இப்படத்தின் மூலம் தெலுங்கில் வளர்ந்து வரும் கதாநாயகியான ரேஷ்மா ரத்தோர் தமிழில் அறிமுகமாகிறார்.
நகைச்சுவை கலந்த வித்தியாசமான கதாபாத்திரத்தில் கருணாகரன் படம் முழுக்க வருகிறார். பாண்டிராஜன், ஆடுகளம் நரேன், மனோபாலா, யோக்ஜேபி ஆகியோர் முக்கியக் கதாபாத்திரங்களில் நடித்திருக்கிறார்கள்.
இசை டி இமான் , பாடல்கள் யுகபாரதி .
அட்டகத்தி மற்றும் குக்கூ படங்களின் ஒளிப்பதிவாளர் பி.கே.வர்மா ஒளிப்பதிவு செய்திருக்கிறார். ஜி.மதன் படத்தொகுப்பு செய்திருக்கிறார்.
நகைச்சுவை கலந்த பயணமே, இந்த அதாகப்பட்டது மகாஜனங்களே. இது ஒரு கற்பனைக் கதை என்றாலும் நிச்சயமாக நாம் ஒவ்வொருவரும் என்றோ ஒரு நாள் நம் வாழ்க்கையில் கடந்து வந்த,
இந்தத் திரைப்படத்தின் பாடல் மற்றும் டிரெய்லர் வெளியீட்டு விழாவில் சிவகார்த்திகேயனும் கே எஸ் ரவிக்குமாரும் , பிரபு சாலமனும் பாடல்களை வெளியிட ,
”தம்பி ராமையா சினிமாவில் பல கஷ்டங்களை சந்தித்து போராடி வென்றவர் . அது சாதாரண விஷயம் இல்லை அதை உமாபதியும் மனதில் வைத்துக் கொண்டால் வெற்றி உறுதி .
மைனா படம் மூலம் தம்பி ராமையாவின் திரையுலக வாழ்வில் ஏற்றம் தந்த பிரபு சாலமன் பேசும் போது ” தம்பி ராமையா தன் உழைப்பால் , திறமையால் காத்திருந்து உயர்ந்தவர் .
நிசசயமாக விரைவில் அவரை கதாநாயகனாக வைத்து ஒரு படத்தை சரியான கதை அமைந்த உடன் இயக்குவேன் ” என்றார்
“தம்பி ராமையாவைப் போல அவர் மகன் உமாபதியும் முன்னேறுவர் என்பது இந்தப் படத்தில் அவர் நடிப்பைப் பார்க்கும்போது தெரிகிறது .
“காமெடி , செண்டிமெண்ட், வில்லத்தனம் என்று எல்லா கேரக்டர்களிலும் அசத்தக் கூடிய நடிகர் தம்பி ராமையா . அவரது மகன் உமாபதியிடமும்
இயக்குனர் பேரரசு தன் பேச்சில் ” தம்பி ராமையா மிக அற்புதமான கலைஞன் . அவரது திறமை அவர் மகனுக்கும் இருக்கும் என்பதை இந்தப் படத்தின் காட்சிகள் நிரூபிக்கின்றன ” என்றார் .
கே எஸ் ரவிக்குமார் தன் பேச்சில் ” தம்பி ராமையா மிக அற்புதமான நடிகர் . அவருடைய எனர்ஜி லெவல் எப்பவுமே சிறப்பா இருக்கும் .
உமாபதி பேசும்போது ” இங்கே பல பெரிய சாதனையாளர்கள் என்னை வாழ்த்த வந்திருப்பது சந்தோஷமாக உள்ளது . சின்ன வயசில் கே எஸ் ரவிக்குமார் சார் படங்களில் வந்து ஆடுவது எனக்கு பிடிக்கும் .
அதே போல எப்படி அலட்டிக்காம அழகா ஆடணும் என்பதை சிவ கார்த்திகேயன் அண்ணனிடம் பார்க்கலாம் . வருத்தப் படாத வாலிபர் சங்கம் பாட்டில் அழகாக தலையை அசைத்தே கவர்ந்து விடுவார் .
பிரபு சாலமன் சாரின் வார்த்தைகளுக்கு ரொம்ப நன்றி . அப்பாவின் அருமையை நான் அறிவேன் . அவர் பெயரையும் புகழையும் காப்பாற்றி இன்னும் நல்ல பேர் எடுப்பேன் ” என்கிறார் .
படத்தின் இயக்குனர் ர.இன்பசேகர் “ஆரம்பத்தில் விஜய் டிவியில் நான் இயக்கிய பல நிகழ்சசிகளில் சிவ கார்த்திகேயன் பங்களிப்பு செய்துள்ளார் .
இந்தப் படத்துக்கு நான் ஹீரோ தேடியபோது உமாபதி வந்தார் . தேர்வில் கலந்து கொண்டார் . அவரை நாங்கள் தேர்ந்தெடுத்தோம் .
தம்பி ராமையா தன் பேச்சில் “என் மீது கொண்ட அன்பு காரணமாக என் மகனை வாழ்த்த வந்த அனைவருக்கும் நன்றி . என் பெயரை பயன்படுத்தாமல் என் மகன் வெல்வதே எனக்குப் பெருமை .
இங்கே என் தங்கம் சிவ கார்த்திகேயனைப் பற்றி சொல்ல வேண்டும் . அவரது அப்பா தாஸ் மிகச் சிறந்த மனிதர் . திருச்சியில் சிறைத் துறையில் பணியாற்றிய மிக நேர்மையான மனிதர் .
அப்படி ஒரு சிறந்த தகப்பனை பதினேழு வயதில் இழப்பது எவ்வளவு கொடுமை . அந்தக் கொடுமையை அனுபவித்து சுயம்புவாக இருந்து உழைத்து முன்னேறியவர தம்பி சிவகார்த்திகேயன் .
சிறப்பாக சிறப்புரை ஆற்றிய சிவ கார்த்திகேயன் ” தமபி ராமையா அண்ணன் போல் ஓர் உற்சாகமான நபரை நான் பார்த்ததே இல்லை . அவர் இருந்தால் அவர் பேச எல்லோரும் கேட்டுக் கொண்டு இருப்போம் .
என் அப்பா நல்லவர் என்று நான் சொல்வதை விட மற்றவர் சொல்லிக் கேட்பதே பெருமை . ஒரு முறை நக்கீரன் கோபால் சார்,
இன்னிக்கு என் அப்பா என் கூட இருந்தா எவ்ளோ நல்லா வச்சு பாத்துக்குவோம்னு தோணும் . ஆனா எனக்கு அது அமையல .
உமாபதி….. நீங்க எவ்வளவு உயரத்துக்குப் போனாலும் உங்க அப்பாவான தம்பி ராமையா அண்ணனை நல்லா பாத்துக்கணும் ” என்றார் .
அதாகப் பட்டது மகா ஜனங்களே ! தாய் தந்தைப் பாசம் தலையாயது !
