ஏ எம் ரெட்கார்பெட் பிலிம்ஸ் மற்றும் எஸ் எஸ் என்டர்டைன்மென்ட் சார்பில்
அனுமணி, சுப்பிரமணி மற்றும் சல்லா திம்மா ரெட்டி தயாரிக்க, 
நரேன் ராம் தேஜ், பிரேர்னா கண்ணா, தர்ஷன் சந்த் நடிப்பில்
சிவபார்வதி குமாரன் இயக்கி இருக்கும் படம் வேறென்ன வேண்டும் . படத்தின் இசை அமைப்பாளர் பிரேம் குமார் சிவ பெருமான், 
ஏ ஆர் ரகுமான் இசைப் பள்ளியில் ஆசிரியராக இருப்பவர் .
படத்தின் வில்லனாக நடித்திருக்கும் தர்ஷன் ஈழத் தமிழர் .
(”அப்பா சென்னை அம்மா ஈழம்” என்கிறார்)
படத்தின் பாடல் வெளியீட்டு விழாவில் இயக்குனர்கள் பேரரசு, வெங்கட் ஏ ஆர் ரைஹானா, ஆகியோர் சிறப்பு விருந்தினர்களாக கலந்து கொண்டு வாழ்த்தினார்கள்.
படத்தின் முன்னோட்டமும் மூன்று பாடல்களும் திரையிட்டனர். முன்னோட்டமும் பாடல்களும் இனிமை .
பிரேம் குமார் சிவ பெருமானின் இசையில் பாடல்கள் இனிமை கேமில் ஜே அலெக்சின் ஒளிப்பதிவும் நன்றாக இருந்தது பாவன் மித்ரா என்பவர் மூன்று பாடல்களும் இணை இயக்குனர் சாந்த குமார் ஒரு பாடலையும் எழுதி உள்ளனர் .
முழுக்க முழுக்க காதல் படம் !
“ஆனால் மக்களுக்கு தேவையான ஒரு சமூக அக்கறை விஷயம் வைத்துள்ளோம் ” என்றார் இயக்குனர் சிவபார்வதி குமாரன் .படப்பிடிப்பில் இயக்குனரும் ஒளிப்பதிவாளரும் இணை இயக்குனரும் தமக்கு மிக உதவியாக இருந்தார்கள்”
என்று நரேன் ராம் தேஜ், பிரேர்னா கண்ணா, தர்ஷன் சந்த் ஆகியோர் குறிப்பிட்டனர் . “படத்தின் நாயகன் நாயகி வில்லன் மூவருமே திறமை சாலிகள் . தர்ஷனும் விரைவில் ஹீரோ ஆவார் ” 
– என்றார் சாந்த குமார்
– என்றார் சாந்த குமார் ஆடி பாடி ஓடுவோம் அத்து மீற மாட்டோம் ” என்ற பாடல் வரிகளை குறிப்பிட்டு பேசிய ஒருவர் , “அத்து மீறினால் அப்புறம் மீ டூ வில் மாட்டணும் ” என்று கூற,
பேரரசு பேசும்போது , “ஆடிப் பாடவும் வேணாம் . அத்து மீறவும் வேணாம் . அதுவும் பாடகிகளிடம் கவனமா இருக்கணும் ” என்றவர் , 
தொடர்ந்து , ” இணை இயக்குனரை பாடலாசிரியராகவும் மாற்றிய இயக்குனர் சிவபார்வதி குமாரன் பெருந்தன்மையின் உச்சம் ” என்று பாராட்டினர் . சாலக்குடி எனக்கு மிகவும் பிடித்த லொக்கேஷன் . அங்கே தான் நான் அர்ஜுனா அர்ஜுனா பாடலை எடுத்தேன் .
இந்தப் படத்தின் பாடலில் அதை சிறப்பாக பயன்படுத்தி இருக்கிறார்கள் இயக்குனரும் ஒளிப்பதிவாளரும் ” என்றார் ஏ. வெங்கடேஷ் . விழா முடிந்தது .
