணி கோட்டை என்ற ஒரு ஜமீன் காலத்து பெரிய அரண்மனை ஒன்று , அதன் உள்ளே மகாராணியின் ஆவி இருக்கிறது என்ற செய்தி காரணமாக குறைந்த விலைக்கு விற்பனைக்கு வருகிறது . அதை வாங்கிப் போடும் ரிச்சர்டு அங்கு தனது நண்பர்கள் அவர்களது குடும்பம் மற்றும் தனது பெண் தோழி ஆகியோருடன் தங்குகிறார் .
அந்த ஊரில் உள்ள பலதரப்பட்ட மக்களும் இவர்களை சந்தித்து பவுர்ணமிக்குள் இந்த அரண்மனையில் இருந்து வெளியேறித் தப்பித்துக் கொள்ளுங்கள் .இல்லை என்றால் உங்கள் எல்லோரையும் மகாராணி மற்றும் அவரது கணவரின் ஆவி கொன்று விடும் என்று பயமுறுத்துகிறார்கள் . ஆனால் தன்னிடம் இருந்து அரண்மனையை இன்னும் குறைவான விலைக்கு வாங்க சிலர் செய்யும் முயற்சி இது என்று நம்புகிறார் ரிச்சர்டு .பவுர்ணமி வந்தது . பேய் வந்ததா? இல்லையா? வந்தது எனில் நடந்தது என்ன ? இல்லையெனில் நிகழ்ந்தது என்ன என்பதே இந்தப் படம் .
ரிச்சர்டு கிளைமாக்ஸ் சண்டைக் காட்சியில் முயற்சி எடுத்து நடித்து இருக்கிறார் .
கதாநாயகி ஹனி பிரின்ஸ் கவர்ச்சியில் கிளுகிளுப்பு ஏற்றுகிறார்.காடும் மலையுமான லொகேஷன்கள் குளு குளு என்று இருக்கின்றன .
நடிகர் செந்தில், (இசையமைப்பாளர் சங்கர்) கணேஷ் , கிங்காங் , போன்ற பழைய முகங்களை மீண்டும் காண முடிகிறது .
பவர் ஸ்டார் சில காட்சிகளில் வருகிறார் . இசையும் ஒலிக்கலவையும் மகா இரைச்சல் .
பேய் பற்றி கிளைமாக்சில் சொல்லும் விஷயம் பாராட்டுக்குரியது
