ஆர் ஜே கம்பைன்ஸ் சார்பில் அனந்த் மற்றும் ராமலிங்கையா தயாரிக்க, கன்னடத்தில் பல படங்களை இயக்கிய ஜே கே எஸ் என்பவரின் இயக்கத்தில் சுந்தர பாண்டியன், பாண்டிய நாடு படங்களின் கன்னட ரீமேக்கில் நடித்த வசிஷ்டா மற்றும் சுனில் ஷெட்டி .. இவர்களோடு நிகிஷா பட்டீல் இனியா ஆகியோர் நடிக்கும் படம் கரையோரம்.
பத்திரிக்கையாளர் சந்திப்பில் படம் பற்றி சொன்ன இயக்குனர் “சென்னையில் இருந்து மங்களூர் போகும் ஒரு பெண் (நிகிஷா பட்டேல் ) மங்களூரில் உள்ள ஒரு பீச் ஹவுசில் சிக்கிக் கொள்கிறார் . அடுத்த ஒரு வாரம் அவரால் வெளிவர முடியவில்லை . அங்கே நடக்கும் திரில் சம்பவங்கள்தான் கதை . இரண்டு ஜோடிகள். இனியா ஒரு கம்பெனியின் எம் டி யாக நடிக்கிறார். தவிர காமெடிக்கு எம் எஸ் பாஸ்கர் , சிங்கம் புலி மனோ பாலா (இன்னுமா உலகம் நம்மள நம்புது ?!) உள்ளிட்ட சிலர் நடிக்கிறார்கள் . படத்தில் மொத்தம் எட்டே கேரக்டர்தான் ” என்றார்.
படத்தின் இசை கன்னட பட இசைமயமைப்பாளரான சுஜித் ஷெட்டி (நீங்க சுனில் ஷெட்டி பிரதரா சார்?)
படத்தின் கேமரா மேன் ஜெய் ஆனந்த் பல வெற்றிகரமான கன்னடப்படங்களுக்கு ஒளிப்பதிவு செய்தவர் . “சோனி 65 8 கே என்ற ஒரு கேமரா . இதுவரை இந்திய அளவில் எந்த படத்துக்கும் இதை பயன்படுத்தியது இல்லை . முதன் முதலில் இந்தப் படத்துக்கு பயன்படுத்துகிறோம் ” என்றார் .”8 கே என்றால் நிறைய லைட்டிங் தேவைப்படுமே . அதை வைத்து எப்படி திரில் திகில் படம் எடுப்பீர்கள் ?” என்று நான் கேட்க . “இல்ல சார் 4 கே ரெசல்யூஷனிலும் பண்ணிக்கலாம் ” என்றார் . சரி பொழைச்சுப் போங்க !
“(நான் சிகப்பு மனிதன் படத்தைஅடுத்து ) இந்தப் படத்திலும் நீங்க வில்லிதானா ?” என்றுகேட்டேன் இனியாவிடம்.
“நீங்க பாத்துட்டு சொல்லுங்க ” என்றார் இனியா.
“அதெப்படி ? காட்டினதானே பாக்க முடியும் ” என்றேன் .
உடனே எல்லாரும் சிரிச்சாங்களே … ஏ ஏ ஏ ஏ ன் ன் ன் ன் …..?
