விஷ்ணு விஷால் ஸ்டுடியோஸ் சார்பில் நடிகர் விஷ்ணு விஷால் தயாரித்துக் கதாநாயகனாக நடிக்க, ரெஜினா கசான்ட்ரா,
யோகி பாபு, ஆனந்த் ராஜ்,ஓவியா, கருணாகரன், மன்சூர் அலிகான் , லிவிங்ஸ்டன்,நடிப்பில்
செல்லா அய்யாவு இயக்கி இருக்கும் படம் சிலுக்குவார் பட்டி சிங்கம் . படம் சிலுக்குமா ? இல்லை வழுக்குமா ? பேசலாம்.
சிலுக்குவார் பட்டி போலீஸ் ஸ்டேஷனில் உள்ள – தைரியமோ கடமை உணர்ச்சியோ இல்லாத –
அநியாயங்களை தட்டிக் கேட்கும் பழக்கமே இல்லாத கான்ஸ்டபிள் சத்தியமூர்த்தி ( விஷ்ணுவிஷால்) , சக கான்ஸ்டபிள் பாஸ்கர் ( கருணாகரன்) மக்கு சப் இன்ஸ்பெக்டர் முத்தையா ( லிவிங்க்ஸ்டன்)
ஜொள்ளு பார்ட்டியாக இருந்தாலும் கவுன்சிலராக இருக்கும் மாமனின் மகள் ராஜேஸ்வரியை ( ரெஜினா கசான்ட்ரா) காதலிக்கிறான் சத்திய மூர்த்தி .
ஆனால் ஸ்டேஷனில் மற்ற போலீஸ் அதிகாரிகளுக்கு சாப்பாடு வாங்கித் தரும் வேலையை மட்டும் செய்கிற சத்திய மூர்த்திக்கு பெண் கொடுக்க மாமனுக்கு விரும்பவில்லை .
அமைச்சராகும் கனவில் இருக்கும் லோக்கல் அரசியல்வாதி இளைஞன் ( சண்முகராஜா ) ராஜேஸ்வரி விசயத்தில் போட்டிக்கு வருகிறான் . பல போலீஸ் படைகளையே நடுங்க வைத்த சைக்கிள் சங்கர் (ரவி ஷங்கர்) என்ற பிரபல ரவுடியை , அவன் யார் என்று தெரியாமலேயே,
ஒரு பாரில் போதையில் , ஒரு ஆம்லெட்டை தட்டி விட்டு வீணாக்கிய கோபத்தில், அடித்து உதைத்துக் கைது செய்கிறான் சத்திய மூர்த்தி ,
பல நாள் ஸ்டேஷனில் வைத்து அவமானப்படுத்துகிறார்கள் .
ஆளுங்கட்சி அமைச்சர் சொன்னபடி வருங்காலத்தில் அமைச்சராக வாய்ப்பு உள்ள ஒருவரை ( மன்சூர் அலிகான்)கொலை செய்யும் அசைன்மமென்டில் உள்ள சங்கர், தான் யார் என்பது தெரியக் கூடாது என்பதற்காக எல்லா அவமானங்களையும் தாங்கிக் கொள்கிறான் .
ஒரு நிலையில் ஜெயிலில் இருந்து தப்பிக்கும் அவன் , வருங்கால அமைச்சரை கொல்வதற்கு முன்பு
சத்திய மூர்த்தியை கொல்ல சபதம் எடுக்கிறான் . சத்திய மூர்த்தி பயந்து தலைமறைவாகிறான் .
இந்த நிலையில் ராஜேஸ்வரியை அமைச்சர் கனவில் உள்ள இளைஞனுக்கு திருமணம் செய்து தர அவளது அப்பா முடிவு செய்ய ,கல்யாண நாளும் நெருங்க , சைக்கிள் சங்கர் கொலை வெறியோடு சத்திய மூர்த்தியை தேட ,
போலீஸ் உயர் அதிகாரிகளும் அவனுக்கு ஆதரவாக சத்திய மூர்த்தியை தேட ,
கல்யாணத்தன்று மேலே சொன்ன முக்கிய கேரக்டர்கள் எல்லாம் மண்டபத்தில் கூட, அப்புறம் என்ன நடந்தது என்பதை …..
