நாதாம்பாள் பிலிம் பேக்டரி சார்பில் நடிகர் சத்யராஜ் வழங்க , மகேஸ்வரி சத்யராஜ் தயாரிக்க ,
சிபிராஜ், ரம்யா நம்பீசன் , யோகி பாபு, சதீஷ் , நிழல்கல் ரவி நடிப்பில் – சைத்தான் படத்தை இயக்கிய –
பிரதீப் கிருஷ்ண மூர்த்தி இயக்கி இருக்கும் படம் சத்யா . சத்தியமா ரசிகன் நம்பலாமா ? பார்க்கலாம் .
வெளிநாட்டில் வாழும் சத்யாவுக்கு தனது முன்னாள் காதலியிடம் இருந்து உதவி கேட்டு அழைப்பு வருகிறது.
தேடினால் அவளது கணவன், போலீஸ் , உறவுகள், ஊர் , சமூகம் எல்லாமே ”அவளுக்கு குழந்தையே இல்லை . அவள் ஒரு மன நோயாளி” என்கிறது .
ஒரு நிலையில் இவனும் அதையே நம்ப , ஒரு விபரீத இழப்பு நிகழ்கிறது . அதன் பிறகு சத்யா சந்திக்கும் எதிர்பாராத திருப்பங்களே சத்யா . .
தெலுங்கில் வந்த க்ஷணம் படத்தின் மறு உருவாக்கம் .
ஆரம்பக் காட்சியே மிரட்டுகிறது .
படமாக்கல் சிறப்பு . அந்த வகையிலும் ரம்யா நம்பீசனிடம் இருந்து கியூட்டான முக பாவனைகள் வாங்கிய விதத்திலும் அசத்துகிறார் இயக்குனர்
“சும்மா நடிக்காத … “- யோகி பாபு
“எனக்கு நடிப்பு வராது ” – சிபி
“அதான் ஊருக்கே தெரியுமே ” — யோகி பாபு .
இந்த வசனத்துக்கு தியேட்டரே குபீர் என்று சிரித்தாலும் முதன் முதலாக அட்டகாசமாக நடித்துக் கவர்கிறார் சிபி சத்யராஜ் . 
சூப்பர் . நுணுக்கமான அசைவுகள் கூட சிறப்பாக வந்துள்ளது
சூப்பர் . நுணுக்கமான அசைவுகள் கூட சிறப்பாக வந்துள்ளது கொஞ்சம் காமெடி நிறைய சீரியஸ் கலந்த வேடத்தில் சதீஷ் . இனி தப்பிச்சுக்குவீங்க சதீஷ் .
அருண்மணி பழனியின் ஒளிப்பதிவு சிமோன் கே எஸ் இசை (குறிப்பாக பின்னணி இசை ) ஆசம் அட்டகாசம் !
ஏகப்பட்ட லாஜிக் ஓட்டைகள் இருந்தாலும் ரசனை ஏரியில் பர பரவென பயணிப்பதால் கரை சேர்க்கிறது சத்யா படகு .
