இந்த ஆண்டின் மிகப்பெரிய தமிழ் பிளாக் பஸ்டரான- இயக்குநர் சுந்தர் சியின்- “அரண்மனை 4” தற்போது டிஸ்னி+ ஹாட்ஸ்டார் ஓ டி டி தளத்தில் காணக் கிடைக்கிறது.
திரையரங்குகளில் தவறவிட்டவர்கள் தற்போது குடும்பத்தோடு வீட்டில் அமர்ந்தபடியே டிஸ்னி+ ஹாட்ஸ்டாரில் “அரண்மனை 4” திரைப்படத்தை பார்க்க வாய்ப்பு அமைந்திருக்கிறது
சூப்பர்ஹிட் ஹாரர் காமெடி ஜானரில் அரண்மனை படத்தொடரின் தொடர்ச்சியாக வெளியான இந்தப் படத்தில், சுந்தர் சி உடன் நடிகைகள் தமன்னா, ராஷி கன்னா, யோகி பாபு, விடிவி கணேஷ், டெல்லி கணேஷ், கோவை சரளா ஆகியோர் முக்கிய வேடங்களில் நடித்திருந்தனர்.
இப்படத்திற்கு ஹிப் ஹாப் தமிழா இசையமைக்க, E கிருஷ்ணசாமி ஒளிப்பதிவு செய்திருந்தார். படத்திற்கு எடிட்டிங் பணிகளை ஃபெனி ஆலிவர் மற்றும் சண்டைக் காட்சிகளை ராஜசேகர் செய்திருந்தனர்
கமர்ஷியல் எண்டர்டெய்னர்களை ரசிகர்கள் கொண்டாடும் வகையில் உருவாக்குவதில் மாஸ்டர் என்று அறியப்பட்ட சுந்தர் சி மீண்டும் ஹாரர் காமெடியில் ஒரு அழுத்தமான கதையுடன் இப்படத்தைத் தந்திருந்தார். முந்தைய அரண்மனைத் தொடர் படங்களின் கதைக்களத்திலிருந்து மாறுபட்டு இருந்தது அரண்மனை 4.
அசாமிய நாட்டுப்புறக் கதைகளில் அடிக்கடி குறிப்பிடப்படும் பாக் எனப்படும் ஒரு நீர் வாழ் ஆவியை அடிப்படையாகக் கொண்டு அரண்மனை 4 படம் உருவாக்கப்பட்டது. தண்ணீரில் வசிக்கும் அது தான் பிடிக்கும் எந்த மனிதனின் வடிவத்தையும் எடுக்க முடியும் என்பது படத்தின் சுவாரஸ்யம். திரில்லர் மற்றும் ஹாரர் ரசிகர்களுக்கு ஒரு அருமையான விருந்தாக இப்படம் எடுக்கப்பட்டது.
சுந்த சி யின் வழக்கமான கமர்ஷியல் அம்சங்களுடன், குடும்பத்தோடு பார்த்து மகிழும் இந்த ஹாரர் காமெடித் திரைப்படத்தை தற்போது டிஸ்னி+ ஹாட்ஸ்டார் தளத்தில் காணலாம். .
