நகைச்சுவை சப்புக்கொட்ட உப்புக் கருவாடு

 

uppu 2

ஃபர்ஸ்ட் காப்பி பிக்சர்ஸ் சார்பில் ராம்ஜி நரசிம்மன் தயாரிக்க, கருணாகரன் , நந்திதா, எம் எஸ் பாஸ்கர், சாம்ஸ், நடிப்பில் மகேஷ் முத்து சுவாமியின் ஒளிப்பதிவில் ராதா மோகன் இயக்கி இருக்கும் படம் உப்புக் கருவாடு . 

படம் இயக்க விரும்பும் ஓர் இளைஞன்,  அவனுக்கு கிடைக்கும் தயாரிப்பாளர் , நடிகை , மற்ற டெக்னிசியன்கள் , சினிமா வியாபார ஆட்கள், கடற்கரைப் பகுதியில் நடக்கும் சில நிகழ்வுகள் இவைகளை நகைச்சுவையாக விளக்கும் படமாக இது வந்திருக்கிறது என்பது……
 uppu 6
படத்தின் முன்னோட்டத்தைப் பார்த்தால் தெரிகிறது . ( இம்சையான நபர்கள் காரணமாகவே சில நல்ல படைப்பாளிகளின் மனசில் ஃபிரெஷ்ஷான மீனாக இருக்கும் கதைகள் படமாவதற்குள் உப்புக் கருவாடாக மாறி விடுகின்றன என்பது உண்மைதானே )
படத்தின் இசையமைப்பாளர் ஸ்டீவ் வாட்ஸ்,  கவுதம் வாசுதேவ் மேனனால் ராதா மோகனுக்கு சிபாரிசு செய்யப்பட்டவர் .
uppu 4
படத்தின் பத்திரிகையாளர் சந்திப்பில் பேசிய படக் குழுவினர் பலரும் ராதா மோகனின் முந்தைய படங்களின் சிறப்பு அவற்றில் உள்ள காட்சிகள் மற்றும் வசனங்களின் ஆழம் பற்றிப் பேசினார்கள் . 
படத்தின் முன்னோட்டத்தில் அழகிய தீயே , மொழி, அபியும் நானும் , பயணம் போன்ற படங்களை இயக்கிய இயக்குனரின் படைப்பு என்று குறிப்பிடப்பட்டு இருப்பது போல, ராதா மோகனின் அடுத்த பட முன்னோட்டத்தில் உப்புக் கருவாடு படத்தை இயக்கிய இயக்குனரின் படைப்பு என்று குறிப்பிடும் அளவுக்கு…..
uppu 3
இந்தப் படம் சிறந்து விளங்கும் என்று குறிப்பிட்டார்கள் .ராதா மோகனின் படப்பிடிப்பு போல ஜாலியான படப்பிடிப்பு எங்கும் அமையாது என்றார்கள் . 
உதாரணமாக ஒளிப்பதிவாளர் மகேஷ் முத்துசாமி பேசும்போது ” பொதுவாக ஒளிப்பதிவாளர்களுக்கு, தினசரி ஷூட்டிங் முடிந்த உடன் எப்போது கிளம்புவோம் என்றுதான் இருக்கும் .  ஆனால் இந்தப் படத்தின் ஷூட்டிங் முடிந்த ஒவ்வொரு நாளும் இன்னும் கொஞ்ச நேரம் ஷூட்டிங் போனால் நன்றாக இருக்குமே என்று எனக்கு தோன்றியது” என்றார் 
uppu 5
“இதுவரை நான் நடித்த கேரக்டர்களிலேயே மிக வித்தியாசமான கேரக்டர் இது. என் கேரியரில் முக்கிய படம் இது ” என்றார் நந்திதா . 
படத்தை உலகம் எங்கும் வெளியிடும் அவுரா சினிமாஸ் மகேஷ் கோவிந்தராஜ் பேசும்போது ” படத்தை நான் பார்க்க வரும்போது என் தந்தையும் வந்திருந்தார் . படத்தின் ஆரம்பம் முதல் இறுதிவரை சிரித்துக் கொண்டே இருந்தார் . அப்படி ரசித்தார் . பார்க்கவே எனக்கு சந்தோஷமாக இருந்தது.
uppu 9
வெளியே வந்த போது தட்டிக் கொடுத்துப் பாராட்டினார் . அப்படி ஒரு நல்ல நகைச்சுவைப் படம் இது. தமிழகத்தில் 180 தியேட்டர்களில் படத்தை வரும் 27 ஆம் தேதி வெளியிடுகிறோம். உலகம் முழுக்க இன்னும் பல தியேட்டர்கள் ஒப்பந்தமாகிக் கொண்டு இருக்கின்றன  ” என்றார் . 
தயாரிப்பாளர் ராம்ஜி நரசிம்மன் தனது பேச்சில் ” படம் ஆரம்பம் முதல் இறுதி வரை கண்ணியமான நகைச்சுவைப் படமாக வந்திருக்கிறது . எல்லோரையும் சந்தோஷப் படுத்தும் படம் இது . ராதா மோகன் மிகச் சிறந்த இயக்குனராக மட்டுமின்றி மனிதராகவும் இருப்பவர்.
uppu 99
இந்தப் படத்தை வேண்டாம் என்று சொல்லும் தியேட்டர்காரர்களும் கூட , படம் வந்த பிறகு இந்தப் படம் வேண்டும் என்று கேட்டு வாங்கிப் போடுவார்கள் . ராதா மோகனோடு இன்னொரு படத்தில் இணையும் வாய்ப்பு கிடைத்தால் மகிழ்வேன் ” என்றார் . 
ராதா மோகன் பேசும்போது ” கருணாகரன் , எம் எஸ் பாஸ்கர், சாம்ஸ், நந்திதா எல்லோரும் மிக சிறப்பாக நடித்துள்ளார்கள். நந்திதாவுக்கு வித்தியாசமான முக்கியமான கதாபாத்திரம். சில கதா பாத்திரங்களை வடிவமைக்கும்போதே அதற்கு பொருத்தமான முகங்கள் ஞாபகம் வரும்.
uppu 7
எனக்கு இந்த கதாபாத்திரத்தை எழுதும்போதே நந்திதா முகம்தான் ஞாபகத்துக்கு வந்தது. எனக்கு முழு ஒத்துழைப்புக் கொடுத்த அனைவருக்கும் நன்றி ” என்றார் . 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →