ஷாலோம் ஸ்டுடியோஸ் பட நிறுவனம் சார்பில் ஜான்மேக்ஸ், ஜோன்ஸ் இருவரும் இணைந்து தற்போது ,
‘ பொட்டு’ படத்தை மூன்று மொழிகளில் தயாரித்து வருகிறார்கள். படம் மே மாதம் வெளியாக உள்ளது.
அதைத் தொடர்ந்து ஜான்மேக்ஸ், ஜோன்ஸ் ஆகியோர் இணைந்து தயாரிக்கும் படத்திற்கு ‘ கா’ என்று வித்தியாசமாகத் தலைப்பு வைத்துள்ளனர்.
இந்த படத்தில் ஆண்ட்ரியா கதாநாயகியாக நடிக்கிறார்.
ஒளிப்பதிவு – அறிவழகன்
இசை – அம்ரிஷ்
எடிட்டிங் – கோபிகிருஷ்ணா
கலை – லால்குடி இளையராஜா
ஸ்டன்ட் – விக்கி
நிர்வாக தயாரிப்பு – சங்கர் 
தயாரிப்பு – ஜான்மேக்ஸ், ஜோன்ஸ்
இணை தயாரிப்பு – ரவிகாந்த்
கதை, திரைக்கதை, வசனம், இயக்கம் – நாஞ்சில்
படத்தின் பூஜையும் அதை தொடர்ந்து பத்திரிக்கையாளர் சந்திப்பும் 29 – 04 – 18 அன்று நடந்தது
சந்திப்பில் பேசிய தயாரிப்பாளர் ஜான் மேக்ஸ்,
உலக மக்களுக்கான படம் இது. உலகின் எந்த மொழியிலும் இதை மொழி மாற்றம் செய்து வெளியிடலாம்.
இப்போதுள்ள சூழ்நிலையில் ஒரு மொழிக்காக மட்டும் படம் எடுத்து லாபம் பார்ப்பது சிரமம் .
எனவே நாங்கள் எடுக்கும் எல்லா படங்களையுமே இப்படி பல மொழி மக்களுக்கும் ஏற்றதாகவே எடுக்கிறோம் ” என்றார்.
இசை அமைப்பாளர் அம்ரேஷ் தன் பேச்சில் , “அது என்னவோ தெரியவில்லை . கதாநாயகிகள் ஹீரோயிசம் செய்து நடிக்கும் எல்லா படங்களுமே என்னிடம்தான் வருகின்றன .
கர்ஜனை உட்பட திரிஷா நடிக்கும் இரண்டு படங்கள், சன்னி லியோன் நடிக்கும் வீரமாதேவி , இப்போது ஆண்ட்ரியாவின் இந்தப் படம் என்று இந்த வரிசை நீள்கிறது .
இந்தப் படத்தில் பாடல்கள் இல்லை . எனவே முழு உழைப்பும் பின்னணி இசையில் போடுகிறேன் ” என்றார்
இயக்குனர் நாஞ்சில் பேசுகையில் , “முழுக்க முழுக்க கதாநாயகியை முன்னிலைப் படுத்தி கதை உருவாக்கப் பட்டுள்ளது.
கா என்றால் இலக்கியத் தமிழில் காடு, கானகம் என்று பொருள்படும். முழுக்க முழுக்க காட்டை மையப்படுத்தி கதை உருவாக்கப் பட்டுள்ளதால் “ கா “ என்று பெயர் வைத்திருக்கிறோம்.
(ஆனால் பொதுவில் கா என்ற சொல்லுக்கு சோலை, தோட்டம் என்றே பொருள். கான் என்பதே காட்டைக் குறிக்கும் சொல் . இவர்கள் ஏதோ சிறப்பான பொருளில் இந்த சொல்லை பயன்படுத்துகிறார்கள் என்று எண்ணுகிறேன் )
கொடிய மிருகங்கள் வாழும் காட்டுப் பகுதிகளுக்கு சென்று அவற்றின் வாழ்க்கை முறைகளையும் மற்றும் குணாதிசயங்களையும் பதிவு செய்யும் வைல்ட் லைஃப் போட்டோகிராபர் கதாபாத்திரத்தில் ஆண்ட்ரியா நடிக்கிறார்.
முக்கிய கதாபாத்திரத்தில் இளவரசு மற்றும் நீண்ட இடைவெளிக்கு பிறகு சலீம் கவுஸ் நடிக்கிறார்கள் . மற்ற நட்சத்திரங்கள் தேர்வு நடைபெற்றுக் கொண்டிருக்கிறது.
முழுக்க முழுக்க காட்டை மையப்படுத்தி திரைக்கதை அமைக்கப் பட்டுள்ளது. கிரைம் திரில்லர் படமாக உருவாக உள்ளது “ கா “
படப்பிடிப்பு விரைவில் துவங்கி அந்தமான், மூணார், மேற்கு தொடர்ச்சி மலைகள் போன்ற இடங்களில் நடைபெற உள்ளது. ” என்றார்.
சோலையாய் செழிக்கட்டும் ‘கா ‘ !
