ராஜ் கமல் பிலிம்ஸ் இன்டர்நேஷனல் , ரெட் ஜெயன்ட் மூவீஸ் தயாரிப்பில் கமல்ஹாசன், விஜய் சேதுபதி, ஃ பகத் ஃபாசில், காயத்ரி , கவுரவத் தோற்ற சூர்யா நடிப்பில் லோகேஷ் கனகராஜ் இயக்கி இருக்கும் படம்
தொழில் நுட்பச் சிறப்போடு மேக்கிங்கில் அசத்தியுள்ளார் லோகேஷ் கனகராஜ் .
அனிருத்தின் இசை , கிரிஷ் கங்காதரனின் ஒளிப்பதிவு , பிலோமின் ராஜ் எடிட்டிங், சதீஷ் குமாரின் கலை இயக்கம் ஆகியவை படத்தை உயர்ந்த தளத்தில் கொண்டு போய் நிறுத்துகின்றன.
1980களின் மத்தியில் கமல்ஹாசன், அம்பிகா நடிப்பில் ராஜசேகர் இயக்கிய விக்ரம் படத்தின் தொடர்ச்சி .
இரண்டு லட்சம் கோடி மதிப்புள்ள இரண்டாயிரம் டன் கோகைன் போதைப் பொருளைத் தயாரிக்கும் அளவுக்கான இரண்டு டன் கோகைன் மூலப் பொருளைக் கைப்பற்றும் ஓர் இளம் அதிகாரி கொல்லப் படுகிறார் . மூன்று பொண்டாட்டிகளோடு வாழும் ஒரு தாதா ( விஜய் சேதுபதி) அந்த கொலைக்குக் காரணமானவர்களில் முக்கியமானவர் . கொல்லப்பட்ட அதிகாரியின் தந்தை (கமல்ஹாசன்) ஒரு சீனியர் உளவுத் துறை அதிகாரி இளம் அதிகாரி கொல்லப்பட்ட வழக்கை விசாரிக்க வருகிறார் இன்னொரு அதிகாரி (ஃபகத் ஃபாசில்) . இவர்களின் சந்திப்பில் என்ன நடந்தது என்பதே விக்ரம் ( 2022).
தொழில் நுட்பச் சிறப்போடு மேக்கிங்கில் அசத்தியுள்ளார் லோகேஷ் கனகராஜ் . கமல்ஹாசன் வழக்கம் போல அற்புத நடிப்பு. வயதான தன்மையுடன் ஆடும் நடனம், மெல்லிய உணர்வுகளைக் கூட அழகாக வெளிப்படுத்தும் அற்புதம் எல்லாம் சிறப்பு. கடைசிக் காட்சிகளில் கனரகத் துப்பாகிகளோடு முழங்கும் காட்சிகளில் ஹாலிவுட் நடிகர்கள் தோற்கிறார்கள் .
விஜய சேதுபதி இமேஜ் பற்றிக் கவலைப்படாமல் அசத்தி இருக்கிறார். ஃ பகத் ஃபாசில் மிகச் சிறந்த நடிப்பு .
அந்த வேலைக்காரி டுவிஸ்ட் அபாரம்.
‘நீ என்ன வேலை செய்யறன்னு நான் என்னிக்கு கேட்கிறேனோ அன்னைக்கு நான் உன்னை விட்டுப் போயிடுவேன்’ என்ற வசனமும் அதற்கேற்ற காயத்ரியின் கதாபாத்திர முடிவும் நெகிழ்ச்சி .
அனிருத்தின் இசை , கிரிஷ் கங்காதரனின் ஒளிப்பதிவு , பிலோமின் ராஜ் எடிட்டிங், சதீஷ் குமாரின் கலை இயக்கம் ஆகியவை படத்தை உயர்ந்த தளத்தில் கொண்டு போய் நிறுத்துகின்றன. பத்தல பத்தல பாட்டில் ஒன்றியத்தின் தப்பாலே என்ற வரிகள் வந்த இரண்டாவது சரணத்தை மொத்தமாக தூக்கி விட்டார்கள் . அது புரமொஷனுக்கு போல .
பாமர ரசிகர்களுக்கும் நன்றாகப் புரிந்த பிறகு அரைமணி நேரம் கடந்து அந்த இன்டர்வெல் டுவிஸ்ட் வருகிறது . மிக பலவீனமான முதல் பாதி . இரண்டாம் பாதி ஆக்ஷன்களால் தப்பிக்கிறது . 
கமல் நீண்ட வசனம் பேசியதற்குப் பதில் கொகைனால் ஏற்படும் பாதிப்புகளை விஷுவலகக் காட்டிவிட்டு பிறகு ஆக்ஷனுக்குள் போயிருந்தால் எதற்காக இந்த ரத்தக் களறிச் சண்டை என்பது படம் பார்க்கும் அனைத்துத் தரப்புக்கும் தெளிவாகப் புரிந்து இருக்கும். கசகச வசவவேன்று ஏகப்பட்ட கதாபாத்திரங்கள் வேறு .
கமல் நீண்ட வசனம் பேசியதற்குப் பதில் கொகைனால் ஏற்படும் பாதிப்புகளை விஷுவலகக் காட்டிவிட்டு பிறகு ஆக்ஷனுக்குள் போயிருந்தால் எதற்காக இந்த ரத்தக் களறிச் சண்டை என்பது படம் பார்க்கும் அனைத்துத் தரப்புக்கும் தெளிவாகப் புரிந்து இருக்கும். கசகச வசவவேன்று ஏகப்பட்ட கதாபாத்திரங்கள் வேறு . எனினும் அதிரடி அதகள ஆக்ஷன், தாத்தா பேரன் செண்டிமெண்ட், நடிப்பு, செய் நேர்த்தி இவற்றால் அசத்துகிறது விக்ரம்.
