வே ஃபேரர் ஃபிலிம்ஸ் சார்பில் நடிகர் துல்கர் சல்மான் மற்றும் ஸீ ஸ்டுடியோஸ் தயாரிப்பில் துல்கர் சல்மான், பிரசன்னா, ஐஸ்வர்யா லக்ஷ்மி , ஷபீர் கல்லரக்கல், நைலா உஷா, கோகுல் சுரேஷ் நடிப்பில் அபிலாஷ் சந்திரன் எழுத்தில் அபிலாஷ் ஜோஷி இயக்கி இருக்கும் படம்
கொத்தா என்ற ஊரில் நண்பர்களாக இருந்து பின்னர் பகைவர்கள் ஆன இரண்டு பேரின் சண்டையும் முடிவுமே படம்.
இதற்குள் காதல், நட்பு , பாசம், துரோகம் , சுயநலம் என்று காற்றில் கத்தி வீசுவது போல என்னமோ எழுதி எடுத்து நடித்து சாவடிக்கிரர்கள்
துல்கர் , பிரசன்னா இவர்களின் நடிப்பு, நிமிஷ் ரவியின் ஒளிப்பதிவு, உமா சங்கரின் படத் தொகுப்பு , கலை இயக்கம், படத்துக்கான டோன் தவிர மற்றது எல்லாம் கலகலத்துப் போயிருக்கிறது . ரப்பிஷ்
படம் எடுத்த எல்லோரும் இப்பப் போய் எதற்கு ஷோலே, நாயகன் , தளபதி எல்லாம் பார்த்தார்கள் என்று தெரியவில்லை.
வில்லனின் காதலியாக வருபவளை வேண்டும் என்றே வன்மத்தோடு மூக்குத்தி போட்ட தமிழ்ப் பெண்ணாகக் காட்டி அவள் முகத்துக்கு முன்னால்” நீ ஒரு அவுசாரி” என்று சொல்வதில் பெருமைப்பட்டு இருக்கிறார் துல்கர் .(துல்கரின் அப்பா முதலில் தமிழில் நடித்த படத்தின் பத்திரிக்கையாளர் சந்திப்பின் போது கை தூக்கிக் கும்பிட்டு என் தாய் மொழியின் தாய் மொழிக்கு வந்திருக்கிறேன் என்றார். .)
இதற்குப் பதில் நல்ல திரைக்கதைக்கு முயன்று இருக்கலாம் அதை விட்டு அபிலாஷ் சந்திரனும் அபிலாஷ் ஜோஷியும் தங்கள் அபிலாஷைகளை எல்லாம் நிறைவேற்றிக் கொள்ள ஒரு படம் எடுத்து இருக்கிறார்கள்
அதே போல ஒரு படத்தை இன்னொரு மொழியில் மொழி மாற்றம் செய்யும்போது அந்த மக்களுக்குப் புரியும் பெயரை வைக்க வேண்டும் . அதைப் பற்றி எல்லாம் கவலைப் படாமல் புரியுதோ இல்லியோ என் மொழியில் வைத்த பெயரை அப்படியே வைப்பேன். எனக்காக எப்படி இருந்தாலும் பார்ப்பார்கள் என்பது அலட்சியம் கூட இல்லை . ஆணவம்
படம் வேறு மூன்று மணி நேரம் ஓடி சாவடிக்கிறதா .. வெளியே வருபவர்கள் கிங் ஆஃப் கொத்தா என்பதில்
‘கொத்தா’ என்ற வார்த்தையின் முதல் எழுத்தை நெடில் ஆக்கி அதற்கு முன்பு ங் என்ற எழுத்தைப் போட்டு ,
மொத்தமாகப் படத்தின் பேரைச் சொல்கிறார்கள்.
