மலையாள நடிகர் டோவினோ தாமஸ் , பியா பாஜ்பை ஜோடியாக நடிக்க, பிரபு , சுகாசினி , ரோகினி உடன் நடிக்க,
உதயபானு மகேஸ்வரனின் கதை திரைக்கதைக்கு கே. சண்முகம் வசனம் எழுத , பி ஆர் விஜயலட்சுமி தயாரித்து இயக்கி இருக்கும் படம் அபியும் அனுவும்.
ஒட்டிக்கலாமா ? வெட்டிக்கலாமா ? பேசுவோம் .
ஐ டி கம்பெனி இளைஞனான அபி என்ற அபிமன்யூவுக்கும் ( டோவினோ தாமஸ் ) , புற்று நோய் விழிப்புணர்ச்சிப் பணி செய்யும் இளம்பெண் அனுவுக்கும்( பியா பாஜ்பை) இருவருக்கும் முக நூல் வழிக் காதல் .
அனு தன் அம்மாவிடமும் (ரோகினி) அபி தனது அப்பா அம்மாவிடமும் (உதயபானு மகேஸ்வரன்– தீபா ராமானுஜம்) சொல்லாமல் கூட திருமணம் செய்து கொண்டு பிறகு சொல்கின்றனர். பெற்றோரும் ஏற்கின்றனர் .
அனு கர்ப்பம் ஆகிறாள்.
இந்த நிலையில் அனுவின் அம்மாதான் வாடகைத்தாயாக உயிரணுவை ஏந்தி அபியையும் பெற்றுக் கொடுத்தவள்; ஆக, அபி அனு இருவருக்கும் அம்மா ஒருவர்தான் . அப்பாதான் வேறு வேறு, இருவரும் உறவுப் படி அண்ணன் தங்கை என்ற உண்மை வேலைக்காரப் பெண்மணி ( கலை ராணி) மூலம் , தெரியவருகிறது .
கருவைக் கலைத்து விட்டு விவாகரத்து செய்து பணத்தைக் கொடுத்து அனுவை செட்டில் செய்து விட்டு வரும்படி அபியின் அப்பா அம்மா சொல்கின்றனர் .
ஆனால் பிள்ளையைப் பெற்றுக் கொண்டு கணவன் மனைவியாக வாழலாம் என்கிறாள் அனு.
குழப்பத்தில் அனுவின் அம்மா சாக, அவருக்கு மகனாக சடங்குகள் செய்து விட்டு, அப்பா அம்மா சொன்ன வழியில் அனுவைப் பிரிய முடிவு செய்கிறான் அபி. 
”கருவைக் கலைக்க முடியாது . நான் பெற்று வளர்த்துக் கொள்கிறேன் . குழந்தை பிறக்கும்வரையாவது கூட இரு” என்கிறாள் அனு.
”கருவைக் கலைக்க முடியாது . நான் பெற்று வளர்த்துக் கொள்கிறேன் . குழந்தை பிறக்கும்வரையாவது கூட இரு” என்கிறாள் அனு. ஆரம்பத்தில் அபி சம்மதிக்கிறான் . பின்னர் அதிலும் பிரச்னை .
அபியின் பக்கத்து வீட்டில் வாழும் குழந்தை இல்லாத ஜோடி(பிரபு – சுகாசினி) இருவரையும் கணவன் மனைவியாக வாழ வைக்க முடிவு செய்கிறது .
அப்புறம் நடந்தது என்ன என்பதே இந்தப் படம்
— என்று முடிக்க எல்லாம் ஒன்றும் இல்லை .
ஏனென்றால் ஒண்ணும் நடக்கல .
அனுவின் அம்மாவுக்கு மகனாக சடங்குகள் செய்ய முடிவு செய்யும் அபி அதன் மூலம் அனுவை பிரிய முடிவு செய்கிறான் என்ற ஒரு இழை மட்டும் கவனம் கவர்கிறது . 
எப்போதோ ஆனந்தக் கும்மி என்ற பெயரில் வந்து இளையராஜாவின் காலத்தால் அழியாத பாடல்கள் கிடைத்தும் படு தோல்வி அடைந்த கதையை,
எப்போதோ ஆனந்தக் கும்மி என்ற பெயரில் வந்து இளையராஜாவின் காலத்தால் அழியாத பாடல்கள் கிடைத்தும் படு தோல்வி அடைந்த கதையை, இப்போது ஒருத்தர் எழுதி , எந்த சுவாரஸ்யமும் இல்லாத உப்பு சப்பற்ற காட்சிகளுடன் திரைக்கதை எழுதி ,
ஏதோ ரேடியோ டிராமா கணக்காக ஒருவர் வசனம் எழுத ,
பலரும் பார்க்காத ஒரு சேனலின் பிரைம் டைம் அல்லாத நேரத்தில் அழுது வடியும் ஒரு அரைவேக்காடு சீரியல் போன்ற மேக்கிங்கில் நத்தையாக ஊர்கிறது படம் , சொத்தையாக !
தமிழ் பேசுவதாக நினைத்துக் கொண்டு மலையாள நெடி மண்டையை உடைக்க வசனம் பேசும் டோவினோ தாமஸ் இன்னொரு பக்கம் எரிச்சல் மூட்டுகிறார் .
பியா பாஜ்பை படு செயற்கை . சுகாசினி பிரபு கேரக்டர்களும் அப்படியே .
அவர்களால் எதையுமே சாதிக்க முடியாது எனும்போது எதற்கு அந்த கதாபாத்திரங்கள் , காட்சிகள் ? திரைக்கதையில் ஒரு கேரக்டர் மற்றும் காட்சி வருவதற்கு ஒரு கரணம் மற்றும் விளைவு வேண்டாவா ?
ஒரு உண்மை சம்பவம் என்று சும்மாவாச்சும் கூறிக் கொள்ளும் இந்தக் கதையில் இவ்வளவு கூத்தும் அடித்து விட்டு,
கடைசியில் அனு வாடகைத்தாய் மூலம் பிறந்தவள் அல்ல . டெஸ்ட் டியூப் பேபிதான் என்று கடைசியில் ஒரு தகவல் வேறு .
என்னதான்பா சொல்ல வர்றீங்க . ? என்னமோ போங்கப்பா .