கொஞ்சம் காமெடியாக சொல்லி இருக்கிறார்கள்
முக்கியக் கதாபாத்திரத்தில் வரும் பிரபல நடிகர்கள் மட்டுமல்லாது , சின்னத்தம்பி பிரதர்ஸ் ,வயிறு கலங்கிய பெண் மணி என்று துணைக் கதாபாத்திரங்கள் கூட அவ்வப்போது சிரிக்க வைக்கிறார்கள்.
ராட்சஷன் போன்ற படங்களில் நடிக்கும் விஷ்ணு விஷால் வேலைன்னு வந்துட்டா வெள்ளைக்காரன் ,
கதாநாயகன் படங்கள் வரிசையில் இந்தப் படத்திலும் மிக ரிலாக்சாக ,ஆனால் உற்சாகமாக நடித்துள்ளார் .
ரெஜினா கசான்ட்ரா கலர்ஃபுல் கவர்ச்சி . குளோசப்தான்…… !வழக்கம் போல் ஹீரோவோடு இல்லாமல் வித்தியாசமாக வில்லன் கூட இருந்து ஆங்காங்கே சிரிக்க வைக்கிறார் யோகிபாபு .
ஒரு முறை அவர் வசனத்துக்கு வில்லன் அடிக்கும் கவுண்ட்டர் கூட சிரிப்பு மூட்டுகிறது
பயந்தாங்குளி ஹீரோ , போலீஸ் படையையே நடுங்க வைக்கும் வில்லன் என்று ஆரம்பத்தில்
காட்சிகள் வந்த கால் மணி நேரத்திலேயே முழு கதையும் புரிந்து விடுகிறது ஓர் அலுப்புதான்
ஆனாலும் வில்லனை ஹீரோ ஆம்லேட் போன ஆத்திரத்தில் கைது செய்வது துவங்கி ,வில்லன் ஸ்டேசனில் இருந்து வெளி வருவது வரையிலான காட்சி அமைப்பில் கெத்து காட்டுகிறார் இயக்குனர் செல்லா அய்யாவு . சபாஷ் .
லக்ஷ்மன் ஒளிப்பதிவு அவ்வளவு அழகும் வண்ண மயமும். இந்தப் படத்தில் வேறு ஒன்றும் செய்ய முடியாது .
லியோன் ஜேம்ஸ் இசையில் பாடல்கள் ஒகே . 
படம் ரொம்ப தொங்கிவிடாமல் காப்பாற்றுகிறார் படத் தொகுப்பாளர் ரூபன் .
படம் ரொம்ப தொங்கிவிடாமல் காப்பாற்றுகிறார் படத் தொகுப்பாளர் ரூபன் .என்னதான் காமெடி படம் என்றாலும் சைக்கிளில் கதாநாயகியோடு போகும் ஹீரோவை வில்லனும் போலீசும்
ஜீப்பில் துரத்தி அதுவும் சேஸ் பண்ண முடியாமல் கஷ்டப் படுவது எல்லாம் … முடியலீங்க . ஜனங்க பாவம் ல ?
இத்தனை கெட் அப் போட்ட ஹீரோ ஒரு கெட்டப்பிலாவது உருப்படியாக எதையும் செய்து இருக்கலாம்
( லேடி கெட்டப்பில் டிராமா மேடையில் ஓர் உருப்படியாக் வந்து இடுப்பை ஆட்டுவது எல்லாம் உருப்படியான லிஸ்டில் வராது !)கல கல பாதி … லக லக மீதி
சிலுக்குவார் பட்டி சிங்கம் … பிடரி ஒகே . கர்ஜனை கம்மி
