இந்தப் படம் ரிலீசுக்கு தயாராக உள்ளது .
விஞ்ஞான மனோதத்துவ திரில் பேய்ப் படமாம் இது .
படத்தில் சமுத்திரக்கனி, தம்பி ராமையா, தேவயானி , இவர்களுடன் யுவினா பார்த்தவி, அவனி மோடி என்று இரண்டு கதாநாயகிகள் . (ம்ஹும் இந்த மோடிக்கு எந்த சம்மந்தமும் இல்லை )
“படத்தில் சுமார் நாற்பது நிமிடம் கிராபிக்ஸ் காட்சிகள் வருகிறது . அந்தக் காட்சிகளை முதலில் வீடியோவில் படம் பிடித்து கிராபிக்ஸ் காட்சிகளை முடிவு செய்து மீண்டும் படமாக்கினோம் . மொத்தப் படமும் சென்னையிலும் பாண்டிச்சேரியிலும் எடுத்து இருக்கிறோம். படத்தின் ஒளிப்பதிவாளர் மாறவர்மன் உட்பட பல புதிய இளைஞர்கள் அணியுடன் களம் இறங்கி இருக்கிறேன் “என்கிறார் பா விஜய் .
படத்தின் இசையமைப்பாளர் தாஜ் நூர் . “படத்தில் விஜய் எழுதி இருக்கும் சண்டேக்கும் மண்டேக்கும் சண்டை . அதுல உடைஞ்சு போச்சு டியூஸ்டேயின் மண்டை ‘ என்ற பாடல் ரொம்ப சிறப்பா வந்திருக்கு. படத்தின் ரீ ரிக்கார்டிங்கை முடிக்க அறுபது நாட்கள் ஆனது ” என்கிறார் தாஜ் நூர் (ஹ்ஹஹ்ம்மம்ம்ம்ம்!)
படத்தின் பெயர்க்காரணம் சொன்ன பா.விஜய் “இந்தப் படத்தில் ஸ்ட்ராபரி ஒரு முக்கியக் கேரக்டர் ஆக வருகிறது. எனவே படத்துக்கு அந்தப் பெயர் வைத்தோம் . இது முழுக்க முழுக்க கமர்ஷியல் படம் “என்றார்
