அப்பா அம்மா இருவரும் சண்டை விவாகரத்து என்று போய் விட ஏழு வயதிலேயே அப்பா கூட போறியா? இல்ல அம்மா கூட போறியா? என்ற பதில் சொல்ல முடியாத கேள்வியில் சிக்கி நொந்து நூலாகி , தனிமையில் வளர்ந்து மும்பைக்கு வந்து ஆர்க்கிடெக்ட் ஆகி விட்ட நிலையில் பாரீஸ் போய் மேல் படிப்பு படித்து அதே துறையில் கண்டு பிடிக்கப்படாத உயரங்களை தொடும் லட்சியம் உள்ள பெண் . அவளும் கல்யாணம் என்ற உறவையே வெறுப்பவள் .
படிப்பு, சம்பாத்தியம் , அதனால் ஏற்படும் தைரியம் இருவருக்குள்ளும் நட்பு , விருப்பம் , காமம் , உறவு என்ற அளவில் மீறிப் பாய்கிறது. கணபதி வீட்டுக்கே தாராவை அழைத்து வந்து கல்யாணம் செய்து கொள்ளாத லிவிங் டு கெதர் வாழ்க்கை வாழ்கிறான் ஆதி. கொஞ்ச நாள் வாழ்த்து விட்டு அமெரிக்க போகும் வாய்ப்பு ஆதிக்கோ , பாரிஸ் போகும் சூழல் தாராவுக்கோ வந்தால் அதோடு பிரிந்து விடலாம் என்பது அவர்களின் திட்டம் .
அல்ஸ்மைசர் மறதி நோய் கொண்ட தனது மனைவி பவானியை (லீலா சாம்சன்) வயதான காலத்திலும் கணபதி பார்த்துக் கொள்ளும் விதம் தாராவுக்குள் வேறு மன மாற்றங்களை ஏற்படுத்துகிறது . கல்யாணம் செய்து கணவன் மனைவியாக வாழ்வதன் பலமும் சுகமும் அவளுக்கு புரிய ஆரம்பிக்கிறது .
அதை ஆதி உணர்ந்தானா ? தாராவின் கல்யாண வாழ்வியல் ஆசை நிறைவேறியதா என்பதே இந்தப் படம் .
துல்கர் சிறப்பு. பிரகாஷ் ராஜ் இயல்பான சிறப்பு .
பொதுவாக திரைக்கதையில் அசத்தும் மணிரத்னம் இந்தப் படத்தில் ஒரு முக்கிய விசயத்தில் சறுக்கி இருக்கிறார்.
அப்பா அம்மாவின் சுய நல விவாகாத்தால் ஏழு வயதிலேயே மாபெரும் சோகத்துக்கு ஆளானவள் என்ற காரணத்தால் , கல்யாணமே வாழ்க்கையில் வேண்டாம் என்று தாரா முடிவெடுத்ததிலும் லிவிங் டுகெதர் வாழ்க்கைக்கு சம்மதித்ததிலும் ஒரு யதார்த்தம் இருக்கிறது . there is a cause .
ஆனால் ஒரு நிலையில் அவளே — என்னதான் கணபதி – பவானி தம்பதியின் முதிய வயது அக்கறை மிக்க வாழ்வை பார்த்தாலும் – கல்யாணத்துக்கு ஏங்குபவளாக மாறுவது கதாபாத்திரப் படைப்புக் குறைபாடு .
தாராவின் அப்பா அம்மா சண்டை போட்டுக் கொண்டு பிரிந்ததைப் போல நாளை ஆதியும் தாராவும் சண்டை போட்டுக் கொண்டு பிரியமாட்டார்கள் என்பது என்ன நிச்சயம் ? கண்டிப்பாக சண்டை போட்டுக் கொள்வார்கள். மறதி நோயால் காணாமல் போய் விட்ட வயதான பவானியை தேடும் அந்தப் பட்ட சூழலில் கூட சுயநலமாக சண்டை போட்டுக் கொண்டே தேடும் அரை வேக்காடுகள் இவர்கள் . அப்படி இருக்க தாராவுக்கு நிகழ்ந்தது நாளை தாராவின் குழந்தைக்கு நிகழாது என்பதற்கு திரைக்கதை எங்கே உத்தரவாதம் தருகிறது ?
எனவே , லிவிங் டுகெதர் வாழ்க்கை முடிவுறும் நிலையில் கல்யாண வாழ்க்கை என்று தாரா ஆசைப்பட்டாள் என்று சொல்வதற்கு பதில் ஆதி ஆசைப் பட்டான் என்று சொல்லி இருக்கலாம் .
அதே நேரம் தாரா ஆசைப்படுகிறாள் என்று சொல்வதுதான் நன்றாக இருக்கும் என்று மணிரத்னம் முடிவு செய்ததிலும் தவறு இல்லை . காரணம் அதில் நிறைய பிளஸ் இருக்கிறது .
எனவே பெற்றோரின் விவாகரத்தை பார்த்து பதிக்கப்பட்ட வரலாற்றை தாராவுக்கு பதில் ஆதிக்கு மணிரத்னம் வைத்து இருக்கலாம்.
அப்படி வைத்தால் படத்தின் இரண்டாம் பகுதியில் ஆதியின் அண்ணன் மூலம் வரும் பரபரப்பை அது தடுக்கும் என்று தோன்றினால் யாருக்குமே அந்த அப்பா அம்மா விவாகரத்து கதையை சொல்லாமல் இருந்திருக்கலாம் .
லிவிங் டுகெதர் வாழ்க்கை வாழ ஆசைப்பட்டது அவர்கள் இருவரின் இயல்பு என்று போகிற போக்கில் திரைக் கதையில் அதைக் கடந்து போயிருக்கலாம் .
இன்று லிவிங் டுகெதர் வாழ்கை வாழும் எந்த ஜோடிக்குப் பின்னால் இப்படி பரிதாபமான அப்பா அம்மா பிளாஷ்பேக் எல்லாம் இருக்கிறது ?
No… Not… Nothing !
ஓ காதல் கண்மணி…. ஜஸ்ட் ஓகே கண்மணி
மகுடம் சூடும் கலைஞர்கள்
—————————————
