ஸ்தபதி சிற்பி நடிக்கும் சாந்தன்

DSC01223

சாம்ராஜ் என்பவர் கதை திரைக்கதை வசனம் எழுதி இயக்க,  எம் கே சினி ஆர்ட்ஸ் சார்பில் மாதேஸ்வரன் என்பவர் தயாரித்து கதாநாயகனாக நடிக்கும்  படம் சாந்தன் . இந்த மாதேஸ்வரன் நிஜ வாழ்க்கையில் ஒரு கோவில் கட்டும் ஸ்தபதி . (சிலை மட்டும் செய்பவர் சிற்பி . சிலை மட்டுமல்லாது  கோவிலின் அனைத்து  கட்டுமான வேலைகளையும் செய்பவர் ஸ்தபதி!). படத்தின் கதாநாயகியாக காஷிஹா என்ற கேரளப் பெண் அறிமுகம் ஆகிறார் .

DSC_0184

பொருளாதாரத்தில் மிகவும் பின் தங்கிய நிலையில் இருக்கும் தங்கராசு , முத்து ராசு என்ற இரண்டு சகோதரர்களின் வாழ்க்கையில் ரத்த பாசத்தின் ஆழத்தை உணர்த்தும் வகையில் நிகழும் சம்பவங்களையும் திருப்புமுனைகளையும்,  நகைச்சுவை கலந்து கிராமியப் பின்னணியில் சொல்லும் படமாம் இது .

படத்தில் அண்ணன் தங்கராசுவாக ஸ்தபதி மாதேஸ்வரன் நடிக்க , அவரது நண்பராக — விஜய்யின் திருப்பாச்சி படத்துக்குப் பிறகு –முக்கியக் கதாபாத்திரத்தில் காமெடி மற்றும் செண்டிமெண்ட் சேர்ந்த பாத்திரத்தில் நடிக்கிறார் நடிகர் பெஞ்சமின்.

DSC02928

“மனிதனின் உயர்ந்த குணங்களான அன்பு , எளிமை , கருணை இவற்றில் சாந்தமும் ஒன்று . சூழ்நிலை காரணமாக மூன்று அவதாரங்களுக்குள் தள்ளப்படுகிறான் நாயகன் . தம்பியின் வாழ்வில் நடைபெறும் சில சம்பவங்களுக்காக பழியேற்று ஜெயிலுக்கு போகும் அண்ணன் அங்கே வாழ்வை உணர்ந்து சாந்த குணத்தின் பெருமையை உணர்ந்து வருவதுதான் படத்தின் கதை. .  படத்தை பார்க்கும் அனைவரின் மனதிலும் சாந்த குணம் பரவும்  ” என்கிறார் இயக்குனர் சாம்ராஜ் .

L0M_7654

படத்தின் இசையமைப்பாளர் ரவி பிரியன் கனடா வாழ் தமிழராம் .

இவர் கானா பாலாவின் பால்ய நண்பராம்.

விளைவு ?

படத்தில் கானா பாலாவும் பாடி இருக்கிறார்

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →