ஜெய் ஸ்டுடியோ கிரியேஷன்ஸ் சார்பில் பத்மராஜூ ஜெய் சங்கர் தயாரிப்பில் நாகேஷின் பேரன் கஜேஷ், ரித்விகா ஸ்ரேயா ,மொட்டை ராஜேந்திரன் தயாரிப்பாளர் . ஆகியோர் நடிப்பில் பாஸ்கர் சதாசிவம் இயக்கி இருக்கும் படம்
தாசில்தார் பொண்டாட்டியை தூக்கிக் கொண்டு வருவது முதல் எல்லா அராஜகமும் செய்து சொத்து வாங்கும் நபரின் (ஜெய் சங்கர்) மகளுக்கும் (ரித்விகா ஷ்ரேயா ) ஊரில் ஒரு ஏழை இளைஞனுக்கும் (கஜேஷ்) மோதல் அப்புறம் காதல்.
காதலனின் பால்ய காலந்தொட்ட எதிரி, பெண்ணின் அப்பாவிடம் போட்டுக் கொடுக்க, குடுமப் பகை கொண்ட தாய்மாமன் வீட்டில் காதலனை மறைத்து து வைக்கிறாள் காதலி . அவனோடு வாழ அவள் விரும்ப , அவனோ மொடாக் குடிகாரன் ஆகிறான். அவனை மாற்ற முயன்று தோற்று காதலி ‘புரச்சி’ப் பெண்ணாகா மாறுவதே படம்
இதை அப்படியே ஏனோ தானோ என்று எடுத்து இருக்கிறார்கள் .
இயக்குனரின் வசனங்கள் சில இடங்களில் அருமை. பல இடங்களில் மொக்கை . காமெடியும் கார்த்திக் கிருஷ்ணனின் பின்னணி இசையும் அப்படியே .
பெப்சி தாஸ், பாஸ்கர் அருணகிரி இசையில் எழுதி இருக்கும் அந்த, இடைவேளை மற்றும் கிளைமாக்ஸ் குத்து பாட்டுகள் அந்தக் கால பஸ் பயணங்களில் டீ குடிக்க இரவில் பஸ் நிற்கும் இடங்களில் போடப்படும் குரல், மொழி, ரகம்
கஜேஷ் நாகேஷ் வெள்ளையாக இருக்கிறார். உற்சாகமாக நடிக்கிறார் . நல்ல கதைத் தேர்வு முக்கியம். பிரஸ் ஷோ முடிந்த பின்னரும் கேரக்டரிலேயே இருந்தார் நாயகி ரித்விகா ஸ்ரேயா. ஆனால் படத்தில் கேரக்டருக்குள் போகாமல் நடிகையாகவே இருந்தார்.
ஒரு முறை உருட்டவே ஒரு உருட்டுக் கட்டை, கடின சமதளம், ஏதோ மாவு வேண்டும் . எதுவுமே இல்லாமல் உருட்டினால் எப்படி?
திரைக்கதைக்குள் சின்னச் சின்ன நகாசுகள் உண்டு . ஆனால் கெட்டுப் புளித்த மாவில் கண்ணுக்கு அழகாக சப்பாத்தி உருட்ட முயன்று தோற்று இருக்கிறார்கள் . ஏன்னா மாவு மொக்கை வாடை.
அகண்ட பெண்களை ஆபாசமாக பயன்படுத்தி காமெடி என்று சொல்லும் ஆபாச வக்கிரம் எப்போது மாறும்? எல்லாமே சோழா பூரி
குண்டான ககுட்டையான ஆண்களை அருவருப்பாக குதிக்க வைப்பது எப்போது மாறும்
அடுத்த முறை உருட்டுவதாக இருந்தால் நல்ல பொருட்கள் வாங்கி அப்புறம் சப்பாத்திக் கட்டையில் கை வைக்கவும்
