கர்ஸா என்டர்டைன்மெண்ட் சார்பில் ஆர் எஸ் கார்த்திக் மற்றும் பி ஜி மீடியா ஒர்க்ஸ் சார்பில் பி ஜி முத்தையா ஆகியோர் இணைந்து தயாரிக்க,
புதுமுகங்கள் கார்த்திக் , அஞ்சலி ராவ் மற்றும் எம் எஸ் பாஸ்கர், விவேக் பிரசன்னா, பையா பொன்முடி, ஜோசப், கிரிஷ் ஆகியோர் முக்கிய கதாபாத்திரங்களில் நடிக்க,
அறிமுக இயக்குநர் அஷோக் இயக்கி இருக்கும் படம் ‘பீச்சாங்கை’ .
ஒளிப்பதிவாளர் கெளதம் ராஜேந்திரன் (அறிமுகம்), இசையமைப்பாளர் பால முரளி பாலு (அறிமுகம்) மற்றும் படத்தொகுப்பாளர் ஜோமின் மேதில் (அறிமுகம்)
படத்தின் பத்திரிகையாளர் சந்திப்பில் படத்தின் முன்னோட்டமும் பாடல்களும் திரையிடப்பட்டன . இடது கைப் பழக்கம் உள்ள ஒரு பிக்பாக்கெட்காரனின் நிகழ்வுகளாக விரிந்தன அவை .
நிகழ்ச்சியில் பேசிய இயக்குனர் அசோக் ” தனது இடது கைப் பழக்கம் காரணமாக பிக்பாக்கெட் அடித்து சந்தோஷமாக வாழ்கிறான் ஒருவன் . ஒரு நிலையில்,
அவனது இடது கை அவன் சொன்னதைக் கேட்கும் நிலையில் இல்லாமல் போக அப்புறம் என்ன நடந்தது என்பதே இந்தப படத்தின் கதை ” என்றார்
“அறிமுக கலைஞர்கள் திரையுலகில் வெற்றி காண்பது என்பது சற்று சவாலான காரியம்தான். ஆனால் இன்றைய காலக்கட்டத்தில்
தரமான படங்களுக்கும், திறமையான கலைஞர்களுக்கும் ரசிகர்கள் மத்தியில் நல்லதொரு வரவேற்பு இருக்கின்றது. அந்த வகையில் ரசிகர்களின் எதிர்பார்ப்புகளை முழுவதுமாக பூர்த்தி செய்து,
எல்லா தரப்பு ரசிகர்களையும் கவரக்கூடிய திரைப்படமாக எங்களின் பீச்சாங்கை படம் இருக்கும்” என்றார் பீச்சாங்கை படத்தின் கதாநாயகன் கார்த்திக்.
“இந்த 2017 ஆம் ஆண்டு இளம் திறமையான கலைஞர்களுக்கான ஆண்டு. அறிமுக இயக்குநர்களால் உருவாக்கப்பட்டு, சமீபத்தில் வெளியான பல படங்கள் ரசிகர்களின் உள்ளங்களை கவரந்தது மட்டுமின்றி,
சினிமா விமர்சகர்களின் பாராட்டுகளையும் அதிகளவில் பெற்று இருக்கிறது. நிச்சயமாக அந்த படங்களின் வரிசையில் இந்த பீச்சாங்கை படமும் இடம் பெறும்.
கதாநாயகனாக அறிமுகமாகும் கார்த்திக்குக்கும், இயக்குநராக அறிமுகமாகும் அஷோக்கிற்கும் இது சிறந்த திரைப்படமாக இருக்கும்” என்றார் , படக் குழுவுக்கு பல உதவிகள் செய்த தயாரிப்பாளர் தனஞ்செயன்
