இடது கையால் ஜஸ்ட் லைக் தட் பிக் பாக்கெட் அடிப்பதில் வல்லவனாக இருக்கும் நாயகன் , கொஞ்சம் மன சாட்சி உள்ளவனாகவும் இருக்கிறான் .
ஒரு கல்யாணச் செலவுக்கான தொகையை பிக் பாக்கெட் அடித்து அதை திரும்பக் கொடுக்கப் போய் , காதலில் விழுந்து ,
அப்புறம் காரில் விழுந்து பீச்சாங்கை அடிபட்டு ஏலியன் ஹேண்ட் சிண்ட்ரம் என்ற நோய்க்கு ஆளாகிறான் .
அதாவது அவன் இடது கை அவன் மூளை சொல்கிற ஒட்டு மொத்த உடம்புக்கான செயல்பாடுகளை செய்யாமல் தன் இஷ்டத்துக்கு செயல்படும் .
அது விபரீதமாக நடந்து கொள்ளும்போது அதை கட்டுப் படுத்துவதே பெரிய வேலையாக இருக்கும் .
இதன் காரணமாக அவன் ஒரு தாதாவிடம் சிக்குகிறான் , சில அரசியல்வாதிகளின் உள்குத்து சண்டைக்குள் தானும் ஒரு கருவியாகிறான் . அதனால் ஏற்பாடு விளைவுகளே இந்தப் படம் .
இப்படி ஒரு கேரக்டரில் நடிப்பது மிக கஷ்டமான விஷயம் . மிகப் பெரும் திறமை, பயிற்சி , உடல் உறுப்புகளை ஆளும் திறன் ஒரு நடிகனுக்கு இருந்தால் மட்டுமே இது சாத்தியம் .
அதை சிறு குறை கூட இன்றி பிரம்மாதமாக செய்து வியக்க வைக்கிறார் நாயகன் ஆர் எஸ் கார்த்திக் . அருமை
மற்றபடி நகைச் சுவை என்ற பெயரில் என்னத்துக்கோ எதுக்கோ என்று பயணிக்கிறது படம் .
மற்றபடி நகைச் சுவை என்ற பெயரில் என்னத்துக்கோ எதுக்கோ என்று பயணிக்கிறது படம் .
ஒரு காலத்தில் ரம்பம், அறுவை , மொக்கை மொண்ணை என்று சொல்லப்பட்ட ஜோக்குகளை எல்லாம் டார்க் காமெடி என்று பெயர் வைத்து கொட்டி முழக்குகிறார்கள் .
உங்களை யாருங்க காமெடியில் லைட் போட வேணாம்னு சொன்னது? போட வேண்டியதுதானே ?
மற்றபடி நிஜமான டார்க் காமெடி என்பதெல்லாம் வேற பாஸ் .
