ஃ பார்மர் மாஸ்டர் பிளான் புரடக்ஷன்ஸ் சார்பில் கந்தசாமி நந்தகுமார், டி என் அருண் பாலாஜி, திலீப் சுப்பாராயன் தயாரிக்க,
ஜெய், அஞ்சலி , ஜனனி அய்யர் , யோகி பாபு , ராம்ஸ் ஆகியோர் நடிக்க,
சினிஷ் எழுதி இயக்கும் படம் பலூன் . ((கிரிஷ், சிரிஷ் என்று கேள்விப் பட்டு இருக்கோம் . இந்த இயக்குனர் பேர்லயே சினி(மா) வச்சிருக்கார் )).
இதற்கு முன்பு, என்றென்றும் என்ற சிறப்பான டெலிஃ பிலிம் மூலம் பலரையும் கவர்ந்தவர் சினிஷ் . அது திரையரங்கிலும் திரையிடப்பட்டது.
பலூன் படத்தின் டீசர் வெளியிடப்பட்டு எடுத்த எடுப்பிலேயே ஏகப்பட்ட வரவேற்பை பெற்றுள்ளது .
அட்டகாசமான லொக்கேஷன்கள், நல்ல ஷாட்கள், சரவணனின் சிறப்பான ஒளிப்பதிவு , யுவன் ஷங்கர் ராஜாவின் ஈர்க்கும் பின்னணி இசை என்று பலவித நேர்த்தியான அம்சங்களுடன்,
காதல், ஹாரர் , செண்டிமெண்ட், தெறிக்கும் ஆக்ஷன் என்று அசத்தலாக இருக்கிறது டீசர் .
டீசர் வெளியீட்டை ஒட்டி பத்திரிக்கையாளர்களை சந்தித்தார் சினிஷ்
“ஒரு உதவி இயக்குனர் (ஜெய்)தனது முதல் படத்துக்கு கதை எழுத தன் இணையுடன் (அஞ்சலி) ஒரு மலைவாசஸ்தலம் போகிறார் . அங்கு அவருக்கு ஏற்படும் ஹாரர் உள்ளிட்ட பல அனுபவங்களே இந்தப் படம் .
பேய்ப்படம் என்றாலும் கதையில் வரும் விசயங்களை வித்தியாசமாக வைத்து , வழக்கமான பேய்ப் படமாக இல்லாமல் பார்த்துக் கொண்டு இருக்கிறோம் .
படத்தில் ஜெய்க்கு இரண்டு வேட ங்கள் . ஒன்றில் ஜனனி அய்யர் ஜோடி . அது மிக சிறப்பான காதல் அனுபவமாக இருக்கும் .அஞ்சலி தொடர்பான காட்சிகளில் காதல் , ஹாரர் , செண்டிமெண்ட் எல்லாம் இருக்கும் .
படத்தின் ஹாரர் காட்சிகளில் எல்லாம் பலூனை ஒரு குறியீடாகப் பயன்படுத்தி உள்ளோம் .
பேய்ப்படங்கள் போலவே பலூனும் குழந்தைகளை கவரும் என்பதால் இந்த உத்தி . யோகி பாபு வரும் காட்சிகள் நகைச்சுவையில் சிறப்பாக இருக்கும்.
.
.
குழந்தைகள் உட்பட எல்லோருக்கும் பிடித்த படமாக இது இருக்கும் .
வரும் செப்டம்பர் மாத சமயத்தில் படம் திரைக்கு வரும் ” என்றார் .
வாழ்த்துகள் !
teaser
