பல சுவாரஸ்யமான தொலைக்காட்சித் தொடர்களை இயக்கிய நிலையில் இவனுக்கு தண்ணில கண்டம் என்ற காமெடி கலாட்டா படத்தின் மூலம் வெள்ளித் திரையில் வெற்றிக் கொடி நாட்டியவர் இயக்குனர் சக்திவேல்
மக்கள் பாசறை மூலம் நடிகர் – தயாரிப்பாளர் ஆர் கே தயாரித்துக் கதாநாயகனாக நடிக்கும் வைகை எக்ஸ்பிரஸ் வெளிவர இருக்கும் நிலையில் ,அடுத்து அதே மக்கள் பாசறை மூலம் அதே நடிகர் – தயாரிப்பாளர் ஆர் கே தயாரித்துக் கதாநாயகனாக நடிக்க வடிவேலு முழு நீள கதாபாத்திரம் ஒன்றில் நடிக்க,
சக்திவேல் கதை திரைக்கதை வசனம் எழுதி இயக்கும் படம் நானும் நீயும் நடுவுல பேயும்
எல்லாம் அவன் செயல், அழகர் மலை ஆகிய படங்களில் ஆர் கே -வடிவேலு ஆகியோரின் காம்பினேஷன் காட்சிகள் இன்று வரை தொலைக்காட்சிகளில் மக்கள் ரசிக்கும் படி தொடர்ந்து ஒளிபரப்பப் படுகின்றன
இந்த கூட்டணிதான் மீண்டும் “நானும் நடுவுல பேயும் ” படத்துக்காக இணைகிறது.
காமெடிக்கு முக்கியத்துவம் கொடுத்து உருவாகிறது. வடிவேலு முழுக்க முழுக்க காமெடியில் கலக்கி எடுக்கும் கேரக்டரில் படம் முழுக்க வருகிறார்.
எல்லாம் அவன் செயல் படத்திற்கு ஒளிப்பதிவு செய்த ராஜரத்தினம் இப்படத்திற்கும் ஒளிப்பதிவு செய்கிறார்.
சென்னை, கேரளா, மற்றும் வெளிநாடுகளில் புத்தாண்டு தொடங்கி படப்பிடிப்பு நடைபெற உள்ளது.
