ஆர் புரடக்சன்ஸ் மற்றும் ஏ வி பி சினிமாஸ் சார்பில் ஆர் முத்துக்குமார் திரைக்கதை எழுதி இயக்கி உள்ள படம் நோக்க நோக்க .
தமிழில் ஏற்கனவே தொடக்கம், வெண்ணிலாவின் அரங்கேற்றம், தெலுங்கில் ஸ்ரீ ராமுடு, கன்னடத்தில் ஃபிரெண்ட்லி பேபி, சாக்லேட் பாய் ஆகிய படங்களை இயக்கியவர் முத்துக் குமார் .
தொலைக்காட்சி ஊடகத்தில் பணி புரியும் நிருபர் பிரதிமா இந்தியாவில் பணமதிப்பிழப்பு அறிவித்த நேரத்தில் நடந்த சட்டவிரோதமான பண மாற்றிதலை ஆவணமாக்கி , ஒளிபரப்புக்கு செலுத்தும் நேரத்தில் கொலை செய்யப்படுகிறாள். அவரது ஒரே மகளும் கொல்லப்படுகிறாள். 
நாயகியின் பெண் குழந்தை பேயாக வந்து எப்படி குற்றவாளிகளைப் பழிவாங்குகிறாள்; கடவுள் அவளுக்கு எப்படடி உதவுகிறார் என்பதுதான் படம்.
இணையத்தில் கந்த சஷ்டிக் கவசத்தை தவறாக சித்தரித்தவர்களை கடவுள் பழிவாங்குவது போன்ற காட்சிகளும் உண்டு.
UA சான்றிதழ் பெற்று அடுத்த மாதம் திரைக்கு வரும் இந்தப் படத்தில் புது முகம் அர்ஜுன் நாயகனாகவும் புது முகம் ஜோதி ராய் கதாநாயகியாகவும் நடிக்கின்றனர் .
அர்ஜுன் ராய் பான் மொழிப் படம் ஒன்றிலும் நடிக்கிறார், ஜோதி ராய் முன்பு யூ டியூபில் நிகழ்ச்சித் தொகுப்பாளராக இருந்தவர். 
இவர்களோடு படத்தில் கஞ்சா கருப்பு, ஜாக்குவார் தங்கம், பாவனா, சிந்தியா, மணிமேகலை, சுரேஷ் , அபி, பேபி அமுல்யா பேபி ஜனா ஆகியோர் நடித்துள்ளனர் .
கதை – பத்மினி, வசனம் – சிவசு, ஒளிப்பதிவு- விஜய் முத்துசாமி, இசை- ஆல்ட்ரின், எடிட்டிங்- அரவிந்த் , இணை- தயாரிப்பு – வெங்கட்ராமன், PRO கணேஷ்
