அப்படி ஒரு ஆச்சர்யத்தைக் கொடுத்து இருக்கிறார் நமீதா .
இப்போது 20 கிலோ எடை குறைந்து புதிய தோற்றத்தில் காணப்படுகிறார் .அவரைப் பார்க்கிற யாரும் நம்ப முடியாமலேயே பார்க்கிறார்கள் .காரணம் இப்படி மெலிந்த நமீதாவை யாருமே கற்பனை செய்து கூடப்பார்க்கவில்லை என்பதுதான்.
குறைப்பு….! நடந்தது என்ன நமீ?
” என் உடல் எடை அதிகமாகிக்கொண்டே போனது. பட வாய்ப்புகளும் குறைந்தன. நான் மிகுந்த மனச்சோர்வுக்கு ஆளானேன். நான் அடைந்த வருத்தமும் உளைச்சலும் கொஞ்ச நஞ்சமல்ல . .எடையைக் குறைக்க எவ்வளவோ முயற்சி செய்து பார்த்து விட்டேன்.என்னென்னவோ பயிற்சி, சிகிச்சை முறைகள் எல்லாம் பின்பற்றினேன். ஆனால் பலனில்லை.
மிகவும் வெறுத்துப் போய்விட்டேன் எப்படியாவது எடை குறைத்தாக வேண்டும், வாழ்வா சாவா என்கிற போராட்டம். அப்படிப்பட்ட சூழலில்தான் ‘சாக்ஷி வெல்னஸ்’ நிறுவனம் பற்றி திரைப்படத் தயாரிப்பாளர் சுரேஷ் காமாட்சி மூலம் கேள்விப்பட்டேன்.
எனக்கு நம்பிக்கையில்லை. ஏனென்றால் எவ்வளவோ பார்த்தாகி விட்டது. எடைமட்டும் குறையவேயில்லை. இப்படித்தான் அவர்களையும் பார்த்தேன்.ஆரம்பத்தில் அவர்கள் மீது நம்பிக்கையில்லை. முதலில் ஒன்றரை கிலோ எடை குறைந்தது. எனக்கே அது ஆனந்த அதிர்ச்சியாக இருந்தது, பிறகுதான் நம்பிக்கை வந்தது.
இப்படி முன்றே மாதங்களில் சுமார் 20 கிலோ எடை குறைந்தது. அவர்கள் சிகிச்சை, பயிற்சி, உணவு முறை இவற்றை சரிவர பார்த்துக் கொண்டார்கள். நம்பிக்கையையும் ஊக்கமும் கொடுத்தார்கள். இப்போது நான் நம்பிக்கையுடன் இருக்கிறேன். மற்றவர்களுக்கும் சிபாரிசு செய்கிறேன். சாக்ஷி வெல்னஸ் நிறுவனத்துக்கு பிராண்ட் அம்பாசிடராகவும் ஆகிவிட்டேன்.
என்னை இப்போது பார்ப்பவர்கள் என் உணவு பற்றிக் கேட்கிறார்கள். அரிசி உணவுகளை முற்றிலும் தவிர்த்து விட்டேன். காபி, டீ, கிடையாது. நான் ஒரு பீட்ஸாப் பிரியை. பீட்ஸா டோமினோவில் நான் பிளாட்டினம் மெம்பர். அந்த அளவுக்கு பீட்ஸா சாப்பிடுவேன். ஆனால் நான் இப்போது மாதம் ஒன்றுதான் சாப்பிடுகிறேன்” என்கிறார், வெயிட்லஸ் ஆக !
”இப்போது நான் ஆக்ஷன் நாயகியாக நடிக்க விரும்புகிறேன். எனக்கு அரசியல் ஆர்வம், ஈடுபாடு உண்டு. நிச்சயமாக அரசியலில் ஈடுபடுவேன். பல கட்சிகளிடமிருந்து அழைப்பு வந்தது. ஆனால் எப்போது அரசியலில் இறங்குவது என்று இப்போதே சொல்ல முடியாது.
என் சொந்த ஊர் குஜராத் என்பதே எனக்கு மறந்து விட்டது. ஹோலி, ராக்கி ரக்ஷாபந்தன் எல்லாம் மறந்து விட்டது.எனக்கு இங்குள்ள பொங்கல்தான் நினைவுக்கு வருகிறது. தமிழ்நாடு சென்னையை விட்டு எங்கும் போக மாட்டேன்” என்கிறார் நமீதா
நிகழ்ச்சியில் சாக்ஷி வெல்னஸ் நிறவனத்தின் நிர்வாக இயக்குநர் சிவாஜி குணா பேசும்போது,”இங்கு அல்ட்ரா சவுண்ட் ரேடியோ ஃபிரீக்வன்ஸி முறையில் தான் எடை குறைக்கப் படுகிறது. இம்முறையில் கொழுப்பு செல்கள் அழிக்கப்பட்டு வியர்வையாக வெளியேற்றப்படுகிறது.” என்கிறார்.
நமீதாவை இனி நமீடா என்று கூப்பிடலாமா?
